Brailvi Books
 |
فتاویٰ رضویہ جلد نمبر۷(کتاب الصلٰوۃ) |
45 - 158
مسئلہ ۹۶۵ :ازکلکتہ فوجداری نمبر۳۶ مرسلہ جناب مرزاغلام قادربیگ صاحب ۳۰/رجب ۱۳۰۸ھ کیافرماتے ہیں علمائے دین اس مسئلہ میں کہ اگرمقتدی نے رکوع یاسجدہ امام کے ساتھ نہ کیا بلکہ امام کے فارغ ہونے کے بعد کیا تو نماز اس کی ہوئی یانہیں؟ بیّنوا تؤجروا
الجواب ہوگئی اگرچہ بلاضرورت ایسی تاخیر سے گنہگار ہوا اور بوجہ ترک واجب اعادہ نماز کاحکم دیاجائے تحقیق مقام یہ ہے کہ متابعت امام جو مقتدی پرفرض میں فرض ہے تین صورتوں کو شامل، ایک یہ کہ اس کا ہرفعل فعل امام کے ساتھ کمال مقارنت پرمحض بلافصل واقع ہوتارہے یہ عین طریقہ مسنونہ ہے اور ہمارے امام اعظم رضی اﷲ تعالٰی عنہ کے نزدیک مقتدی کو اسی کا حکم۔دوسرے یہ کہ اس کا فعل فعل امام کے بعد بدیر واقع ہو اگرچہ بعد فراغ امام، فرض یوں بھی ادا ہوجائے گا پھر یہ فصل بضرورت ہوا تو کچھ حرج نہیں، ضرورت کی یہ صورت کہ مثلاً مقتدی قعدہ اولٰی میں آکر ملا اس کے شریک ہوتے ہی امام کھڑا ہوگیا اب اسے چاہئے کہ التحیات پوری پڑھ کر کھڑا ہو اور کوشش کرے کہ جلد جاملے، فرض کیجئے کہ اتنی دیر میں امام رکوع میں آگیا تو اس کا قیام قیام امام کے بعد اختتام واقع ہوگا مگرحرج نہیں کہ یہ تاخیر بضرورت شرعیہ تھی اور اگربلاضرورت فصل کیا تو قلیل فصل میں جس کے سبب امام سے جاملنا فوت نہ ہو ترک سنت اور کثیر میں جس طرح صورت سوال ہے کہ فعل امام ختم ہونے کے بعد اس نے فعل کیا ترک واجب جس کا حکم اس نماز کو پورا کرکے اعادہ کرنا۔
تیسرے یہ کہ اس کا فعل فعل امام سے پہلے واقع ہو مگر امام اسی فعل میں اس سے آملے مثلاً اس نے رکوع امام سے پہلے رکوع کردیا لیکن یہ ابھی رکوع ہی میں تھا کہ امام رکوع میں آگیا اور دونوں کی شرکت ہوگئی یہ صورت اگرچہ سخت ناجائز وممنوع ہے اور حدیث میں اس پر وعید شدید وارد، مگرنماز یوں بھی صحیح ہوجائے گی جبکہ امام سے مشارکت ہولے اور اگرابھی امام مثلاً رکوع یاسجود میں نہ آنے پایا کہ اس نے سراٹھالیا اور پھرامام کے ساتھ یہ بعد اس فعل کااعادہ نہ کیا تو نماز اصلاًنہ ہوگی کہ اب فرض متابعت کی کوئی ضرورت نہ پائی گئی توفرض ترک ہوا اور نماز باطل۔ ردالمحتارمیں ہے:
وتکون المتابعۃ فرضا بمعنی ان یأتی بالفرض مع امامہ اوبعدہ کما لو رکع امامہ فرکع معہ مقارنا اومعاقبا وشارکہ فیہ اوبعد مارفع منہ فلولم یرکع اصلا اورکع و رفع قبل ان یرکع امامہ ولم یعدہ معہ اوبعدہ بطلت صلاتہ والحاصل ان المتابعۃ فی ذاتھا ثلثۃ انواع مقارنۃ لفعل الامام مثل ان یقارن احرامہ لاحرام امامہ ورکوعہ لرکوعہ وسلامہ لسلامہ ویدخل فیھا مالورکع قبل امامہ ودام حتی ادرکہ امام فیہ، ومعاقبۃ لابتداء فعل امامہ مع المشارکۃ فی باقیہ، ومتراخیۃ عنہ فمطلق المتابعۃ الشامل لھذہ الانواع الثلثۃ یکون فرضا فی الفرض و واجبا فی الواجب وسنۃ فی السنۃ عند عدم المعارض اوعدم لزوم المخالفۃ کما قدمناہ والمتابعۃ المقیدۃ بعدم التاخیروالتراخی الشاملۃ للمقارنۃ والمعاقبۃ لاتکون فرضا بل تکون واجبۃ فی الواجب وسنۃ فی السنہ عند عدم المعارض وعدم لزوم المخالفۃ ایضا والمتابعۃ المقارنۃ بلاتعقیب ولاتراخ سنۃ عندہ لاعندھا ۱؎ الی اٰخرما افادواجاد علیہ رحمۃ الملک الجواد۔