Brailvi Books
 |
فتاویٰ رضویہ جلد نمبر۳(کتاب الطہارۃ) |
91 - 166
اقول: وفیہ ثلٰثۃ مباحث الاوّل الظاھر ان المراد بالتطھیر ازالۃ النجاسۃ الحکمیۃ لکن ربما ییمم(۱) المیت اذالم یوجد ماء اوکان رجلا بین نساء اوامرأۃ بین رجال اوخنثی مراھقۃ مطلقا فانہ ییمہ المحرم فان لم یکن فالاجنبی بخرقۃ ۱؎ الکل فی الدر ویأتی مفصلا وقد(۲) قال عامۃ المشائخ ان المیت یتنجس بالموت نجاسۃ حقیقۃ وھو الاظھر ۲؎ بدائع وھو الصحیح ۳؎ کافی وھو الاقیس عــہ فتح ۴؎۔
اقول: یہاں تین بحثیں ہیں: اول ظاہر یہ ہے کہ تطہیر سے نجاست حکمیہ کا ازالہ مراد ہے لیکن کبھی ایسا ہوتا ہے کہ میت کو تیمم کرایا جاتا ہے جب پانی نہ ملے یا میت عورتوں کے درمیان کوئی مرد، یا مردوں کے درمیان کوئی عورت یا کوئی مراہق خنثی ہو مطلقا۔ اسے کوئی محرم تیمم کرائے گا، وہ نہ ہو تو اجنبی کسی کپڑے کے ذریعے تیمم کرائے گا۔ یہ سب درمختار میں ہے اور تفصیلی ذکر آگے آئیگا اور عامہ مشائخ نے یہ فرمایا ہے کہ موت سے میت نجاست حقیقیہ کے ساتھ نجس ہوجاتی ہے اور یہ ظاہر تر ہے، بدائع-- یہی صحیح ہے، کافی-- یہی زیادہ قرین قیاس ہے، فتح القدیر۔
(۱؎ الدرالمختار باب صلاۃ الجنائز مطبوعہ مجتبائی دہلی ۱/۱۱۹) (۲؎ بدائع الصنائع فصل فی وجوب غسل المیت ایچ ایم سعید کمپنی کراچی ۱/۲۹۹) (۳؎ کافی) (۴؎ فتح القدیر فصل فی الغسل نُوریہ رضویہ سکھّر ۱/۷۰)
عــہ لان الاٰدمی حیوان دموی فیتنجس بالموت کسائر الحیوان فتح اقول ویرد علیہ ان لوکان کذالم یمکن تطہیرہ بالغسل الاتری الجیفۃ لوغسلت الف مرۃ لم تطھر وانما یطھر منھا الجلد بالدباغ وجلد الانسان لایحتملہ ولعل قولی ھذا اولی من قول القائلین بالحدث اذقالوا نجاسۃ الحدث تزول بالغسل لانجاسۃ الموت لقیام موجبھا بعدہ فغسل المسلم لیس لنجاسۃ تحل بالموت بل للحدث لان الموت سبب الاسترخاء و زوال العقل ولما کان یرد علیہ ان ھذا سبب الوضوء دون الغسل قالوا بل ھو سبب الغسل وکان ھو القیاس فی الحی وانما اقتصر فیہ علی الوضوء دفعا للحرج لتکرر سبب الحدث منہ بخلاف المیت ۱؎ اھ اذیرد علیہ مافی الفتح ان قیام الموت مشترک الالزام فان سبب الحدث ایضا قائم بعد الغسل ۲؎ اھ۔ اس لئے کہ آدمی، خُون رکھنے والا جاندار ہے تو یہ بھی ایسے دوسرے جانداروں کی طرح موت سے نجس ہوجائیگا، فتح القدیر۔ اقول اس پر یہ اعتراض وارد ہوگا کہ اگر ایسا ہوتا تو غسل سے اس کی تطہیر ممکن نہ ہوتی۔ دیکھ لیجئے کہ مردار کو اگر ہزار بار بھی غسل دیا جائے تو پاک نہ ہوگا، ہاں دباغت سے صرف اس کی جلد پاک ہوجاتی ہے، اور انسان کی جلد میں اس کا احتمال نہیں۔ امید ہے کہ میری مذکورہ عبارت حدثِ میت کے قائل حضرات کی اس عبارت سے بہتر ہوگی جس میں انہوں نے یہ کہا کہ ''حدث ہی کی نجاست ہے جو غسل سے دُور ہوتی ہے نہ کہ موت کی نجاست، اس لئے کہ اس نجاست کا سبب (موت) تو بعد غسل بھی قائم وباقی رہتا ہے۔ تو مسلم کا غسل کسی ایسی نجاست کی وجہ سے نہیں جو موت سے اس میں حلول کرجاتی ہے بلکہ حدث کی وجہ سے ہے، اس لئے کہ موت اعضاء کے ڈھیلے پڑنے اور عقل کے زائل ہونے کا سبب ہے'' اس پر جو اعتراض وارد ہوتا تھا کہ یہ تو وضو کا سبب ہے غسل کا نہیں، تو اس کے جواب میں ان حضرات نے کہا: ''بلکہ یہ غسل ہی کا سبب ہے اور زندہ شخص میں بھی قیاس کا تقاضا یہی تھا کہ اس سے غسل لازم ہو، مگر دفع حرج کیلئے اس میں صرف وضو پر اکتفا کا حکم ہوا کیونکہ اس سے یہ سبب باربار پایا جاتا ہے بخلاف میت کے، کہ اس میں ایسا نہیں''۔ اھ۔ اس عبارت پر وہ اعتراض وارد ہوتا ہے جو فتح القدیر میں ہے کہ ''سبب کے قائم وباقی رہنے کا الزام تو دونوں ہی صورتوں میں مشترک ہے کیونکہ حدث کا سبب بھی تو غسل کے بعد قائم وباقی رہتا ہے'' اھ۔