Brailvi Books
 |
فتاویٰ رضویہ جلد نمبر ۲۹(کتاب الشتّٰی ) |
13 - 157
مسئلہ ۳۹و۴۰ : از موضع درؤ ضلع نینی تال مرسلہ مٹھو نورباف ۹ جمادی الاولٰی ۱۳۳۶ھ اﷲ تعالٰی کا جو فرمان ہے وہ کلام پاک ہے ، اس میں سب فیصلے موجود ہیں، اس سے کوئی فیصلہ بچا نہیں ہے، اب اماموں کا جو اختلاف ہے وہ کس بنا پر ہے؟ ایک فعل حرام اور کسی کے یہاں وہی فعل حلال ہے اور کسی کے یہاں وہی فعل فرض اور کسی کے یہاں وہی فعل سنت ، بعض کے یہاں واجب ، مثلاً ایک فعل امام شافعی کے یہاں جائز ہے اور ہمارے امام اعظم رحمۃ اﷲ تعالٰی علیہ کے یہاں ناجائز ، اور کچھ لوگ اس فعل کو کرتے ہیں اور ہم بچتے ہیں، اور یہ بھی سُنا ہے کہ خدا کے حرام کو حلال جاننے والا کافر، اور یہ بھی سُنا ہے کہ غیر مقلد کے پیچھے نماز ناجائز نہیں ہے بلکہ مکروہ ہے، حضور اس کی تسکین ہو۔
دوسرے یہ کہ جناب باری نے اپنے محبوب کو سب مراتب عنایت فرمائے ہیں اکثر وہابیہ کا جھگڑا سُننے کو ملتا ہے تو حضرت بی بی عائشہ رضی اللہ تعالٰی عنہا کی مثال پیش کرتے ہیں تہمت والی،میرے حضور ! گزارش یہ ہے کہ بعض موقع پر جنابِ باری کی طرف سے پردہ ہوتا تھا یا کیا؟
الجواب : قرآن عظیم میں بے شک سب کچھ موجود ہے مگر اُسے کوئی نہ سمجھ سکتا اگرحدیث اس کی شرح نہ فرماتی۔
قال اﷲ تعالٰی: لتبین للناس مانزل الیھم ۔۱