Brailvi Books

فتاویٰ رضویہ جلد نمبر۲۸ (کتاب الشتّٰی)

84 - 135

خلاصہ جواب تھانوی دیوبند

آنحضرت صلی اللہ تعالٰی علیہ وسلم کی طرف بلا دلیل شرعی کسی قول یافعل کو منسوب کرنا جمہورکے نزدیک حرام اور بعض کے نزدیک کفر ہے ۔ پس روح مقدس حضرت غوث اعظم پرآپکا سوارہوکر عرش پر پہنچنے کی نسبت فعل اور آپ کافرمانا کہ "میرے بعد نبی ہوتا تو پیران پیر ہوتے"قول کی نسبت بلادلیل ۔ پس سخت معصیت وحرام ہے ۔

اورچونکہ منقولین اور ان امور کے اصرارکرتے اور اس کومستحسن سمجھتے ہیں۔پس اصرارعلی المعصیۃ قریب کفر اوراس کا استحسان صریح کفرہے ۔ ایسے لوگوں کے ایمان میں کلام اوراشتباہ معلوم ہوتاہے،بلکہ درپردہ اس قصہ میں حضرت غوث اعظم کو فضیلت دینالازم آتاہے حضرت سرورکائنات صلی اللہ تعالٰی علیہ وسلم پر کہ آپ تو وہاں نہ پہنچ سکے اور حضرت غوث اعظم پہنچ گئے اوران کے ذریعے سے آپ کی رسائی ہوئی، نعوذباللہ منہ۔

قطع نظر اس سے سدرۃ المنتہٰی کو اس لئے سدرۃ المنتہٰی کہتے ہیں کہ وہ منتہٰی عروج مخلوقات کا ہے ۔پس جس کا عروج اس سے اوپر بالدلیل ہو، مستثنٰی ہے۔دوسرے کے عروج کا دعوٰی رجم بالغیب جس کی مذمت قرآن مجید میں منصوص ہے ۔ اسی طرح یہ اعتقاد کہ زنبیل چھین لی، مخلاف نص قرآنی منجرالی کفر ہے ۔ ایسے ہی حضرت عائشہ کا دودھ پلانا، اس کی بھی کچھ اصل نہیں ۔ اول تو حضرت عائشہ کے دودھ ہی نہ تھا، دوسرے روح منہ اورلب اورپیٹ سے پاک ہے۔یہ چیزیں خواص اجسام سے ہیں۔پھر دودھ پینے کے کیا معنی۔ اورحضرت ابوبکر سے کسی بھی صحابی کو افضل سمجھنا خلاف اجماع امت ہے نہ کہ ایک ولی کوکہ سخت معصیت وبدعت ومخالف سنن مشہور ہ کے ہے۔اوریہ قول کہ قدمی علٰی رقاب اولیاء"خود حضرت غوث صاحب سے ثقات نے نقل فرمایا ہے ،آنحضرت صلی اللہ تعالٰی علیہ وسلم کی طرف دروغ ہے۔

کتبہ محمد اشرف علی

28-10.jpg

۲۔فی الواقع یہ اوہام خیالات باطلہ اور جہالات فاسدہ ہیں جو جُہال معتقدین اپنے معتقدعلیہ کی نسبت شائع کیاکرتے تہیں۔

نعوذباللہ من تلک الکفریات والھفوات۔

بسم اللہ الرحمٰن الرحیم مسئلہ۱۹: از بنارس کندی گڈھ ٹولہ مسجد بی بی راجی شفاخانہ مرسلہ مولوی حکیم عبدالغفورصاحب ۹جمادی الاخری۱۳۱۲ھ بخدمت لازم البرکت ، جامع معقول ومنقول ، حاوی فروع واصول ، جناب مولٰینامولوی احمدرضا خان صاحب مداللہ فیضانہ(اللہ تعالٰی آپ کافیضان ہمیشہ جاری رکھے۔ت) ازجناب خادم الطلبہ عبدالغفورسلام علیک قبول باد، اس مسئلہ میں یہاں درمیان علماء کا اختلاف ہے لہذا مسئلہ ارسال خدمت لازم البرکت ہے امید کہ جواب سے مطلع فرمائیں۔ زید کہتاہے کہ جناب علی مرتضٰی کرم اللہ تعالٰی وجہہ چونکہ قبل از بلوغ ایمان لائے اورنہ پہلے بت پرستی شرک وکفر وغیرہ کے آ پ مبتلاہوئے نیز بلحاظ حدیث شریف:

(۱؂صحیح البخاری کتاب الجنائزباب ماقیل فی اولاد المشرکین قدیمی کتب خانہ کراچی ۱/۱۸۵) (سنن ابی داودکتاب السنۃ باب فی ذراری المشرکین آفتاب عالم پریس لاہور۲/۲۹۲) (جامع الترمذی ابواب القدرباب ماجاء کل مولودیولد علی الملۃ امین کمپنی دہلی ۲/۳۶) (مسنداحمد بن حنبل عن ابی ہریرۃ رضی اللہ عنہ المکتب الاسلامی بیروت ۲/۲۳۳)

یہ کہنا کہ آپ پہلے کافر تھے بعدازاں مسلمان ہوئے صحیح نہیں ، اورجملہ مذکورہ بہ نسبت آپ کے سوئے ادب میں داخل ہے ۔ عمرو کہتاہے چونکہ اطفال تابع والدین کے ہوتے ہیں اوروالدین آپکے حالت کفرپر تھے، لہذا ہم کہہ سکتے ہیں کہ پہلے علی مرتضی کافرتھے بعدازاں مسلمان ہوئے فقط۔ اس صورت میں زید کا قول صحیح ہے یاعمروکا؟بینواتوجروا۔(بیان فرمائیے اجردیے جاؤگے۔ت)

الجواب بسم اللہ الرحمٰن الرحیم، الحمدللہ الذی کرم وجہ علی ن المرتضٰی : فلم یزل محظوظا منہ بعین الرضٰی : والصلوٰۃ والسلام علی السیدالعلی الرضی الارضٰی : شفیع المذنبین یوم فصل القضا : وعلٰی اٰلہ وصحبہٖ بعددکل من یاتی ومضٰی:

اللہ کے نام سے شروع نہایت مہربان رحم والا ہے ۔ساری تعریف اللہ کے لئے جس نےعلی مرتضی کے چہرے کو عزت وکرامت بخشی تو وہ ہمیشہ اس کی رضاوخوشنودی سے بہرہ ور رہے۔ اوردرودوسلام ہو بلند ، پسندیدہ ، پسندیدہ تر سردار، فیصلہ قضا کے دن گنہگاروں کے شفیع پر اوران کی آل اوران کے اصحاب پر تمام اگلے پچھلوں کی تعداد کے برابر۔(ت) قول زید حق وصحیح قول عمروباطل وقبیح ہے۔

(میں کہتاہوں اورتوفیق اللہ تعالٰی سے ہے۔ت) یہ توظاہر ومعلوم وثابت ہے کہ حضرت امیر المومنین مولی المسلمین سیدنا علی مرتضٰی کرم اللہ وجہہ الاسنٰی وقت بعثت سراپابرکت حضور پرنورسیدالمرسلین صلی اللہ تعالٰی علیہ وسلم فورًا مشرف بتصدیق وایمان ہوئے، اس وقت عمر مبارک حضرت مرتضوی آٹھ دس سال تھی اوربالیقین جو عاقل بچہ اسلام لائے حکم اسلام میں مستقل بالذات ہے پھر کسی کی تبعیت سے اس پرحکم دیگر حلال نہیں۔

زرقانی نے فرمایا: یہی ابن اسحٰق کا بھی قول ہے ، مصنف نے صرف اسی قول کو اس لئے ذکر کیا ہے کہ حافظ ابن حجر نے فرمایا ہے کہ سب سے راجح قول یہی ہے ۔(ت)

اورابن سفٰین نے بسند صحیح حضرت عروہ سے روایت کی ہے کہ حضرت علی آٹھ برس کی عمر میں اسلام لائے۔ عیون الاثر(لابن سید الناس ) میں اسی قول کو پہلے ذکر کیا ۔ (ت)