Brailvi Books

والحمدﷲ اولا واخرا والصلوۃ علی رسولہ والہ باطناً وظاھراً امین۔

عرب صاحب کی تہذیب

بسم اﷲ الرحمن الرحیم 

نحمدہ ونصلی علی رسولہ الکریم،

اس کے بعض نمونے تو عرب صاحب کے خط سوم میں جو آپ کو اسی رسالہ کے صفحہ ۳۲۴ پر ملے گا، ملاحظہ ہوں مگر عرب صاحب کی جو رودادِ تہذیب و انسانیت اب رامپور میں چھپ رہی ہے اس کی نسبت بعض علمائے کرام ساکنانِ رامپور کی مرسلہ تحریر نے عجب خبریں دی ہیں ذرا استماع فرمائیے۔

بملاحظہ مخدومی مکرمی جناب مولوی سید عبدالکریم صاحب زید مجدہم، تسلیم ، مولوی طیب صاحب عرب ایک رسالہ بنام  ملاطفۃ الاحباب چھپوا رہے ہیں، اس کے بیانات کی بے حد غلطیاں تو اہل علم جانیں گے مگر طرزِ کلام میں نہایت تہذیب وانسانیت کو کام فرمایا ہے میں نے حضرت عالم اہلسنت کے خطوط انہیں کے رسالے میں دیکھے جس میں صرف عالمانہ کلام ہے مگر ان صاحب کی غصہ ناک تحریر نے کوئی دقیقہ بد زبانی کا اٹھا نہ رکھا، اس کے بعض اوراق چھپ گئے ہیں انہی سے کچھ انتخاب ملاحظہ ہو۔

ص ۴: یہ شخص خود اپنا کہا نہیں سمجھتا۔

ص ۶: یہ شخص مسلمانوں کا بھی مخالف ہے اور عاقلوں کے بھی خلاف۔

ص۲ ۱: یہ شخص ان لوگوں میں ہے جو اپنا گھر اپنے ہاتھوں بھی خراب کرتے اور مسلمانوں کے ہاتھوں سے بھی یہ یہودی کا بیان ہے۔

ص ۴ ۱: بیڑیاں پاؤں میں ہیں اور مکرکرتا ہے۔

ص ۳۰: ناصرِ بدعت دشمنِ موحدین مکفّرِ محدثین ۔

ص ۳۰: علمی مذاکرے کے لائق نہیں۔

ص۳۲: آپ کاٹے اور چِلائے ۔

ص ۳۳: مردہ بے حیات یہاں تک کہ ص ۱۵ سطر ۱۱ میں صریح فحش تک تجاوز کیا ہے۔

ایسی ناپاک تحریر کا اگر آپ یااور کوئی صاحب رد لکھیں تو بہتر یہ ہے کہ حلم سے کام لیں جو شانِ علم ہے۔ 

والسلام ۱۵ ذی الحجہ ۱۳۱۹ھ انتہٰی۔

ہمیں اپنے معزز دوست کی یہ رائے بجان و دل منظور ہے، تحریر دیکھی جائے گی، اگر سوا ایسی ہی خرافات کے کچھ نہ ہوا تو اہلِ علم بلکہ ہر عاقل کے نزدیک وہ آپ ہی اپنا جواب ہے ورنہ اس کی زبان درازیوں سے اعراض ہوگا اور اس کی جہالتوں پر بعون اﷲ تعالٰی اعتراض عرب صاحب اپنی تہذیبوں کا جواب اگر عرب کی مثل سے چاہیں تو اول العی الاحتلاط یعنی جو عاجز آتا ہے غصے میں بھرجاتا ہے۔

ومن اطاع غضبہ اضاع ادبہ :

جو غصے پر چلے گا ادب ہاتھ سے کھوئے گا۔

البغل التغل وھولذلک اھل یعنی لؤم اصلہ فخبث فعلہ :

اگر اشعار سے چاہیں تو کثیر عزہ کے یہ دو شعر بس ہیں۔

یکلفہا الخنزیر شتمی وما بہا	

ھوانی ولکن للملیک استذلت

ھنیئاً مریئاً غیرداء مخاصر 	

لغرۃ من اعراضنا ما استحلت:

یعنی ؎

بدم گفتی وخرسند عفاک اﷲ نکوگفتی !	

جواب تلخ می زیبدلب لعل شکر خارا

 (تو نے برا کہا اور میں خوش ہوں اللہ تعالٰی تجھے معاف فرمائے تو نے خوب کہا۔ کڑوا جواب شیریں سخن سرخ ہونٹوں سے اچھا محسوس ہوتا ہے۔(ت)

یہ تو عرب صاحب کی طرز پر امثال و اشعار سے جواب تھے اور ہمارا تیسرا پورا سچا جواب یہ ہے جو ہمارے رب عزوجل نے ہمیں تعلیم فرمایا کہ۔

سلٰم علیکم لانبتغی الجٰہلین ۲؂۔

پس تم پر سلام ہم جاہلوں کے غرضی نہیں(ت)

( ۲ ؎ القرآن الکریم ۲۸/ ۵۵)

واذاخاطبھم الجٰھلون قالوا سلٰماً ۱  ؎

اور جاہل ان سے بات کرتے ہیں تو کہتے ہیں بس سلام۔

 ( ۱ ؎القرآن الکریم ۲۵/ ۶۳)

واذا مرّواباللغو مرّواکراما ۲ ؎

  اور جب وہ بے ہودہ پر گزرتے ہیں اپنی عزت سنبھالے گزر جاتے ہیں۔(ت)

( ۲ ؎ القرآن الکریم ۲۵/ ۷۲)