حجت ا تا ۳ : تعیین جہت تعین قدر تعیین محور میں لزوم ترجیحات بلا مرجح کہ بارہا مبین ہوا۔
اقول : اور اول و دوم مطلقاً حرکت پر وارد اگرچہ وضعیہ نہ ہو۔
حجت ۴ : اقول۔ بعض اوضاع کا استخراج ترجیح بلا مرجح اور کل کا محال اور فلسفی کے نزدیک طلب محال محال تو حرکت محال۔
حجت ۵ : اقول۔ فلک الافلاک میں عرضیہ کی کوئی وجہ نہیں۔ اور باقی افلاک میں عرضیہ ہم باطل کرچکے اور طبعیہ وقسریہ سب میں تم باطل جانتے ہو ، اور ارادیہ ہم نے باطل کردی ، تو جمیع وجوہ حرکت منتفی تو حرکت باطل۔
حجت ۶ : اقول ۔بارہاگزرا کہ حرکت فلکی اس کی بساطت کی نافی ، اور اس کی نفی اساس فلسفہ کی ہادم ، اور اساس فلسفہ کی ہادم اور اساس فلسفہ تمہارے نزدیک مستحکم ، لاجرم حرکت فلک باطل۔
حجت ۷: اقول ۔تصریح کرتے ہو کہ حرکت بے عائق داخلی یا خارجی ناممکن کہ اس کے لیے زمانہ کی تحدید اسی سے ہوتی ہے ایک مسافت جتنے زمانہ میں قطع ہوتی ہے مانو کہ اس کے نصف میں بھی قطع ہوسکتی ہے جب کہ سرعت اس سے دو چند ہواور ربع میں جب کہ چوگنی ہو نہ زمانے کی تقسیم متناہی نہ سرعت کسی حد پر متہی کوئی روکنے والاہوگا تو اس کی مقدار مزاحمت سے قدر سراعت متقدر ہوگی اور بے اس کی تقدیر کے وقوع حرکت نامتصور ، لیکن فلک (عہ) میں نہ میل طبعی مانتے ہو نہ مان خارجی ، تو دونوں عائق معدوم تو وقوع حرکت محال۔
