Brailvi Books
 |
فتاویٰ رضویہ جلد نمبر۲۶ (کتاب الفرائض ، کتاب الشتّٰی ) |
82 - 145
بخدمت جناب ابوالعلامہ امجدصاحب سلمہ المذہب السلام علیکم ورحمۃ اﷲ! مسئلہ قاعدہ تحریم صنف رابع ذوی الارحام مندرجہ لفافہ ہمارے علماء گردونواح کامختلف فیہ واقع ہواہے کوئی متون کوترجیح دیتے ہیں دیوبندیوں کا فتوی بھی یہ ہے حتی کہ کتاب مفیدالوارثین میں بالتصریح مذکورہے اور کوئی فتاوٰی خیریہ کو مقدم سمجھتے جس کی شامی نے بھی تائید کی۔ اب مسئلہ معرکہ آرابن گیاہے ایک نقل اس استفتاء کامولوی عبدالغفور ہمایونی کو بھیجا گیا ہے مگر افسوس ہےکہ وہ فوت ہوگئےہیں باقی دیوبندی علماء غیرمقلد ہیں ان کے فتوے پراعتبارنہیں آتا۔ آج کل فقہ حنفی کاعالم متبحر بغیرمولوی صاحب مولوی احمدرضاخاں صاحب کے علاوہ اورکوئی نظرنہیں آتا، ایک خط پہلے دربارہ استفتائے مذکور مولوی احمدرضاخاں صاحب کے پاس بھیجاگیا سب علماء اس جگہ والے منتظر جواب ہیں اس لئے آج دوسرااستفتائے مذکور کی نقل آپ کی وساطت سے بجناب مولوی صاحب بھیجی جاتی ہے براہ عنایت واعانت دین آپ بنفس نفیس یہ استفتاء مولوی صاحب کی خدمت میں پیش کرکے جواب لکھواکر واپس فرمائیں اﷲ تعالٰی جل شانہ، آپ کو اس تکلیف کانعم البدل عطافرمائے گا مگرجواب صرف نعم اور لا میں نہ ہوبلکہ بہ نقول وحوالہ کتب فقہ حنفی مستدل ومبرہن لکھوادیں ایسے اختلاف عظیم کامٹانا اورحق دریافت کرنا جس میں علامہ شامی جیسامحقق بھی عاجزہوکر دوسروں کوفیصلہ پرامربمراجعہ کتب فرمارہاہے بجزمولوی صاحب جیسے علامہ متبحر کے اورکوئی قادرنہ ہوسکے گا۔ آج مولوی صاحب جیسی شمع روشن ہے کل کوخدانخواستہ کوئی شخص اس کو حل نہ کرسکے گا۔ مولوی صاحب کے ہاں ذخیرہ کتب موجودہے امیدہے کہ کسی عالم مصریاشام نے اپنے فتاوٰی میں ذکر اس جزئی کاکیاہو وہ ضرورنقل فرمائیں فقط ۱۱/اگست ۱۹۱۸ء راقم فقیراحمدبخش سجادہ نشین شہرجہجہ ریاست بہاولپور
الجواب : یہاں دومسئلے ہیں: اول بحالت اختلاف حیزبھی ولدالوارث کوترجیح ہے یانہیں۔ دوم اگرہے تو قوت قرابت بھی مرجح ہے یانہیں۔
مسئلہ اولٰی کو علامہ خیرالدین رملی نے فتاوٰی خیریہ لنفع البریہ پھرعلامہ شامی نے عقود الدریہ میں صاف فرمادیاہے کہ دونوں کوظاہرالروایۃ کہاگیا اورترجیح متون التزامی ہے اورجانب اثبات صریح تصحیحات، تومعتمد یہ ہے کہ ولد وارث مرجح ہے اگرچہ حیز مختلف ہو۔ عقودالدریہ سائل فاضل سلمہ اﷲ تعالٰی کے پیش نظر ہے اورفقیر نے خیریہ سے مقابلہ کیا اس کی عبارات بتمامہا عقودمیں منقول ہے ان دونوں عبارتوں سے مستفاد کہ قول اول یعنی عدم ترجیح کوکواکب مضیہ میں ظاہرالروایۃ کہااورسراجی وصاحب ہدایہ ومتن کنزوملتقی واکثرشروح کنزوہدایہ نے اس پر مشی کی اور اس بناپر کہ وضع متون نقل مذہب کے لئے ہے۔ علامہ حامدآفندی عالم متاخرنے اسے اختیارکیا
اقول: اسی پر فاضل شجاع بن نوراﷲ انقروی مدرس اورنہ نے اپنی کتاب ''حل المشکلات'' تصنیف ۹۶۴ھ میں مشی کی۔