Brailvi Books
 |
فتاویٰ رضویہ جلد نمبر۲۶ (کتاب الفرائض ، کتاب الشتّٰی ) |
79 - 145
مسئلہ ۱۹۴ تا ۱۹۶: ازکانپور نئی سڑک دکان حاجی رحیم بخش وحاجی فہم بخش مرسلہ کاظم حسین صاحب ۲۶جمادی الاولٰی ۱۳۳۸ھ کیافرماتے ہیں علمائے دین ومفتیان شرع متین اس بارے میں کہ زیدفوت ہوگیا اور اپنی بیوی اورایک نابالغہ لڑکی چھوڑی، عمروجوزیدکاباپ ہے اس وجہ سے کہ اس نے ایک غیرکفو کی عورت سے بعد وفات والدہ زیدنکاح کرلیاتھا ہمیشہ زیدسے علیحدہ رہا۔ اب بعد وفات زید زید کی جائداد پرناجائزصورت سے قابض ہوگیاہے اوراتلاف جائداد کی نیت سے لڑکی نابالغہ کاولی بنناچاہتاہے۔ اس صورت میں کیاحکم ہے؟ اوّل زید کی متروکہ جائداد زید کی لڑکی وبیوی پرتقسیم ہونے کی کیاصورت ہے؟ دوم زیدکے متروکہ میں عمروکا اورزید کے علاتی بھائی خالد کاکوئی حق ہے یانہیں؟ ہے توکتنا؟ سوم ایسی حالت میں جبکہ عمرو کی ولایت سے جائداد کے تلف ہوجانے کااحتمال ہے تو نابالغہ کی ماں ولیہ نابالغہ ہوسکتی ہے یانہیں؟
الجواب : بعدادائے مہرودیگردیون حسب شرائط فرائض متروکہ زیدکے آٹھ حصوں سے ایک حصہ اس کی زوجہ اورچارسہم دختر اورتین سہم عمرو کوملیں گے
فرضًا وعصوبۃً
(بطور فرض اور بطورعصبہ) اورعلاتی بھائی کاکوئی حق نہیں شریعت مطہرہ نے پدرووصی پدرکے بعد نابالغ کے مال کا ولی اس کے دادا کوبنایاہے ماں کسی طرح ولی مال نہیں، نہ کہ داداپر اس کوترجیح ہو۔