Brailvi Books

مصنف مدظلہ، کاقول ''تحقیق یہ ہے کہ یہاں فقط دو ہی قسمیں ہیں'' میں کہتاہوں بلکہ میرے گمان کے مطابق یہاں بالکل تعددنہیں ہے۔ نہ تقسیم میں اورنہ ہی حکم میں بلکہ یہاں ایک ہی چیز ہے اوراس کاایک ہی حکم ہے کیونکہ دوعددوں کے لئے کسی ایسے تیسرے عددکاہونا ضروری ہے جوان کوفناکرے اورایک بھی عدد ہے کیونکہ وہ اپنی دونوں طرفوں کے مجموعے کانصف ہے اس لئے کہ اس کے اوپردواورنیچے صفرہے جن کامجموعہ فقط دوہے کیونکہ صفرکوکسی عدد سے گھٹانے یا اسے کسی عدد میں جمع کرنے سے کوئی اثرنہیں ہوتا، اوردوکانصف ایک ہے، چنانچہ دوعددوں کوفناکرنے والا یاتو ایک ہوگا اس صورت میں وہ متبائنان ہوں گے یاایساعدد ہوگا جوان دونوں عددوں کی مثل ہے۔اس صورت میں وہ متماثلان ہوں گے یاچھوٹے عدد کی مثل ہوگا، اس صورت میں وہ متداخلان ہوں گے یا ان دونوں میں سے کسی کی مثل نہ ہوگا تو اس صورت میں وہ متوافقان ہوں گے۔ اس فناکرنے والے عدد کو مابہ التوافق کہاجاتاہے ان سب صورتوں کاحکم وفق میں ضرب دیناہے لیکن جب متبائنین کاوفق بذات خود وہی دونوں عدد ہیں کیونکہ انہیں جب مابہ التوافق یعنی ایک پرتقسیم کیاجائے توخود وہی حاصل ہوتے ہیں  لہٰذا کل تصحیح کوکل تصحیح کو میں اور کل مافی الید کوہروارث کے کل حصے میں ضرب دی جائے گی۔ اور اس لئے کہ بصورت تماثل دونوں جانبوں میں اور بصورت تداخل چھوٹے عدد کی جانب میں وفق صرف ایک ہی ہوتاہے اورایک ہی ضرب کاکوئی اثرنہیں ہوتاکیونکہ کسی بھی عدد کو جب ایک میں ضرب دی جائے توحاصل ضرب خود وہی عدد ہوتاہے لہٰذا لوگوں میں مشہورہوگیاکہ بصورت تماثل بالکل ضرب نہیں ہوتی اوربصورت تداخل چھوٹے عدد کی جانب ضرب نہیں ہوتی جبکہ بصورت توافق دونوں جانب اور بصورت تداخل بڑے عدد کی جانب وفق میں ضرب دی جاتی ہے جیساکہ مشہورہے اورحق کاعلم اس ذات کے پاس ہے جوعلم والی اورمغفرت فرمانے والی ہے(ت)