Brailvi Books

اس لئے کہ جوکچھ زیدکاہے وہ اس کے بیٹے حامد کو ملاپھرحامد سے اس کی بیوی سعیدہ اور بیٹی ہندہ کوملاپھرہندہ سے اس کی ماں سعیدہ کوملا کیونکہ اصحاب فرائض کی موجودگی میں ذوی الارحام وارث نہیں بنتے  تو اس طرح جوکچھ زیدکاتھا وہ تمام سعیدہ کوپہنچ گیا(ت)

رہادوسرے بھائی بکر کاحصہ، اس میں دوصورتیں ہیں، ایک یہ کہ انتقال بکرکے وقت زیدیاعمرو یاحامد کوئی زندہ تھا اس تقدیر پرحصہ بکرسے دوتہائی وارثان سعیدہ کاہے

لانہ یصیرا ثلاثا بین بنتہ والعصبۃ فماکان للعصبۃ یصل سعیدۃ کما قدمنا وماکان لزاھدہ تصیر لابنھا حامد ومنہ الٰی سعیدۃ۔

اس لئے کہ وہ بکر کی بیٹی اوراس کے عصبہ کے درمیان تین حصوں میں منقسم ہوگا پھرجوعصبہ کے درمیان تین حصوں میں منقسم ہوگا پھرجوعصبہ کے لئے ہے وہ سعیدہ کوپہنچے گا جیسا کہ ہم ذکرکرچکے ہیں اورجوکچھ زاہدہ کے لئے ہے وہ اس کے بیٹے حامد کوملے گا اور اس سے سعیدہ کوپہنچے گا۔(ت)

دوسرے یہ کہ ان میں سے کوئی وقت انتقال بکرزندہ نہ تھا اس صورت میں حصہ بکر کانصف وارثان سعیدہ کاہے،

لانہ ینتصف بین بنتیہ فماکان لزاھدۃ یصل لھم کما تقدم۔

کیونکہ وہ اس کی دوبیٹیوں کے درمیان نصف نصف ہوگا پھرجوکچھ زاہدہ کوملاو ہ سعیدہ  کے وارثوں کوپہنچے گا، جیسا کہ گزرچکا۔(ت)

باقی حصہ بکرکا ایک ثلث یانصف وہ خاص ولید کے لئے ہے، اگرمحمود عابدہ سے پہلے مرگیاہو یابعد کومرا اورسواولید کے محمود کابھی کوئی وارث مثل مادر یاپدریا زوجہ ثانیہ یا اولاد محمود اززوجہ دیگرنہ تھا ورنہ اس تہائی یانسف کے تین ربع ولید کے لئے بلاشرکت ہیں اورایک رع میں کہ عابدہ سے محمود کوپہنچا باقی وارثان محمود کے ساتھ ولید کاہے جب تک بقیہ ورثہ محمود کی تعیین نہ ہو یابتانا ناممکن ہے کہ اس ربع سے ولید کوکیاپہنچے گا۔

بالجملہ مجموع جائداد زید وبکر کے اڑتالیس حصے کریں، پھراگرانتقال بکر کے وقت حامد زندہ تھا توچالیس حصے وارثان سعیدہ کودے دیں اورباقی آٹھ ولید کواگر محمود کے اور وارث کا استحقاق نہ ہو، ورنہ آٹھ میں سے چھ ولید کواوردو مع ولید جمیع ورثہ محمود پرتقسیم ہوں اوراگرحامد بکر سے پہلے مراہوتو اڑتالیس سے چھتیس حصے وارثان سعیدہ کودیں باقی بارہ ولید کو اگروارث محمود مستحق نہ ہو ورنہ بارہ سے نوولید کواورتین ولید وغیرہ دیگرورثہ محمود پرمنقسم ہوں۔واﷲ تعالٰی اعلم

مسئلہ ۱۰۹ :کیافرماتے ہیں علمائے دین ومفتیان شرع متین اس مسئلہ میں، زید نے ایک بیٹا اورایک پوتاچھوڑا، ترکہ زیدمیں سے پوتے کوحصہ ملے گا یانہیں؟ بیّنواتوجروا۔

الجواب : پوتے کوکچھ نہ ملے گا

لقولہ صلی اﷲ تعالٰی علیہ وسلم فلا ولی رجل ذکر۱؎

 (نبی کریم صلی اﷲ تعالٰی علیہ وسلم کے اس ارشاد کی وجہ سے کہ وہ قریب ترین مرد کے لئے ہے۔ت) بیٹے کے ساتھ پوتے کوحصہ دلانا کفارہند کامسئلہ ہے۔ واﷲ تعالٰی اعلم

 (۱؎ صحیح البخاری     کتاب الفرائض     باب میراث الولد من ابیہ وامہ     قدیمی کتب خانہ کراچی ۲ /۹۹۷)

(صحیح مسلم     کتاب الفرائض    قدیمی کتب خانہ کراچی    ۲ /۳۴)

مسئلہ ۱۱۰ : مرسلہ حاجی احمداﷲ خاں صاحب ازپیلی بھیت ۱۶جمادی الاولٰی ۱۳۲۵ھ 

کیافرماتے ہیں علمائے دین اس صورت میں کہ ہندہ بہو اپنی ایک حمیدہ اور ایک فہمیدہ اوردواخترایک جمیلہ اورایک سعیدہ اورایک پوتی کلثوم چھوڑ کرفوت ہوگئی اوربعد وفات ہندہ اس کی دختر سعیدہ بھی فوت ہوگئی بعد چاریوم کے اورہندہ کے دونوں فرزند اس کی حیات میں اس کی روبرو مرچکے تھے جن زوجہ حمیدہ اورفہمیدہ ہیں یعنی ان کے شوہر اورفہمیدہ کے بطن سے کلثوم ہے اور فہمیدہ حاملہ بھی اپنے شوہرسے ہے جواپنی ماں کے روبرو فوت ہوئی توایسی صورت میں جمیلہ اورکلثوم دونوں وراثت ہندہ پائیں گی یاصرف جمیلہ دخترہندہ اورحمل فہمیدہ قابل ہوگایانہیں؟

الجواب : برتقدیر عدم موانع ارث ووارث آخیر وصحت ترتیب اموات وتقدیم ماتقدم اگرموت ہندہ کو چھ مہینے ابھی نہ گزرے یاگزرگئے ہیں توجمیلہ کوتسلیم ہے کہ فہمیدہ اپنے شوہر سے حاملہ ہے توہندہ کا ترکہ اٹھارہ سہام پرتقسیم کرکے نوسہم فی الحال جمیلہ کو دے دیں اورباقی کو سہم موقوف رکھیں اگرفہمیدہ کے لڑکا پیداہوتو ان میں سے سات سہم اسے اوردوکلثوم کودیں اوراگرلڑکی ہویاکچھ نہ ہوتووہ نوسہم بھی جمیلہ کودے دیں کلثوم وغیرہ کوکچھ نہ دیں۔واﷲ تعالٰی اعلم