Brailvi Books

اس کی وضاحت یہ ہے کہ پہلے حافظ جان مرا اور یہی بیٹے اوربیٹیاں ورثاء چھوڑے، پھرنیازعلی فوت ہوااورباقی بہن بھائی وارث چھوڑے، پس یہ دونوں کالعدم ہوگئے۔ اورمسئلہ نے بارہ کے عدد سے تقسیم پائی، چاروں بیٹوں کو آٹھ حصے اور چاروں بیٹیوں کوچارحصے ملے، پھرامیرعلی اور اس کے بعد محمدعلی فوت ہواباقی دوبھائی اوربہنیں چھوڑیں۔ پھرحبن اورپھربنی جان مرگئے اور وہی دوبھائی اوربہنیں ورثاء میں چھوڑے۔ چنانچہ وہ چارحصے جوان تینوں کوپہنچتے ہیں وہ دو بھائیوں یعنی کلن اورمحمدحسین اوردوبہنوں یعنی احمدی اوربی جان میں منحصرہوگئے۔ اور ان چارشخصوں کوبجائے چھ کے دس حصے ملتے مسئلہ کانتیجہ یہ ہواکہ ترکہ میں سے ایک سدس یعنی چھٹا حصہ (۶ /۱) محمدعلی کوملا اورباقی پانچ چھٹے حصے (۶/ ۵) چارشخصوں پر اس طرح تقسیم ہونے ہیں کہ مذکر کاحصہ دومؤنثوں کے برابر ہوتو اس طرح یہ حصے چھ پرمنقسم ہوں گے اوروہ پہلاعدد جس کاچھٹا حصہ نکال کرباقی کو چھ پرتقسیم کریں وہ چھتیس ہے۔ لہٰذا ہم نے چھتیس سے مسئلہ بنادیا، اس میں سے چھ محمدعلی کو اورکلن اورمحمدحسین میں سے ہرایک کودس دس اوراحمدی اوربی جان میں سے ہرایک کوپانچ پانچ حصے دئیے۔ لیکن ان کے بعد بی جان فوت ہوئی اوروہی کلن اپنابھائی وارث چھوڑا چنانچہ ہم نے بی جان کوتقسیم سے نکال دیا اور کلن کے حصے پندرہ کردئیے۔ ان عجیب تصرفات کافائدہ اس مشقت میں کافی حد تک تخفیف کرناہے جومسئلہ کی تقسیم میں راہ پاتی ہے جیسا کہ معروف طریقہ پرچلنے والے شخص پر اس پسندیدہ طرز کے ساتھ موازنہ کرنے سے روشن ہوجاتاہے۔(ت)