Brailvi Books

اگرہم بیٹی کواس کی فرع میں تعدد جہت کے پائے جانی کی وجہ سے دوبیٹیاں نہ بنائیں تومسئلہ تین سے بنے گا۔ اس میں سے دوتہائی بیٹے کی فرع کے لئے جبکہ ایک تہائی بیٹی کی فرع کے لئے ہوگا اس لئے کہ جب تونے مال کوتین حصے بناتے ہوئے پہلے بطن پرتقسیم کیاکیونکہ وہ مذکرومؤنث کے اعتبار سے مختلف ہے توبیٹے کی فرع کو دوحصے ملے جو اس کے باپ کاحصہ ہے اور سب سے اوپر والی بیٹی کوایک حصہ ملا، اور اس کے نیچے دوبطنوں میں اگرچہ مذکرومؤنث کے اعتبار سے اختلاف ہے لیکن اس اختلاف کااعتبار کرنے اور کسر کی وجہ سے مسئلہ میں ضرب دین کی کوئی ضرورت نہیں، اس لئے کہ جوکچھ مذکرفریق اورمؤنث کوملا اسے اس فریق کی آخری فرع سمیٹ لے گی۔ چنانچہ مؤنث کی فرع کو ایک اور اس کے صاحب (مقابل) کودو ملیں گے اور اگرپہلا وارث دوقرابتوں والانہ ہو جیسا کہ وہ فقط بیٹی کے پوتے کابیٹاہو یافقط بیٹی کی نواسی کابیٹاہو، تو اس صورت میں بھی تقسیم ویسی ہی ہوگی جیسی پہلے ہوئی یعنی بیٹی کی فرع کو ایک اور اس کے مقابل کو دوحصے ملیں گے۔ چناچہ اس کوقرابت کی متعدد جہتوں سے بھی اتناہی حصہ موصول ہوا جتنا ایک قرابت والے کوملتاہے۔ یہ خلاف مفروض ہے بخلاف اس کے کہ جب ہم بیٹی کو دوبیٹیاں فرض کرلیں تو اس صورت میں مسئلہ دوسے بنے گا، کیونکہ بیٹا دوبیٹیوں کے برابر ہوتاہے، لہٰذا مال دوفرعوں کے درمیان نصف نصف ہوگا۔ اور یہ فقط اس لئے ہے کہ بیٹی کی فرع دوقرابتوں والی ہے ورنہ اسے ایک اوربیٹے کی فرع کو دو ملتے ہیں۔

وھذا بعون اﷲ تعالٰی ولوجہہ الحمد دلیل قاطع ویوضح ایضًا ما اقول لیعلم اولاً ان ذاجھتین مساوٍ لاثنین ذوی جہۃ مثلا ابن ابن ابن بنت وابن بنت بنت بنت اٰخر واخریجمع النسبین فھٰذا یساوی الاولین ھکذا :

اور یہ اﷲ تعالٰی کی مدد سے اس حال میں کہ حمد اسی کی ذات کے لئے ہے قطعی دلیل ہے نیزاس کو واضح کرتاہے وہ قول جو میں کہتاہوں، اولاجانناچاہئے کہ دوجہتوں والاالگ الگ جہتیں رکھنے والے دوکے برابرہوتاہے مثلاً ایک بیٹی کے پوتے کابیٹا ہو اورایک دوسری بیٹی کی نواسی کابیٹاہو اوران دونوں کے ساتھ ایک اوربیٹاموجود ہو جو ان دونوں نسبوں کاجامع ہو تویہ پہلے دونوں بیٹوں کے برابرہوگا۔ مسئلہ کی صورت اس طرح ہے :

26_16.jpg

قسمنا علی البطن الثانی لانہ اول بطن وقع فیہ الاختلاف وفیہ ابنان وبنتان فالمسئلۃ من ستّۃ اربعۃ لطائفۃ الذکور واثنان لطائفۃ الاناث ثم لاخلف تحت شیئ من الطائفتین فی بطن مافیصیب الابن الاول من ابیہ اثنین وکذٰلک الابن الثانی والابن الاول من امہ واحد و کذٰلک الابن الثالث فیکون للاول ثلٰثۃ مثل مالمجموع الباقین وھٰکذا کان ینبغی لانہ جامع لقرابتھما جمیعا ولیعلم ثانیا ان ھاتین الجھتین المذکورتین مثلاً فی جانب البنات مجموعھما مساوٍ لجھۃ  واحدۃ فی جانب الابن اذا لم یکن صاحبھا وارثا ولاولد وارث کولدولد بنت ابن ھٰکذا :

ہم نے دوسرے بطن پرتقسیم کی کیونکہ وہی پہلا بطن ہے جس میں مذکور ومؤنث کے اعتبار سے اختلاف واقع ہوا۔ اس بطن میں دوبیٹے اوردوبیٹیاں ہیں، چنانچہ مسئلہ چھ سے بنے گا جس میں سے چار مذکرفریق اوردو مؤنث فریق کے لئے ہوں گے پھران دونوں فریقوں کے نیچے کسی بطن میں مذکرومؤنث کے اعتبار سے کوئی اختلاف نہیں، لہٰذا پہلے بیٹے کو اس کے باپ کی طرف سے دوحصے ملیں گے یونہی دوسرے بیٹے کوبھی (اس کے باپ کی طرف سے دوحصے ملیں گے) اورپہلے بیٹے کوبھی اس کی ماں کی طرف سے ایک حصہ ملے گا یونہی تیسرے بیٹے کوبھی (اس کی ماں کی طرف سے ایک حصہ ملے گا) تو اس طرح پہلے بیٹے کو تین حصے ملے جوباقی دونوں بیٹوں کے مجموعی حصوں کے برابر ہیں، اوریونہی ہوناچاہئے کیونکہ وہ ان دونوں کی قرابتوں کاجامع ہے۔ اورثانیاً جانناچاہئے کہ یہ دونوں مذکورہ جہتیں جومثال کے طورپربیٹیوں کی جانب میں ہیں ان کامجموعہ اس ایک جہت کے برابرہے جوبیٹے کی جانب میں ہے جبکہ اس کاصاحب نہ تو وارث ہو اورنہ ہی وارث کی اولاد ہو، جیسے پوتی کی اولاد کی اولاد۔ صورت مسئلہ یوں ہوگی :

26_17.jpg