Brailvi Books

اوریہ اس لئے ہے کہ تقسیم اس پہلے بطن پرہوگی جس میں مذکرومؤنث کے اعتبار سے اختلاف ہوا اوروہ یہاں پربطن اول ہے۔ اوراصول میں فروع کی تعداد کااعتبار کیاجاتاہے۔ چنانچہ اس میں ایک بیٹاجوکہ دوبیٹیوں کے حکم میں ہوگیا اورایک دوسرابیٹا ہے۔ اسی طرح ایک بیٹی جوکہ دوکے حکم میں ہوگئی اورایک دوسری بیٹی ہے، جب دونوں فریقوں کی تعدادبرابرہے تومذکرفریق کے لئے مونث فریق سے دوگنا ہوگا۔ لہٰذا مسئلہ تین سے ہوکردوبیٹیوں کے فریق اورایک بیٹیوں کے فریق کوملے گا۔ پھربیٹیوں کے گروہ کے بطن ثانی میں ایک بیٹا جودوکے حکم میں ہے اوردوبیٹیاں ہیں لہٰذا جوان کوملا یعنی دوحصے وہ چھ پرمنقسم ہوں گے۔تو اس طرح اصل مسئلہ کوتین میں ضرب دینے کی ضرورت پڑے گی تو اس طرح مسئلہ نو(۹) سے بن جائے گا۔ بیٹوں کے فریق کو اس میں چھ حصے ملیں گے، پھران چھ میں سے بطن ثانی میں دوحصے دوبیٹیوں کواورچار بیٹے کوملیں گے جودوبیٹیوں کے قائم مقام ہے چنانچہ ہم ان کے دوگروہ بنائیں گے پھر ان دونوں فریقوں کے تحت تیسرے بطن میں کوئی اختلاف نہیں اورچوتھے بطن میں ہرایک کے تحت ایک بیٹا اورایک بیٹی ہے۔ لہٰذا ان دونوں فریقوں کے حصوں یعنی چار اور دوکوتین پر تقسیم کیاجائے گا۔ اورتباین چاراور دوکوتین پرتقسیم کیاجائے گا۔ اور تباین کی وجہ سے ایک بارپھر مسئلہ کے عدد کو تین میں ضرب دینی پڑے گی۔ اس طرح زید کے بیٹوں کامسئلہ ۲۷ سے صحیح ہوگا۔ سعید کو آٹھ، جمیلہ کوچار، یونہی ولید کوچار اورلیلٰی کو دوحصے ملیں گے۔ اب ہم زید کی بیٹیوں کی طرف آتے ہیں جن کا اصل مسئلہ سے ایک حصہ ہے۔ ان کے بطن ثانی میں کوئی اختلاف نہیں بلکہ تیسرے بطن میں ایک بیٹی اورتین بیٹے ہیں۔ چنانچہ ان کاحصہ سات پرمنقسم ہوگا اورتباین کی وجہ سے اصل مسئلہ یعنی تین کوسات میں ضرب دینی پڑے گی۔ اس طرح حاصل ضرب اکیس ہوجائے گا زید کی بیٹیوں کے گروہ کویہاں پرسات حصے ملیں گے جوان کے تیسرے بطن پربرابر تقسیم ہوجائیں گے، پھرتیسرے بطن کے دوفریق بنائے جائیں گے۔ جوایک حصہ بیٹی کوملاہے وہ اس کے بیٹے رشید کودیاجائے گا اوراس کو بیٹوں والے فریق کے حصوں جوکہ چھ ہیں کے ساتھ ملایاجائے گا اور ان کے تحت ایک بیٹی اوردوبیٹے ہیں تو وہ پانچ رؤس ہوئے جن پرچھ برابرتقسیم نہیں ہوسکتا، لہٰذا اصل مسئلہ یعنی اکیس کوپانچ میں ضرب دی جائے گی تو اس طرح ایک سوپانچ (۱۰۵) ہوجائیں گے جن میں پینتیس زید کی بیٹیوں کے فریق کے لئے ہیں جوکہ تیسرے بطن میں سات پرمنقسم ہوں گے۔ بیٹی یعنی اس کے بیٹے رشید کوپانچ حصے ملیں گے اورگروہ مذکرین کوتیس جوپھرپانچ پرتقسیم ہوکربیٹی یعنی حسینہ کوچھ اورہربیٹے کوبارہ حصے ملیں گے۔ جب زید کے بیٹوں کے فریق پرمسئلہ کی تصحیح ستائیس اوربیٹیوں کے فریق پرایک سوپانچ سے ہوئی اور ان دونوں تصحیحوں میں تہائی کاتوافق ہے لہٰذا ہم نے ایک کودوسرے کی تہائی میں ضرب دی تومجموعی طورپر مسئلہ کی تصحیح نوسوپینتالیس (۹۴۵) سے ہوئی۔ وارثوں کے حصوں کی پہچان کے لئے جوکچھ بیٹوں کی اولاد کو تصحیح اول یعنی ستائیس میں سے ملاہے اس کو تصحیح ثانی یعنی ۱۰۵ کے وفق یعنی ۳۵ میں ضرب دے اور بیٹیوں کی اولاد کو جوکچھ تصحیح ثانی یعنی ۱۰۵ میں سے ملاہے اس کوتصحیح ثانی یعنی ۱۰۵ میں سے ملاہے اس کوتصحیح اول یعنی ۲۷ کے وفق یعنی ۹ میں ضرب دے تو وہی حاصل ہوگا جوہم نے ذکرکیاہے۔ اگرتونئے سرے سے عمل کرنے کاتکلف کرناچاہے تو یوں کہے گا کہ مسئلہ کی تصحیح ۹۴۵ سے ہوئی۔ زید کے بیٹوں کے گروہ کے لئے اس میں سے ۶۳۰ حصے ہیں جوبطن ثانی میں چھ پرمنقسم ہوئے۔ ان میں دوچھٹے حصے (۶ /۲) یعنی ۲۱۰ دوبیٹیوں کے لئے اور چار چھٹے حصے (۶/ ۴) ایعنی ۴۲۰ اس بیٹے کے لئے ہیں جو دوبیٹوں کے حکم میں ہے۔ پھرجودوبیٹیوں کے حصے ہیں وہ چوتھے بطن میں تین پرمنقسم ہوگئے جس میں سے دوتہائی یعنی ۱۴۰  ولید کو اورایک تہائی یعنی ۷۰ لیلٰی کوملے۔ اسی طرح جوبیٹوں کے حصے ہیں وہ تین پرتقسیم ہوئے جن میں سے دوتہائی یعنی ۲۸۰ سعید کو اور ایک تہائی یعنی ۱۴۰ جمیلہ کودئیے گئے۔ زید کی بیٹیوں کے گروہ کے لئے ۳۱۵ حصے ہوئے جوتیسرے بطن میں سات پر منقسم ہوگئے۔ ان میں سے ایک ساتواں (۷ /۱) یعنی ۴۵ بیٹی یعنی اس کے بیٹے رشید کو ملے اور باقی ۲۷۰ مذکرگروہ کے  لئے ہیں جوچوتھے بطن میں پانچ پرتقسیم ہوئے۔ ایک پانچواں حصہ (۵ /۱) یعنی ۵۴ حسینہ کواور دوپانچویں حصے (۵ /۲) یعنی ۱۰۸ حمید کو اور اسی کی مثل یعنی ۱۰۸ خالد کودئیے۔ تقسیم مکمل ہوگئی ہے۔ اس پسندیدہ طریقے کو مضبوطی سے اختیارکر۔ واﷲ تعالٰی اعلم۔(ت)

_________________________________