احمدی بی بی نے انتقال کیا ماں اورشوہر اورایک بھائی اوردوبہنوں کوچھوڑا، چونکہ تقسیم ترکہ کا رواج نہ تھا اور نہ کسی نے اپنے حصہ کا اس وقت مطالبہ کیا اس وجہ سے احمدی بی بی کے زیورات اور برتن وغیرہ اسباب جہیز میں سے (جوکل شوہر کے قبضہ میں تھے) شوہر نے بہت کچھ اپنی دوسری منکوحہ کوپہناکرسسرال سے میکے رخصت کردیا اوربرتن میں سے بھی کچھ اپنے عزیز کوبوقت ضرورت دے دیا اورخود یعنی وہ شوہر بھی تھوڑے دنوں کے بعد انتقال کرگیا، اب یہاں چندباتیں دریافت طلب ہیں :
ایک یہ کہ احمدی بی بی کے ترکہ میں سے شوہر کاکتناہوناتھا ؟
دوسرے جوزیور وغیرہ کہ شوہر نے اپنی پہلی بیوی مسماۃ احمدی کے ترکہ مشترکہ میں سے بلا اجازت دیگر ورثہ کے دوسری منکوحہ کوپہنادیا وہ اس کایعنی دوسری منکوحہ کاہوایاشوہر کے مرنے کے بعد پھرشوہر کی طرف عودکرآئے گا اورشوہر ہی کی ملک سمجھاجائے گا؟
تیسرے یہ کہ اب احمدی بی بی کے باقی ورثہ یعنی ماں باپ بھائی وغیرہ اپنا حصہ لینے پر مستعد ہوئے ہیں تو اب ان ورثہ کاحق ان زیورات اوربرتن وغیرہ میں بھی ہوتاہے یانہیں جو شوہر متوفی نے اپنی دوسری منکوحہ کوبلا اجازت پہنادئیے تھے اورعزیز کو دے دئیے تھے اگرہوتاہے تویہ حق اب کس طرح لیاجائے، آیا ان زیورات اوربرتنوں کو دوسری منکوحہ اورعزیز سے واپس لے کرہرشخص بقدرحصے کے تقسیم کرے یا ان زیورات وغیرہ دے دی ہوئی چیزوں سے دستبردار ہوکرشوہر متوفی کے علاقہ سے بقدراپنے حصہ کے نقد روپیہ وصول کریں۔
چوتھے اس کی تصریح فرمائیے کہ شوہر اپنی حین حیات میں جوزیورات اورکپڑے کہ اپنی زوجہ کو پہنادئیے یاپہننے کو دے دئیے تو وہ زوجہ کاہوجاتاہے یانہیں یعنی اگرشوہرمرجائے تو وہ زیورات اورکپڑے زوجہ سے واپس لے کر شامل ترکہ کریں گے یانہیں؟بیّنواتوجروا(بیان فرمائیے اجردئیے جاؤگے۔ت)
