Brailvi Books

لاالٰہ الا اﷲ محمد رسول اﷲ صلی اﷲ تعالٰی علیہ وسلم

اور صرف جز ثانی مع درودکابھی وردکرسکتاہے مگرمبتدی یاطالب کہ محتاج تصفیہ ہے اسے صرف جزء اول کاذکروشغل بتاتے ہیں کہ اس میں حرارت ہے اوردوسراجز کریم ٹھنڈالطیف اورتزکیہ گرمی پہنچانے کامحتاج، ہاں جب جز اول سے حرارت حد سے متجاوز ہوتوتعدیل کے لئے بتاتے ہیں کہ مثلاً ہرسوبار

لاالٰہ الااﷲ

کے بعد ایک بار

محمدرسول اﷲ صلی اﷲ تعالٰی علیہ وسلم

کہہ لے کہ تسکین پائے۔

 (۴) اس کی حاجت کیاہے، وہ صیغہ مثلاً یہ ہوسکتاہے

اللّٰھم صلّ وسلّم لرسولک محمد واٰلہٖ،

اس میں لام بمعنی علٰی ہے آپ اس کاورد کریں اجازت ہے۔

مسئلہ ۳۰۵ تا ۳۰۷ : ازعلی گڑھ محلہ دویکاپڑاؤ مرسلہ محمدنصیرالدین صاحب مورخہ ۲۲ذوالحجہ ۱۳۳۷ھ

کیافرماتے ہیں علمائے دین ان مسائل میں کہ:

(۱) زیدکہتاہے کہ بیعت کرنایعنی جوآج کل عرف میں پیری مریدی سے مشہورہے سنت نہیں ہے کیونکہ حدیث شریف میں اس کا ثبوت نہیں ہے۔ اورعمروکہتاہے کہ سنت ہے۔

(۲) زیدمذکور باوجود مسجدمیں بروقت جماعت حاضرہونے کے بلاوجہ شرعی جماعت سے علیحدہ نماز پڑھتاہے محض اسی بنیادپرکہ مسئلہ اول میں عمرو کے ساتھ اتفاق نہیں ورنہ کوئی وجہ نہیں۔

(۳) زیدمذکور اپنے پیش امام سے جوکہ استادبھی ہیں سلام وکلام سے پرہیزکرتاہے اوربجائے احسان ماننے کے غیروں سے کہتاہے وہ کیاجانے ہم سے مقابلہ کرالو، اس کی وجہ بھی مذکورہے ان سب صورتوں میں شرعاً کیاحکم ہے؟

بیّنوابحوالۃ الکتاب وتوجرواعنداﷲ بحرالثواب

 (بحوالہ کتاب بیان فرمائیے اﷲ تعالٰی کے بحرثواب سے اجردئیے جاؤگے۔ت)

الجواب : بیعت بیشک سنت محبوبہ ہے، امام اجل شیخ الشیوخ شہاب الحق والدین عمررضی اﷲ تعالٰی عنہ کی عوارف شریف سے شاہ ولی اﷲ دہلوی کی قول الجمیل تک اس کی تصریح اورائمہ واکابر کااس پرعمل ہے، اور رب العزت عزوجل فرماتاہے:

ان الذین یبایعونک انما یبایعون اﷲ۱؎۔

بیشک وہ جوتمہاری بیعت کرتے ہیں وہ تواﷲ ہی کی بیعت کرتے ہیں۔(ت)

 (۱؎ القرآن الکریم     ۴۸/ ۱۰ )

اورفرماتاہے:

یداﷲ فوق ایدیھم ۲؎

ان کے ہاتھوں پراﷲ کاہاتھ ہے۔(ت)

(۲؎ القرآن الکریم     ۴۸/ ۱۰)

اورفرماتاہے:

لقدرضی اﷲ عن المؤمنین اذیبایعونک تحت الشجرۃ۔۳؎

بے شک اﷲ تعالٰی راضی ہواایمان والوں سے جب وہ اس پیڑکے نیچے تمہاری بیعت کرتے تھے۔(ت)

 (۳؎القرآن الکریم   ۴۸/ ۱۸  )

اوربیعت کوخاص بجہادسمجھنا جہالت ہے، اﷲ عزوجل فرماتاہے:

یاایھا النبی اذا جاءک المؤمنٰت یبایعنک علٰی ان لایشرکن باﷲ شیئا ولایسرقن ولایزنین ولایقتلن اولادھن ولایاتین ببھتان یفترینہ بین ایدیھن وارجلھن ولایعصینک فی معروف فبایعھن واستغفرلھن اﷲ ان اﷲ غفوررحیم۔۴؎

اے نبی! جب تمہارے حضورمسلمان عورتیں حاضرہوں اس پربیعت کرنے کو اﷲ کاکچھ شریک نہ ٹھہرائیں گی اورنہ چوری کریں گی اورنہ بدکاری اورنہ اپنی اولاد کوقتل کریں گی اورنہ وہ بہتان لائیں گی جسے اپنے ہاتھوں اورپاؤں کے درمیان یعنی موضع ولادت میں اٹھائیں اورکسی نیک بات میں تمہاری نافرمانی نہیں کریں گی توان سے بیعت لو اوراﷲ سے ان کی مغفرت چاہوبیشک اﷲ بخشنے والامہربان ہے۔(ت)

 (۴؎القرآن الکریم     ۶۰ /۱۲)

زیدبوجہ ترک جماعت فاسق فاجرمردودالشہادۃ مستوجب عذا ب نارہے۔ زیدبلاوجہ شرعی اپنے باطل خیال کے باعث مسلمان سے ترک سلام وکلام کرکے دوسرے جرم کامرتکب ہوااورجبکہ امام اس کااستادبھی ہے توعاق بھی ہوا، اوراس پر ان حرکات شنیعہ سے توبہ فرض ہے۔ واﷲ تعالٰی اعلم۔