Brailvi Books

اخبرنا ابوالمعالی صالح ابن احمد بن علی البغدادی المالکی سنۃ احدی وسبعین وستمائۃ قال اخبرنا الشیخ ابوالحسن البغدادی المعروف بالخفاف قال اخبرنا شیخنا الشیخ ابوالسعود احمدبن ابی بکرن الحریمی بہ سنۃ ثمانین وخمسامئۃ۔۱؎ اوردوسری سندیہ ہے: اخبرنا ابوالمعالی قال اخبرنا شیخ ابومحمد عبداللطیف البغدادی المعروف الصریفینی۲؎۔ اور ان دونوں حدیثوں کامتن یہ ہے کہ دونوں حضرات کرام نے فرمایا: واﷲ مااظھر اﷲ تعالٰی ولایظھر الی الوجود مثل الشیخ محی الدین عبدالقادر رضی اﷲ تعالٰی عنہ۔۳

یعنی خدا کی قسم اﷲ تعالٰی نے حضورسیدنا غوث الاعظم رضی اﷲ تعالٰی عنہ کے مانندنہ کوئی ولی عالم میں ظاہرکیانہ ظاہرکرے۔

 (۱؎ بہجۃ الاسرار        ذکرفصول من کلام بشیئ من عجائب احوالہ الخ     مصطفی البابی مصر    ص۲۵)

(۲؎بہجۃ الاسرار        ذکرفصول من کلام بشیئ من عجائب احوالہ الخ     مصطفی البابی مصر    ص۲۵)

(۳؎بہجۃ الاسرار        ذکرفصول من کلام بشیئ من عجائب احوالہ الخ     مصطفی البابی مصر    ص۲۵)

نیزامام ممدوح کتاب موصوف میں حضرت سیدی ابومحمدبن عبدبصری رضی اﷲ تعالٰی عنہ سے روایت کرتے ہیں کہ انہوں نے حضرت سیدنا خضرعلیہ السلام کوفرماتے سنا:

مااوصل اﷲ تعالٰی ولیا الٰی مقام الاوکان الشیخ عبدالقادر اعلاہ ولاسقی اﷲ حبیبا کاساً من حبہ الاوکان الشیخ عبدالقادر اھناہ، ولاوھب اﷲ لمقرب حالاالاوکان الشیخ عبدالقادر اجلہ، وقد اودعہ اﷲ تعالٰی سرّا من اسرارہ سبق بہ جمہور الاولیاء ومااتخذ اﷲ ولیا کان اویکون الاوھو متادب معہ الٰی یوم القٰیمۃ۔۱؎

یعنی اﷲ تعالٰی نے جس ولی کوکسی مقام تک پہنچایا شیخ عبدالقادر کامقام اس سے اعلٰی ہے، اور جس پیارے کو اپنی محبت کاجام پلایاشیخ عبدالقادر کے لئے اس سے بڑھ کرخوشگوار جام ہے اور جس مقرب کوکوئی حال عطافرمایا شیخ عبدالقادر کاحال اس سے اعظم ہے۔ اﷲ تعالٰی نے اپنے اسرار سے وہ راز ان میں رکھاہے جس کے سبب ان کوجمہور اولیاء پرسبقت ہے۔ اوراﷲ تعالٰی کے جتنے ولی ہوگئے یاہوں گے قیامت تک سب شیخ عبدالقادر کا ادب کریں گے۔

 (۱؎ بہجۃ الاسرار         ذکرابومحمد القاسم بن عبدالبصری    مصطفی البابی مصر    ص۱۷۳)

یہ شہادتیں ہیں حضرت خضراور حضرات اولیاء کرام کی، علیہ وعلیہم الصلوٰۃ والسلام ؎

بقسم کہتے ہیں شاہان صریفین وحریم         کہ ہواہے نہ ولی ہو کوئی ہمتا تیرا

جوولی قبل تھے یابعد ہوئے یاہوں گے    سب ادب رکھتے ہیں دل میں مرے آقا تیرا۲؎

واﷲ تعالٰی اعلم علمہ احکم۔

 (۲؎ حدائق بخشش  وصل سوم درحسن مفاخرت ازسرکار قادریت رضی اﷲ عنہ   مطبوعہ آرام باغ کراچی حصہ اول ص۶)

مسئلہ ۲۷۳: ازکانپور محلہ پرانی سبزی منڈی کی مسجد متصل چوک مرسلہ عبدالرشید ۸شعبان ۱۳۳۱ھ

کیافرماتے ہیں علمائے دین اس مسئلہ میں کہ کوئی درویش کہتاہے کہ پیرکی شکل پرمتشکل ہوکرخداوند تعالٰی مریدسے ملاقات کرتاہے اوردلیل کتاب ''انتباہ'' شاہ ولی اﷲ صاحب کی لاتاہے۔ مضمون کتاب ہذا یہ ہے کہ:

حضرت سلطان الموحدین وبرہان العاشقین حجۃ المتکلمین شیخ جلال الحق مخدوم مولانا قاضیخاں صاحب یوسف ناصحی قدس سرہ العزیز چنین می فرمودن کہ صورت مرشد کہ ظاہراً دیدہ می شود مشاہدہ حق سبحانہ وتعالٰی است بے پردہ آب وگل کہ ان اﷲ خلق اٰدم علٰی صورۃ الرحمٰن ومن راٰنی فقدرأی الحق ؎

گرتجلی ذات خواہی صورت انساں ببیں		ذات حق راآشکارا اندروخنداں ببیں۳؎

اکثرعلماء دریں عبارت مذبورا مخالف ہستند، بادلیل معتبرہ عندالشرع شریفہ ہرچہ حق باشد۔ بیّنواتوجروا۔

حضرات گرامی مرتبت، موحدوں کے بادشاہ، عاشقوں کی برہان، متکلمین کی حجت، شیخ جلال الحق مخدوم مولانا قاضی خاں، صاحب یوسف ناصحی قدس سرہ العزیزیوں فرماتے ہیں کہ مرشد کی صورت جوظاہری طورپردیکھی جاتی ہے وہ حق سبحانہ وتعالٰی کامشاہدہ ہے۔ آب وگل کے پردہ کے بغیر، کیونکہ اﷲ تعالٰی نے آدم کو رحمن کی صورت پرپیدافرمایا ہے جس نے مجھے دیکھا بیشک اس نے حق کودیکھا۔ ''اگرتو تجلی ذات کاخواستگار ہے توانسان کی صورت دیکھ۔ ذات حق کو اس میں واضح طورپر ہنستاہوا دیکھ''۔ اکثرعلمائے کرام عبارت مذکورہ کے مخالف ہیں، جوکچھ حق ہے معتبردلیل شرعی کے ساتھ بیان فرمائیں، اجردئیے جاؤگے۔(ت)

(۳؎ انتباہ فی سلاسل اولیاء اﷲ     آرمی برقی پریس دہلی     ص۹۲ و۹۳)

الجواب : قول مذکور گستاخی اوردریددہنی ہے، اورعبارت انتباہ سے اس پر استدلال غلط فہمی، عبارت کامطلب یہ ہے کہ

لم یقضہ(عہ) وقضیضہ،

مظاہرومجالی حضرت خالق عزوجل جلالہ ہے۔

عہ: کل کاکل (المنجد)     عبدالمنان اعظمی

فی الاٰفاق وانفسکم افلاتبصرونo مارأیت شیئا الاورأیت اﷲ فیہ۔۱؎

آفاق میں اورخودتم میں نشانیاں ہیں توکیاتم دیکھتے نہیں، میں کسی شیئ کونہیں دیکھتا مگر اس کے ساتھ میں اﷲ کودیکھتاہوں۔(ت)

(۱؎ الحدیقۃ الندیۃ    الاستخفاف بالشریعۃ کفر    مکتبہ نوریہ رضویہ فیصل آباد     ۱/ ۳۱۳)

مظہراول واعظم واجل واتم واکمل کہ مظہر ذات ہے ذات اقدس حضورانورسیدالکائنات علیہ افضل الصلوات واکمل التحیات ہے،باقی تمام عالم حسب استعداد اس پرتواصلی کا پرتو درپرتو بواسطہ ووسائط ہے۔ شیخ جس میں حضور پرنورسیدالمرسلین صلی اﷲ تعالٰی علیہ وسلم کانوربصفت ہدایت وارشاد وتربیت متجلی ہے اور عالم ملکوت عالم ملک سے ازکٰی واصطفٰی واجلی وابہٰی واحلٰی ہے، تو اس سے مشاہدہ ایک زیادہ صاف ومجلی آئینہ سے مشاہدہ ہے ورنہ متجلی شکل وتشکل سے منزہ ومتعالٰی ہے۔

واﷲ سبحٰنہ وتعالٰی اعلم۔