Brailvi Books
 |
فتاویٰ رضویہ جلد نمبر۲۶ (کتاب الفرائض ، کتاب الشتّٰی ) |
110 - 145
اور اس علم کاغنی نہ ہونا خودبدیہی کہ ایک بے جان آلے کی بودگی پرہے جب تک آلہ نہ تھا توڈاکٹرصاحب کچھ نہ کہہ سکتے تھے کہ میم صاحب کے پیٹ میں مس میڈیم ہے یاباوالوگ، ازلی ابدی واجب کیسے کہہ سکتے ہوجب تم خود ہی حادث فانی باطل ہو، ازلی بڑی چیزہے ایام حمل ہی مدتوں اپنے جہل وعجزکااقرارکرناپڑے گا جب تک نطفہ صورت نہ پکڑے پانی کی بوند یاخون بستہ یاگوشت کاٹکڑا رہے، ڈاکٹرصاحب کی ڈاکٹری کچھ نہیں چل سکتی کہ نرنظرآتا ہے یامادہ۔ کیاتمہارا علم ثابت وناقابل نقصان وزیادت ہے استغفراﷲ قبل مشاہدہ کی حالت کومشاہدہ اجمالی، مشاہدہ اجمالی کو نظرتفصیلی، نظرتفصیلی بالائی کونظربعد تصریح عملی سے ملاؤ۔ حالت التفات وذہول کافرق دیکھو پھرطریان نسیان توسرے سے ارتفاع ہے۔ کیاتمہارا علم کامل ہے، حاش ﷲ اضافات بتانے کی کیاقدرت کہ وہ غیرمتناہی ہیں مثلاً اس کے بدن کاکوئی ذرہ لے لیجئے اور اس کی ماں کے بدن اورتمام اجسام عالم میں جتنے نقطے فرض کئے جاسکتے ہیں اس کے بدن کے ہرذرے کا اس ہرنقطہ ارضی وسماوی وشرقی وغربی وجنوبی وشمالی ونزدیک ودوروموجود وحال وماضی واستقبال سے بعد بتاؤ یہ لاتعدولاتحصٰی خطوط جوہرنقطہ جسم جنین سے تمام نقاط عالم تک نکل کر بے حدوبے شمار زاویے بناتے آئے ہرزاویے کی مقداربولو، نہ سہی یہی بتادو کتنے خطوط پیداہوں گے، نہ سہی یہی کہہ دو کہ تمام اجسام جہان میں کتنے نقطے نکلیں گے، نہ سہی اتناہی کہو کہ صرف جنین کے بدن میں کس قدر نقاط مانے جائیں گے اورجب یہ ادنٰی علم جوعلوم الٰہیہ متعلقہ بجنین کے کروڑہاکروڑحصوں سے ایک حصہ بھی نہیں ایک جنین میں بھی اس قلیل کے اقل القلیل حصے کاجواب نہیں دے سکتے اگرچہ دنیابھر کے ڈاکٹروپادری اکٹھے ہوجاؤ توباقی علوم کی کیاگنتی ہے حالانکہ واﷲ العظیم یہ تمام علوم تمام نسبتیں تمام خطوط تمام نقاط تمام زاویے تمام مقادیرگزشتہ وموجودہ وآئندہ تمام جن وبشر وحیوانات کے تمام حملوں میں رب العزت آن واحد میں معاً تفصیلاً ازلاً ابداً جانتا ہے اور یہ اس کے بحار علوم سے ایک قطرہ بلکہ بے شمار یم سے ادنٰی نم ہے اوریہ سب کاسب مع ایسے ایسے ہزارہاعلوم کے جن کی اجناس کلیہ تک بھی وہم بشری نہ پہنچ سکے شمارافراد درکنار سب انہیں دوکلموں کے سرخ میں داخل ہیں کہ
یعلم مافی الارحام
جانتاہے جوکچھ پیٹ میں ہے۔ تمہاری تنگ نظری کوتاہ فہمی دولفظ دیکھ کرایسے سستے سمجھ لئے کہ ایک آلے کی ناچیزوبے حقیقت ہستی پرعلم ارحام کے مدعی بن بیٹھے، ہاں نصب و اضافات کوجانے دوکہ نامتناہی معدود ومحدود ہی اشیاء بتاؤ اوروہ بھی کسی ایک جنین کی نسبت اوروہ بھی خاص اپنے گھر کے کہ آدمی کوگھرکاحال خوب معلوم ہوتاہے اپنا اوراپنی جوروکاواقعہ توخود اسی پرگزرا اس کے سامنے ہی گزرا اوراوپر سے مدددینے کو آلہ موجودکوئی پادری صاحب آلہ لگاکر بولیں کہ جس وقت ان کی میم صاحب کوپیٹ رہانطفہ کتنے وزن کا گراتھا اس میں کتنے حیوان منوی تھے گرتے وقت رحم کے کس حصہ پرپڑا، رحم میں کتنی دیربعد کون سی خمل ونقرہ میں مستقرہوا، جب سے اب تک کتناخون حیض اس کے کام آیا، یہ اصل نطفہ کس کس غذا کے کس کس کے جز اورکتنے وزن کافضلہ تھا وہ کہاں کی مٹی سے پیداہوئی تھی کھانے کے کتنی دیربعد اس نے صورت نطفیہ اخذ کی تھی جب سے اب تک ایک ایک منٹ کے فاصلہ پر اس کی وزن ومساحت وہیأت میں کیاکیا اورکتنا کتناتغیر ہوا، حوادث مذکورہ بالا کے باعث جب سے اب تک میم صاحبہ کی رحم شریف کئی بار اورکتنی کتنی دیر کو اور کس کس قدر سمٹی پھیلی، بچہ کتنی دفعہ اور کس کس قدر اورکدھر کدھر کوپُھرپھرایا، ہرجنبش پروضع اعضا میں کیاکیا تغیرہوا، یہی سب احوال اب سے پیدا ہونے تک کس کس طرح گزریں گے منٹ منٹ پروضع ووزن ومساحت ومکان وحرکت وسکون وغذا واحوال جنین ورحم میں کیاکیا تغیرات ہوں گے، باوالوگ رحم شریف میں کب تک بسیں گے، کس گھنٹے منٹ سکنڈرتھڈپربرآمدہوں گے، پہلے کون ساعضو آگے بڑھائیں گے، اس وقت کتنے فربہ کتنے درازہوں گے، دروازہ برآمد کی وسعت کس مقدار مخصوص تک چاہیں گے، آسانی گزرکوکتنی رطوبت کی پچکاریاں ساتھ لائیں گے، آپ کئی بارزورلگائیں گے، میم صاحبہ سے کتنے کرائیں گے، کون سی چیخ پر باہرآئیں گے، برآمدبھی ہوں گے یاکچے ہی گرجائیں گے، جی بچے توکیا عمرپائیں گے، کہاں کہاں بسیں گے، کیاکیاکھائیں گے، کس کس مشن میں لونڈے پڑھائیں گے،
الی غیر ذٰلک مما لایعدولایحصی