Brailvi Books
 |
فتاویٰ رضویہ جلد نمبر۲۵(کتاب المداینات،کتاب الاشربۃ ، کتاب الرہن ، کتاب القسم ،کتاب الوصایا۔) |
42 - 135
مسئلہ ۶۱: ازمقام قصبہ بلرام پورضلع گونڈہ مرسلہ سیدمحمد تجمل حسین صاحب ڈاکٹر مخدوم ومکرم بندہ حضرت مولوی احمدرضاخاں صاحب بعد سلام علیک کے التماس ہے کہ میں نے ایک مکان رہن یاقبضہ لیا تین سو روپے پر، اوریہ مکان اوردکان ایک ہندوکا ہے اوراسی شخص نے پھرمجھ سے یہ مکان دکان تین روپے مہینے پرکرائے پرلے لیاہے میعاد دوسال کی ہے مگرشرط یہ بھی دستاویز مذکورمیں ہے کہ اگراندردوسال کے مکان دکان نہ چھڑاسکے تورہن نامہ بجائے بیعنامہ کے سمجھاجائے مجھ کو یہ علم نہ تھا کہ یہ فعل ناجائزہے اوربراہ بندہ نوازی اس مسئلہ سے مطلع فرمائیے کہ جوکرایہ نامہ میں نے لکھا ہے وہ روپے لوں یا نہ لوں؟ جائزہے لینا یانہیں، اوروہ روپیہ کسی غریب یاکسی حاجتمند کودیاجاسکتاہے یعنی کسی کام میں یہ روپیہ کرایہ کاصرف ہوسکتاہے یانہیں؟ اگریہ روپیہ کسی کام میں آسکتاہے توخیر، اوراگرکسی کام میں نہیں آسکتا تواتنے روپے کو کیاکیاجائے یاجس کے یہ روپیہ ملے اسی کو واپس کیاجائے؟ جواب صاف مرحمت ہو۔ ایک شخص مجھ سے کہتاہے کہ اگریہ روپیہ ناجائزہے اورآپ اپنے صرف میں نہیں لاسکتے ہیں تومیں قرضدارہوں جس کی ادامیرے امکان سے باہرہے مجھ کو دے دیجئے کہ میں قرضہ اداکروں۔
الجواب سیّدصاحب سلّمہ فی الواقع رہن دخلی بھی سودہے اورشیئ مرہون کاراہن کوکرایہ پر دینااوراس سے کرایہ لینابھی سودہے اورسودلیناحرام مگر جب کہ وہ شخص ہندوہے اگراس نے کسی مسلمان سے سودلیاہوتواس سے یہ رقم نہ بہ نیت سود بلکہ اس نیت سے کہ اس نے جوناجائزرقم لی تھی وہ اس مسلمان کی اس پرشرع کی روسے آتی ہوئی وصول کرکے مستحق کوپہنچاتاہوں لیناجائزہے۔ اوراگریہ اندیشہ ہوتاکہ لوگوں میں سودخواری سے نام مشہورہوگا اورجس طرح براکام براہے برانام بھی پسندیدہ نہیں تویہ جوازخالص بلاکراہت ہوتا یونہی یہ بھی کہ سودکی نیت نہ کی جاتی بلکہ ایک نامسلم غیرذمی کامال طریق جائزقانونی سے لے کر اس محتاج مدیون مسلمان کی مدد کرتے جو آپ سے استمداد کررہاہے اورمساکین مسلمین کے صرف میں لاتے کوئی حرج نہ رکھتا غرض ان نیتوں کے ساتھ حرام نہیں برے نام کے سبب بچناچاہئے فقط، واﷲ تعالٰی اعلم
مسئلہ ۶۲، ۶۳: ازدھاروپور مرسلہ جناب فوجدارخاں صاحب ۱۴صفرالمظفر۱۳۳۰ھ علمائے دین واتباع شرع متین کیافرماتے ہیں ان مسائل میں کہ: (۱)کسی اہل ہنود کی حقیت اگرچہ رہن دخلی رکھی جائے اوراس کی مالگزاری سرکاری سال بہ سال بموجب بندوبست سرکاری سرکارکواداکی جائے تواس کامنافع جوکچھ اراضی میں ہوگا وہ سود میں شمارکیاجائے گا یانہیں یاکیاحکم ہے؟ (۲)اگرکسی اسامی دخیل کارکی اراضی موروثی چندسال معین کے لئے رہن رکھی جائے اوراس اراضی مرہونہ کالگان زمین دار کورہن دارسال بسال اداکرے تو اس اراضی کے کاشت کرنے سے جوکچھ منافع ہوگا اس کے واسطے کیاحکم ہے؟ بینواتوجروا۔
الجواب : (۱) ہندو کی حقیت رہن دخلی لینا اوراس سے منافع حاصل کرنا کوئی حرج نہیں مگرشرط یہ ہے کہ اپنے قرض پرنفع لینے یاسود کی نیت نہ کرے بلکہ یہ کہ ہندوکی رضامندی سے اس کے مال پرقبضہ جائزہے اوراس مباح سے نفع حاصل کیاجاتاہے،