Brailvi Books

ہمیں روح نے اپنی سند کے ساتھ حدیث بیان کی کہ حضرت عمررضی اﷲ تعالٰی عنہ کے پاس ایک نشے والا شخص لایاگیا آپ نے اسے کوڑے لگائے اس نے کہامیں نے آپ کی شراب میں سے ہی پیا ہے توآپ نے فرمایا اگرچہ ایساہو۔ہمیں فہدنے اپنی سندکے ساتھ حدیث بیان کی کہ ایک شخص پیاساتھا وہ حضرت عمر رضی اﷲ تعالٰی عنہ کے خازن کے پاس لایا اورپانی مانگا تو اس نے پانی نہ پلایا پھرحضرت عمر رضی اﷲ تعالٰی عنہ کے لئے ایک مشکیزہ لایاگیا اس شخص نے اس میں سے پی لیا تو اسے نشہ آگیا اس کو حضرت عمر فاروق کے پاس لایاگیا آپ نے اس سے عذرطلب کیا اس نے کہاکہ میں نے تو آپ کے مشکیزہ س پیاہے، حضرت عمر رضی اﷲ تعالٰی عنہ نے فرمایا کہ میں نشہ کی وجہ سے تجھے کوڑے لگاؤں گا، پھر آپ نے اسے کوڑے لگائے۔ میں کہتاہوں اس کودارقطنی نے اپنی سنن میں سعیدبن ذی لعوۃ کے طریق سے بھی روایت کیاکہ بیشک ایک اعرابی نے حضرت عمر رضی اﷲ تعالٰی عنہ کے برتن سے نبیذ پیا تو اس کو نشہ ہوا حضرت عمرفاروق رضی اﷲ تعالٰی عنہ نے اس پر حدجاری فرمائی، اعرابی نے کہامیں نے توآپ کے برتن سے پیاہے، حضرت عمررضی اﷲ تعالٰی عنہ نے فرمایا ہم نے تجھے نشہ کی وجہ سے کوڑے لگائے ہیں۔

 (۱؎ شرح معانی الآثار     کتاب الاشربہ    باب مایحرم من النبیذ    ایچ ایم سعیدکمپنی کراچی    ۲ /۳۵۹)

(۲؎ سنن الدارقطنی     کتاب الاشربہ  حدیث ۷۵     دارالمحاسن للطباعۃ القاہرۃ     الجزء الرابع     ص۲۶۰)

(۳؎ التعلیق المغنی علٰی سنن الدارقطنی     بحوالہ العقیلی  حدیث ۷۵     دارالمحاسن للطباعۃ القاہرۃ     الجزء الرابع     ص۲۶۰)

وروی ابوبکر بن ابی شیبۃ فی مصنفہ، حدثنا علی بن مسھر عن الشیبانی عن حسان بن مخارق قال بلغنی ان عمر بن الخطاب رضی اﷲ تعالٰی عنہ سایر رجلا فی سفروکان صائما فلما افطراھوی الی قربۃ لعمر معلقۃ فیھا نبیذ فشرب منھا فسکر فضربہ عمرالحد فقال لہ انما شربت من قربتک فقال لہ عمر انما جلدناک لسکرک ۱؎ قلت وھذا امثل طرقہ  وما یخشی فی البلاغ من الانقطاع فلایضر عندنا وعند الجمھور القابلین لمراسیل۔ وروی عبدالرزاق اخبرنا ابن جریح  عن اسمٰعیل ان رجلاعب فی شراب نبیذ لعمربن الخطاب بطریق المدینۃ فسکر فترکہ عمر (رضی اﷲ تعالٰی عنہ) حتی افاق فحدہ۔۲؎ ۔

ابوبکربن ابی شیبہ نے اپنے مصنّف میں روایت فرمایاکہ ہمیں علی بن مسہر نے اپنی سندکے ساتھ حدیث بیان کی کہ حضرت عمر بن خطاب رضی اﷲ تعالٰی عنہ ایک شخص کے ساتھ سفر میں تھے اور وہ روزہ دارتھاجب اس نے افطارکیاتووہ حضرت عمررضی اﷲ تعالٰی عنہ کے ایک مشکیزہ کی طرف مائل ہواجولٹکاہواتھا اور اس میں نبیذ تھا اس نے پیا جس سے اسے نشہ ہوگیا، توحضرت عمررضی اﷲ تعالٰی عنہ نے اس پرحد لگائی تو اس نے کہا میں نے تو آپ کے مشکیزہ سے پیاہے، حضرت عمر رضی اﷲ تعالٰی عنہ نے فرمایا ہم نے تجھے تیرے نشے کی وجہ سے کوڑے لگائے، میں کہتاہوں یہ اس حدیث کے طرق میں سے عمدہ ترین ہے اوراس میں جوانقطاع کاخدشہ ہے وہ ہمیں نقصان نہیں دیتااور نہ جمہور کوجومرسل حدیثوں کوقبول کرتے ہیں۔ عبدالرزاق نے روایت کیاکہ ہمیں ابن جریج نے اسمٰعیل سے خبردی کہ ایک شخص نے مدینہ کے راستے میں حضرت عمررضی اﷲ تعالٰی عنہ کے نبیذکوایک ہی سانس میں پیا تو اسے نشہ ہوگیا حضرت عمررضی اﷲ تعالٰی عنہ نے اُسے کچھ دیرچھوڑے رکھا یہاں تک کہ اسے افاقہ ہوا پھراسے حدماری۔

 (۱؎ المصنَّف لابن ابی شیبۃ    کتاب الحدود    النبیذ من رأی فیہ حداً     حدیث ۸۴۵۰    ادارۃ القرآن کراچی   ۹ /۵۴۴)

(۲؎ المصنف لعبدالرزاق    کتاب الاشربہ     حدیث ۱۷۰۱۵    المجلس العلمی     ۹ /۲۲۴)

فقال الطحاوی حدثنا فھد (بسندہ) عن ابن عمر قال اتی (یعنی امیرالمومنین)بنبیذ قداحلف واشتد فشرب منہ ثم قال ان ھذا لشدید ثم امر بماء فصبّ علیہ ثم شرب ھو واصحابہ، حدثنا محمد بن خزیمۃ (بسندہ) عن ابن عمر (رضی اﷲ تعالٰی عنہ) ان عمر انتبذ لہ فی مزادۃ فیھا خمسۃ عشر او ستہ عشرفاتاہ فذاقہ فوجدہ حلوافقال کانکم اقللتم عکرہ(عہ)۔

امام طحاوی نے فرمایاکہ ہمیں فہدنے اپنی سند کے ساتھ ابن عمررضی اﷲ تعالٰی عنہ سے حدیث بیان کی کہ حضرت عمرفاروق اعظم رضی اﷲ تعالٰی عنہ کی خدمت میں نبیذلایاگیاجو متغیّر اورسخت ہوچکاتھا آپ نے اس  میں سے پیا پھرفرمایا بیشک یہ سخت ہے، پھرپانی لانے کاحکم دیا اوراس پرپانی ڈالاپھر آپ نے اور آپ کے اصحاب نے اس کوپی لیا۔ ہمیں محمدبن خزیمہ نے اپنی سند کے ساتھ حدیث بیان کی کہ حضرت عمررضی اﷲ تعالٰی عنہ کے لئے ایک مشکیزے (توشہ دان) میں جوکہ پندرہ سولہ رطل کے برابرتھا نبیذبنایاگیا آپ تشریف لائے اسے چکھا اورمیٹھا پایا توفرمایا گویاکہ تم نے اس کاتلچھٹ کم کردیا ہے۔

عہ :  عکرالنبیذ العتیق اذا اضیف الی الجدید عجل اشتدادہ وھذا معنی ماروی النسائی فی سننہ عن سعید بن المسیت انہ کان یکرہ کل شیئ ینبذ علی عسکر وایضا عنہ انہ قال فی النبیذ خمّرہ دُردیہ ۱؎ اھ  ای جعلہ عکرہ مسکرا فکأن امیرالمؤمنین انکر علیھم تقلیل العسکر حتی بقی الی الاٰن حلوا ولم یشتد واﷲ تعالٰی اعلم  قالہ الفقیر المجیب غفراﷲ تعالٰی منہ ۱۲منہ

عہ :''عکرالنبیذ'' پرانا نبیذ جوتازہ نبیذکے ساتھ ملانے سے جلد تیزی حاصل کرتاہے۔ نسائی کی اپنی سنن میں سعیدبن مسیب سے روایت ہے کہ وہ  پرانے نبیذ میں ملائے ہوئے ہرنبیذ کوناپسندکرتے تھے نیز ان سے نبیذ کے متعلق یہ روایت کہ اس کو پرانے نبیذ نے نشہ آور بنادیا، کامعنی یہی ہے، گویا امرالمومنین رضی اﷲ عنہ نے قلیل پرانے نبیذ میں ملاوٹ کر ناپسندفرمایاکہ اس وجہ سے ابھی تک وہ میٹھا ہے اورشدیدنہ ہوا۔واﷲ تعالٰی اعلم۔یہ مجیب غفراﷲ تعالٰی کابیان ہے۱۲منہ۔

 (۱؎ سنن النسائی     ذکرمایجوز شربہ من الانبذہ     نورمحمدکارخانہ تجارت کتب کراچی     ۲ /۳۳۵)