Brailvi Books
 |
فتاویٰ رضویہ جلد نمبر۲۵(کتاب المداینات،کتاب الاشربۃ ، کتاب الرہن ، کتاب القسم ،کتاب الوصایا۔) |
133 - 135
مسئلہ ۱۷۳ : ازآگرہ محلہ قرولپاڑہ مکان ۱۷۹۵ ۱۵جمادی الآخر۱۳۳۸ھ کیافرماتے ہیں علماء دین اس مسئلہ میں کہ زیدنے اپنی حیات میں منجملہ اپنے زرنقد واثاث البیت کے کچھ زرنقد اپنے حقیقی بھائی خالد کے نام جمع کیا جس محکمہ میں وہ ملازم تھا اورجیساکہ اس محکمہ کاقاعدہ تھاکہ تمہارے فوت ہوجانے کے بعد یہ روپیہ کس کودیاجائے ہرسال اس محکمہ کے قواعد کے مطابق ہمیشہ تصدیق کرتارہا جس کے نام یہ روپیہ میں نے جمع کردیاہے اسی کویہ روپیہ ملے تخمیناً دس سال بعد زیدکاانتقال ہوگیا۔ زیدنے ایک زوجہ سعیدہ اوردونابالغ لڑکے رشیدوعزیز چھوڑے نیزچاربھائی حقیقی مع خالد چھوڑے رشیدچند روز بعد مرگیا جواثاث البیت اورزرنقد بقدر ( سما۶۰۰)کے وزیوروغیرہ پرزوجہ تنہاقابض ہوگئی وہ روپیہ جوزیدنے خالد کے نام جمع کیاتھا اس کا مالک وہ حقیقی بھائی خالدہے یازوجہ یالڑکا؟
الجواب : زیدکے کل متروکہ سے اول دین مہراوردیگردیون اگراس کے ذمہ ہوں اداکئے جائیں اگر کچھ باقی نہ رہے تو نہ خالد کچھ پائے گانہ کوئی وارث، اوراگربعدادائے مہرودیون کچھ باقی بچے تو اس کی تہائی میں یہ وصیت جواس نے خالد کے نام کی ہے بلارضائے دیگرورثہ نافذہوگی، اوراسی طرح اور وصیت اگر اس نے کسی کے نام کی وہ بھی اسی ثلث میں شریک ہوگا، بعدادائے دیون جوباقی بچے اس کے ثلث سے یہ روپیہ جوبنام خالد اس نے جمع کیاہے زائدنہیں توتمام وکمال زرجمع شدہ خالد کودیاجائے گاجبکہ اوروصیت اس کے معارض نہ ہو ورنہ حصہ رسدبانٹ دیں گے، اوراگریہ روپیہ اس کوکافی نہیں توادائے مہرودیون کے بعد جتنی تہائی ہو اتنی میں وصیتیں نافذہوں گی زیادہ پر ورثہ راضی نہ ہوں تو وہ نہ دلائی جائے گی۔واﷲ تعالٰی اعلم
مسئلہ ۱۷۴ : ازبمبئی پوسٹ۱۶ماہم مرسلہ عبدالمجیدصاحب دہلوی ۱۶جمادی الآخر۱۳۳۸ھ کیافرماتے ہیں علمائے دین اس مسئلہ میں کہ زیدنے اپنی جائداد کے کرایہ کی آمدنی میں یہ وصیت کی کہ کچھ رقم معین مکہ شریف ومدینہ شریف وبغداد شریف کے سادات کو دی جائے اورباقی رقم میں چند ایام مقررہ میں طعام پکاکر مساکین کوکھلایاجائے اورکچھ رقم معین دومسجدوں میں دی جائے مگربعد فوت زید کے اس جائداد کے متولیان یہ کرتے ہیں کہ بجائے سادات کے امیروں کی سفارش سے اس رقم کوواسطے شادی کردینے ان لڑکیوں کے جن کے والدین غریب ہیں دیتے ہیں وردیگررقم معین کودومسجدوں میں دیتے ہیں اورباقی رقم معین میں چند ایام مقررہ میں طعام پکارکر تھوڑا مساکین میں اورتھوڑا ذی ثروت لوگوں کوکھلاتے ہیں۔ زید کی وصیت کے بموجب کیاجائے وہ درست ہے یاجومتولیان کرتے ہیں وہ درست ہے؟ جوکارخیر ہو، موافق حکم شریعت جواب عنایت ہو۔
الجواب : جورقم اس نے دونوں مسجدوں کے لئے معین کی ہے وہ انہیں کودی جائے گی، جو رقم اس نے مساکین کے کھانے کے لئے معین کی ہے اس میں سے اہل ثروت کودینادرست نہیں، اورجو رقم سادات حرمین طیبین وبغدادمقدس کے لئے معین کی ہے اگرانہیں بلادطیبہ کے سادات مساکین کوبھیجی جائے توبہترہے ورنہ یہاں کے مساکین پربھی صرف ہوسکتی ہے قیدبلاد کااتباع ضروری نہیں۔واﷲ تعالٰی اعلم