Brailvi Books
 |
فتاویٰ رضویہ جلد نمبر۲۵(کتاب المداینات،کتاب الاشربۃ ، کتاب الرہن ، کتاب القسم ،کتاب الوصایا۔) |
(ا) اجنبی کے نام وصیت ثلث متروکہ بعداداء دین تک مطلقاً نافذہے اگرچہ ورثہ اجازت نہ دیں اورزائدعلی الثلث میں بے اجازت ورثہ نافذ نہیں اگروارث احدالزوجین کے سواہو اوراگرصرف احدالزوجین وارث ہوتو ثلث تک وصیت اجنبی تقدیماً نافذہوگی پھرباقی کاربع یانصف زوجہ یازوج کودے کر مابقی میں بقیہ وصیت اجنبی نافذکریں گے اگرچہ زوجہ یازوج اجازت نہ دے، رہی وصیت وارث وہ بے اجازت ورثہ مطلقاً نافذنہیں اوراگرتنہا وہی وارث ہوتواس کے لئے وصیت صحیح ہے، پھراگراس کے ساتھ کسی اجنبی کے لئے وصیت بھی نہیں تووارث اگرغیرزوج وزوجہ ہے توکل مال بحکم میراث لے لے گا اسے وصیت کی حاجت نہیں، اور اگرزوج یازوجہ ہے توپہلے اپنافرض لے کرباقی میں اس کی وصیت عمل کرے گی اب بھی کچھ بچاتو اسی کوبحکم ردملے گا۔ اوراگرکسی اجنبی کے لئے بھی وصیت ہے تواگراس نے وصیت وارث کو قبول کرلیا حق تقدم کہ وصیت اجنبی کوملتاساقط ہوگیا ورنہ اجنبی کی وصیت ثلث مال تک اول نافذکرکے باقی سے وارث کومیراث دیں گے اگروہ وارث غیراحدالزوجین ہے کل باقی ارثاً لے لے گا اورخود اس کے لئے جووصیت تھی نفاذکامحل نہ پائے گی، اوراگراحدالزوجین ہے تو اس باقی سے اس کا فرض ربع یانصف دے کراس کے بعد جوبچے اس میں اس کی وصیت اوراگراجنبی کی وصیت ہنوزناتمام رہی تھی تو اس کے ساتھ بھی دونوں حسب حصص نافذ ہوں گے ان سے کچھ نہ بچاتوظاہرورنہ جوباقی رہا احدالزوجین کوبحکم رددے دیں گے۔
(ب) اس کاجواب سوال اول میں آگیا۔ (ج) اس کے بھی فقرہ اول کاجواب ہوگیا، اوردوم کاجواب کہ بعدادائے دین جس قدربھی باقی بچے خواہ اس کی وصیت اجنبی کے لئے کی یانہ کی اس سب کاثلث نفاذوصیت اجنبی میں لحاظ کیاجائے گا وصیت نافذ انہیں اشیاء میں ہوگی جن کی وصیت اس کے لئے کی ہے ان کے ماوراء اور کسی شیئ سے کچھ نہ پائے گا ہاں وصیت حصہ شائعہ مثل ربع مال وغیرہ کی ہے توجملہ متروکہ بعدادائے دَین میں بقدر وصیت حصہ دارہوگا۔ (د) وصیت اجنبی بمازادعلی الثلث ردعلی الزوجین پرشرعاً باجماع ائمہ حنفیہ مقدم ہے اقوال اقتباس شدہ میں جوخلل وزلل ہیں اوپرواضح ہوچکے۔ (ہ) اس کامفصل جواب شافی ووافی افادہ ثانیہ عشرہ میں گزرا اورنصوص صریح سے ثابت کردیا کہ متاخرین کے نزدیک بھی ردعلی الزوجین کامرتبہ وصیت زائدہ سے دودرجے مؤخرہے واﷲ تعالٰی اعلم۔
جواب استفتائے ججی خانپور (۱) ہاں یہ وصیت مرض الموت میں ہوئی اوراس سے جواز وصیت پرکوئی اثرخلاف نہیں پڑتا۔ (۲) اگرثابت ہوکہ مدعیہ بعد وفات شوہروصیت شاہ محمد کوقبول کرچکی تھی جیساکہ شاہ محمدکادعوی ہے توبے اعتراض مدعیہ محض نامسموع اورشاہ محمد کے لئے وصیت اپنی اخیر حد تک جائزونافذ ورنہ اعتراض کااتنااثرہوگا کہ ثلث کل مال بعداداء الدین کی حد تک صرف مکانات واثاث البیت میں وصیت شاہ محمد نافذکرکے باقی کل مال مکان واسباب وغیرہ سب کاربع زوجہ کودیں گے پھرصرف باقی مکانات واثاث البیت شاہ محمد کوبحکم وصیت ملیں گے باقی جوکچھ بچا سب زوجہ کاہوگا وصیۃً خواہ ردّاً۔ (۳) ان زیوروں سے مدعاعلیہ کوکسی حال کوئی ذرہ نہیں مل سکتا وہ تمام وکمال عالم خاتون کے ہیں انہیں چھوڑکر باقی تمام مال کے لحاظ سے جواب نمبر۲ کاحکم جاری کریں گے مگرمکانات واثاث البیت کے سواکوئی اور زیورمتروکہ بھی شاہ محمد کے پاس ہے جیساکہ دعوی زوجہ ہے تو اس میں سے شاہ محمد کوحصہ نہ دیں گے اس کاحصہ صرف مکانات واثاث البیت میں ہوگا۔ (۴) اخراجات تجہیزوتکفین کابارترکہ خواہ عالم خاتون کے حصے پرہونے کایہاں کچھ ثبوت نہیں بلکہ صورت روداد سے ظاہرکہ وہ صرف ایک تبرع تھا کہ شاہ محمدنے اپنے محسن کے ساتھ اس کی درخواست پرکیا۔ (۵) ہاں وہ وصیت شرعاً جائزومؤثرہے اوراسے ایک حصہ مکان بحکم جواب نمبردوم وراثۃً ملنا اس کے نفاذ کاکچھ مانع نہیں۔ پس اگرمدعیہ اعتراض سے پہلے وصیت مدعاعلیہ کوقبول کرچکی تھی توجملہ مکانات واثاث البیت کامالک شاہ محمدخاں ہے اوردوثلث مکانات میں حق وآسائش عالم خاتون کوتاوقتیکہ وہ نکاح ثانی نہ کرے اوراگرمدعیہ نے اس کی وصیت کونہ ماناتھا توثلث کل مال کے حد تک مکانات واثاث البیت کاحصہ شاہ محمدکو ایک ربع عالم خاتون کو ملے گا ان دونوں حصص کے بعد جوحصہ مکانات بچا اس میں وقت مذکورتک عالم خاتون کوحق سکونت بحکم وصیت ہوگا۔