Brailvi Books

وصیت زیور، جس کی نسبت اگرچہ وصیت نامہ میں کوئی تصریح معاوضہ نہیں مگر زوجہ کہتی ہے کہ میرے مہر میں دئیے ہیں اوراس کایہ کہنادعوٰی نہیں بلکہ اقرارہے مہرمثل تک اس کاقول بلابینہ معتبرتھا کما فی الفائدۃ السابعۃ(جیساکہ ساتویں فائدہ میں ہے۔ت) اوروصیت نامہ میں زیورکی خالص وصیت اس کے نام لکھی ہے یہاں نہ کوئی دوسرا وارث ہے کہ زوجہ کامعارض ہو اس سے کہے کہ تیراحق دین میں ہے نہ عین میں کمافی الفائدۃ الثامنۃ (جیساکہ آٹھویں فائدہ میں ہے۔ت) یاکہے تیرے لئے وصیت بے میری اجازت کے باطل ہے۔ نہ زیورکے کسی جز کو شاہ محمدکے لئے وصیت ہے نہ اس کی وصیت کہ ثلث کل مال کی مقدار تک حق تقدم رکھتی ہے اسے اس زیورکے کسی ذرّہ کی مستحق بناسکتی ہے کما فی الفائدۃ التاسعۃ (جیساکہ نویں فائدہ میں ہے۔ت) اگرچہ وصیت محضہ للزوجہ ہوجب بھی اجنبی کے لئے صرف حساب ثلث میں ملحوظ ہوگانہ کہ اس کاکوئی حبہ اسے ملے کما فی الفائدۃ العاشرۃ (جیساکہ دسویں فائدہ میں ہے۔ت) نہ کل زیور زوجہ کے لئے بعوض مہرماننا شاہ محمد کے حساب ثلث پرکوئی اثرڈال سکتاہے۔ اگرزیور مہرمثل سے کم یابرابر ہے جب تو ظاہر کہ مہرمثل کی مقدار تک زوجہ کا قول مسلم اور وہ شاہ محمد کی وصیت پر مقدم اور اگر بالفرض مہر مثل سے زائد ہو جب بھی یہ گمان نہیں ہو سکتا کہ سب زیور بعوض مہرحق زوجہ ماننے میں شاہ محمد کاحصہ ثلث مکانات واسباب میں کم ہوجائے گا فرض کیجئے کہ زیور ۳۲۲ روپے کا ہے اورمہرمثل ۲۰۲ کااورمکانات واسباب جن کی وصیت شاہ محمدکے لئے ہے ۱۲۰۰ کے تواگرکل زیوربحق مہرزوجہ کے لئے ماناجائے تووہ ثلث جس میں وصیت اجنبی ہوگی صرف مکانات واسباب کاثلث رہاجبکہ اس کے سوا اورکوئی متروکہ نہ ہو شاہ محمد ان میں سے صرف ۴۰۰کے قدربحکم وصیت مقدمہ پائے گا اوراگرفقط مہرمثل تک زوجہ کومہرمیں دیں  توبعدادائے مہرمتروکہ ۱۳۲۰ بچے گا ۱۲۰۰ کے مکانات اسباب اور۱۲۰ کاباقی زیور جس کاثلث ۴۴۰ تومکانات واسباب سے ۴۰ روپے کے قدرشاہ محمدکے حق مقدم میں بڑھ جائیں گے یہ وہم اس وقت ہوسکتاہے کہ بحال کمی مہرمثل کل زیور زوجہ کومرتبہ مہرمثل تک تقدم ہے اورزیادہ ان مہرمثل بعوض مہرمثل ہونا محاباۃ ہے اور وہ زوجہ کے لئے وصیت ہے اورزوجہ کے لئے وصیت خود اس کی میراث سے بھی مؤخرہےکمافی الفائدۃ الاولٰی( جیساپہلے فائدہ میں میں ہے۔ت) تووصیت اجنبی سے دودرجہ مؤخرہے جب تک وصیت مقدمہ اجنبی ادانہ ہولے زیور زائدازمہرمثل ضرورمتروکہ ہی ٹھہرکر حساب ثلث میں محفوظ رہے گا اورشاہ محمد کومکانات واسباب کے حصہ مقدمہ میں کچھ نقصان نہ پہنچے گا بہرحال اس کے اس قول سے کسی کاکچھ ضررنہیں تواس میں اس کاکوئی مخاصم نہیں پھرقاضی کس وجہ سے اس کی تکذیب کرسکتاہے کما فی الفائدۃ الحادیۃ عشرۃ(جیساکہ گیارہویں فائدہ میں ہے۔ت) زوجہ اگر اس بیان میں سچی ہے فبہا اوراگر اس نے غلط کہاتو یہ اسی کے حق میں مضرہوا اسے صاف اختیارتھا کہ مہرکادعوی جداکرتی جس میں مہرمثل تک اس کاقول معتبررہتا اوریہ زیوربحکم وصیت جدا لیتی کہ اس میں اس کامعارض نہ تھا مگر اس نے ایسانہ کیا بلکہ اسی زیورہی کواپنے مہرمیں دیاجانابتایاتویہ اس کااپنے ہی حق میں اضرارہوا، ولہٰذا نہ دعوٰی بلکہ اقرارہوا اوربعداقرار حاجت تفتیش کیامعنی کما فی الفائدۃ المذکورۃ(جیساکہ مذکورہ بالافائدہ میں ہے۔ت) اور سب پرعلاوہ یہ کہ ادھرزوجہ نے یہی زیوراپنے مہرکے عوض بتائے ان سے جداکوئی دعوی مہرنہ رکھا ادھرشاہ محمدنے وہ تمام وکمال زیور اس کے تسلیم کرکے اسے سپرد کردئیے اب خواہ ان سب کو اس کاوہ حق مہرماناجو وصیت شاہ محمد پرمقدم رہتایا بعض کوحق مہربعض کو اوراس کے لئے وصیت یاکل کو وصیت جو وصیت شاہ محمد سے مؤخررہتی مگرجب یہ اسے نافذکرچکا اپنے حق کو ساقط کردیا جیسے وارث کہ زائد از ثلث میں وصیت اس کے حق ارث سے مؤخرہے مگروہ اجازت دے دے تو وہ مؤخرہی مقدم ہوجاتی اوراس قدرمیں اجازت دہندہ کاحق ارث ساقط ہوجاتاہے یہاں تک کہ اگر وصیت کل مال کی تھی اورسب ورثہ عاقلین بالغین نے اجازت دے دی کل مال موصی لہ کا ہوجائے گا اورکوئی وارث کچھ نہ پائے گا توعالم خاتون کا مہراورکل زیوراس کی ملک ہونا اورشاہ محمد کاضرباً یااستحقاقاً اس سے کچھ معلق ہونایہ سب مسائل طے شدہ اورفریقین کے متفق علیہ ہیں جن میں انہیں کوئی نزاع نہیں اور وہ ان کے خالص حقوق تھے جن کے ابقاء اسقاط کا انہیں اختیار مطلق تھاتواب قاضی مفتی کسی کواصلاً حق نہیں کہ ان طے شدہ امورکوزیربحث لائے ان کے لئے کوئی تفتیش اپنی طرف سے قائم کرے فریقین میں ایک کودوسرے پر اس بارے میں کوئی دعوٰی نہیں یہ خود مدعی بنے اوراس متفق علیہ کونزاعی قراردے کما فی الفائدۃ المذکورۃ ایضا (جیساکہ یہ بھی فائدہ مذکورہ میں ہے۔ت)