Brailvi Books

وعلی ھذا اذا ترک زوجۃ لاوارث لہ غیرھا واوصی لرجل بجمیع مالہ کان لھا سدس وللموصی لہ خمسۃ اسداس لانھا لاتستحق من المیراث شیئا حتی یخرج الثلث للوصیۃ فاذا اخرج الثلث استحقت ربع الباقی ومابقی بعد ذٰلک یکون للموصی لہ بالجمیع واصلہ من اثنی عشر للموصی لہ اربعۃ وھو الثلث یبقی الثلثان، ثمانیۃ للزوجۃ ربعھا اثنان یبقی ستۃ تعودللموصی لہ، فیکون لہ عشرۃ من اثنی عشر وذٰلک خمسۃ اسداسھا جوھرۃ النیرۃ۱؎ شرح قدوری ، وھٰکذا فی فتاوی الھندیۃ وردالمحتار والدرالمختار وھذہ الکتب من معتبرات الحنفیۃ، وان لم تجز واوصی لھا ایضا  اولافقد اوضحہ فی الجوھرۃ فراجعھا وردالمحتار فی قولہ لاالزیادۃ علیہ۲؎ الخ۔

اسی بنیاد پر اگرکسی نے بیوی کے علاوہ کوئی وارث نہ چھوڑا اورکسی مرد کے لئے کل مال کی وصیت کرگیا توبیوی کوکل مال کاچھٹا(۶/۱)حصہ اور وصیت والے مردکو باقی پانچ چھٹے (۶/۵) ملیں گے اس لئے کہ جب تک کل مال سے تہائی حصہ بطور وصیت نہ نکال لیاجائے اس وقت تک بیوی میراث میں سے کسی شیئ کی مستحق نہیں اور جب تہائی حصہ نکال لیاگیا توباقی کے چوتھائی کی مستحق ہوگی، پھرجوباقی بچ گیا وہ کل مال کی وصیت والے شخص کوملے گا، اس کی اصل بارہ سے ہے یعنی کل مال کے بارہ حصے بنائے جائیں گے جن سے ایک تہائی یعنی چارحصے بطوروصیت وصیت والے شخص کوملیں گے باقی دوتہائی یعنی دوحصے بیوی کوملیں گے پھرجوچھ باقی بچ گئے وہ وصیت والے شخص کی طرف لوٹ جائیں گے تو اس طرح وصیت والے شخص کوبارہ میں سے دس حصے مل گئے جوکہ چھ میں سے پانچ ۶/ ۵  ہوئے (جوہرہ نیرہ شرح قدوری) ایساہی فتاوٰی ہندیہ، ردالمحتار اور درمختارمیں ہے جوکہ فقہ حنفی کی معتبرکتابیں ہیں، اوراگربیوی نے اجازت نہ دی جبکہ اس نے پہلے اس کے لئے بھی وصیت کی تھی اس کی وضاحت جوہرہ میں ہے اسی کی طرف رجوع کرناچاہئے، یہ بات شامی میں ماتن کے قول ''لاالزیادۃ علیہ''کے تحت مذکورہے الخ(ت)

 (۱؎ الجوہرۃ النیرۃ    کتاب الوصایا    مکتبہ امدادیہ ملتان    ۲ /۳۹۰)

(۲؎ ردالمحتار    کتاب الوصایا   داراحیاء التراث العربی بیروت ۵ /۴۱۷)

اورصاحبان انجمن مستشارالعلماء لاہورنے نے اس صورت موجودہ میں ۳ /۱  حصہ یعنی سوم حصہ مدعاعلیہ کابتایا جوموصی لہ تھا اور۳ /۲  حصہ یعنی دوثلث حصہ مدعیہ کابتایا یہ اثربے غوری اورکمال بے توجہی  صاحبان کاہے، اورمحض رائے اپنی لکھ دی اوراس بارہ میں روایت ندارد ، دراصل مسئلہ شرعی اس طورپرنہیںہے بلکہ مسئلہ شرعی اس طورپرہے جومولوی صاحبان خانپورنے لکھاہے یعنی ۶ /۱  حصہ مدعیہ وراثہ کاہے اور۶ /۵  حصہ مدعا علیہ موصی لہ کاہے اور اسی مطلب پرروایات کتب معتبرہ مذہب حنفیہ ناطقہ ہیں اور میرابھی اتقان ان صاحبان سے ہے اوروجہ غلطی صاحبان انجمن کی یہ ہے کہ انہوں نے یہ قول دیکھاہے کہ فی زماننا، مذھب متاخرین کی ایک صورت خاص ہے اورصورت متنازعہ مغائراس کے ہے یعنی صورت خاص یہ ہے کہ متوفی کے حقداروں میں سے صرف ایک زوجہ اس کی موجودہے اور ماسوائے اس کے کوئی حقدارنہ ہوئے اورصورت متنازعہ میں زوجہ کے سوائے دوسرا حقدار بھی موجودہے جوموصی لہ بجمیع المال ہے تواس صورت خاص میں ۴ /۱  یعنی چہارم حصہ ارثی یعنی سہ ربع باقی ماندہ زوجہ کو بالردملناچاہئے کیونکہ اگرسہ ربع باقیماندہ اس کونہ دئیے جائیں تومذہب متقدمین کے مطابق بیت المال کے سوائے دوسری جگہ نہیں ہے سوبسبب فاسد ہونے بیت المال کے فتوٰی متاخرین کایہ ہے کہ یہ سہ ربع باقیماندہ بھی زوجہ متوفی پررَد کئے جائیں کہ وہ وارث شرعی ہے اوربیت المال سے فائق ہے اوریہ فتوٰی متاخرین کاعندالکل مسلم ہے اگرچہ آج تک اس کاردعمل نہیں ہوا، الامانحن فیہ میں جاری نہیں ہوسکتا،

کما مر وقال المحقق احمدبن یحٰیی بن سعد التفتازانی افتی کثیر من المشائخ بالردعلیہما اذالم یکن من الاقارب سواھما لفساد الامام وظلم الحکام فی ھذہ الایام۱ھ وفی المستصفی والفتوی الیوم علی الرد علی الزوجین عندعدم المستحق لعدم بیت المال اذالظلمۃ لایصرفونہ الی مصرفہ ۱ھ اقول ولم نسمع ایضا فی زماننا من افتی بشیئ من ذٰلک ولعلہ لمخالفتہ للمتون فلیتأمل، ردالمحتار ۱؎ فی قولہ وفی الاشباہ الخ فی کتاب الفرائض فی بیان الرد فی باب العول۔

جیساکہ گزرچکاہے محقق احمدبن یحیٰی بن سعد تفتازانی نے کہاکہ اکثرمشائخ نے زوجین پررَد کافتوی دیاہے جبکہ ان کے علاوہ دیگراقارب معدوم ہوں، کیونکہ ہمارے زمانے میں پیشوا خراب اورحکام ظالم ہوچکے وہ بیت المال کوصحیح مصرف میں خرچ نہیں کرتے ۱ھ اقول: (میں کہتاہوں) ہم نے یہ بھی نہیں سناکہ ہمارے زمانے میں کسی نے ایسافتوی دیاہے شاید اس کے مخالف متون ہونے کی وجہ سے۔ تواس میں تأمل چاہئے۔ یہ بات ردالمحتارکے کتاب الفرائض، بیان الردباب العول میں ماتن کے قول ''وفی الاشباہ الخ'' کے تحت مذکورہے۔

 (۱؎ ردالمحتار        کتاب الفرائض    باب العول   داراحیاء التراث العربی بیروت    ۵ /۵۰۲)

قال علمائنا رحمھم اﷲ تعالٰی تتعلق بترکۃ المیت حقوق اربعۃ مرتبۃ الاوّل یبدأ بتکفینہ وتجھیزہ بلاتبذیر ولاتقتیر ثم تقضی دیونہ من جمیع مابقی من مالہ ثم تنفذ وصایا من ثلث مابقی بعدالدین ثم یقسم الباقی بین ورثتہ بالکتاب والسنۃ واجماع الامۃ سراجی ۱؎۔ ولالوارثۃ وقاتلہ مباشرۃ لاتسببا کما مرالاباجازۃ ورثتہ لقولہ علیہ السلام ولاوصیۃ الوارث الاان یجیزھا الورثۃ یعنی عندوجود وارث اٰخرکما یفیدہ اٰخرالحدیث وسنحققہ ۱۲درمختار۲؎۔

ہمارے علماء رحمۃ اﷲ تعالٰی علیہم نے فرمایا کہ میت کے ترکہ کے ساتھ بالترتیب چارحقوق وابستہ ہوتے ہیں سب سے پہلے میت کے مال سے زیادتی یاکمی کئے بغیرتجہیزوتکفین کااہتمام کیاجائے گاپھرباقی بچے ہوئے تمام مال سے میت کے قرضے اداکئے جائیں گے۔ پھرقرض کی ادائیگی سے بچ جانے والے مال کے تہائی سے اس کی وصیت نافذکی جائے گی۔ پھرجوباقی بچ گیا اسے کتاب اﷲ، سنت اوراجماع کے مطابق وارثوں میں تقسیم کیاجائے گا(سراجی)۔ وارث اورقاتل المباشرۃ نہ کہ بالسبب کے لئے وصیت جائزنہیں مگریہ کہ دیگرورثاء اس کی اجازت دے دیں جیساکہ گزرچکا، نبی کریم صلی اﷲ تعالٰی علیہ وسلم کے اس ارشاد کی وجہ سے کہ وارث کے لئے وصیت نہیں مگریہ کہ دوسرے ورثاء اس کی اجازت دے دیں یعنی جب کوئی دوسرا وارث موجود ہوجیساکہ حدیث کا آخر اس کافائدہ دیتاہے۔ ہم عنقریب اس کی تحقیق کریں گے(درمختار)۔(ت)

 (۱؎ السراجی     مقدمۃ الکتاب    مکتبہ ضیائیہ راولپنڈی    ص۳و۴)

(۲؎ الدالمختار    کتاب الوصایا         ۲ /۳۱۹)