Brailvi Books
 |
فتاویٰ رضویہ جلد نمبر۲۴(کتاب الحظر والاباحۃ) |
97 - 160
اس وقت کی نظرمیں اس کاجلیل وعدہ جمیل مژدہ صاف صریح بالتصریح یاکالتصریح تصریح پانچ فرقوں کے لئے وارد ہوا: اوّل حاجی کہ پاک مال، پاک کمائی، پاک نیت سے حج کرے، اور اس میں لڑائی جھگڑے اورعورتوں کے سامنے تذکرہ جماع اورہرقسم کے گناہ ونافرمانی سے بچے، اس وقت تک جتنے گناہ کئے تے بشرط قبول سب معاف ہوجاتے ہیں،پھر اگر حج کے بعد فوراً مرگیا تو اتنی مہلت نہ ملی کے حقوق اﷲ عزوجل یابندوں کے اس کے ذمہ تھے انہیں ادایاادا کی فکرکرتا توامیدواثق ہے کہ مولٰی تعالٰی اپنے تمام حقوق سے مطلقاً درگزرفرمائے یعنی نماز، روزہ، زکوٰۃ وغیرہا فرائض کہ بجانہ لایاتھا ان کے مطالبہ پربھی قلم عفوالٰہی پھرجائے اور حقوق العباد ودیون ومظالم مثلاً کسی کاقرض آتاہو، مال چھینا ہو، براکہاہو ان سب کو مولٰی تعالٰی اپنے ذمہ کرم پرلے لے اصحاب حقوق کو روزقیامت راضی فرماکر مطالبہ وخصومت سے نجات بخشے، یوہیں اگر بعد کو زندہ رہا اور بقدر قدرت تدارک حقوق اداکرلیا یعنی زکوٰۃ دے دی نماز روزہ کی قضاادا کی جس کاجومطالبہ آتاتھا دے دیا جسے آزار پہنچاتھا معاف کرالیا جس مطالبہ کا لینے والا نہ رہا یامعلوم نہیں اس کی طرف سے تصدق کردیا بوجہ قلت مہلت جو حق اﷲ عزوجل یابندہ کا اداکرتے کرتے رہ گیا اس کی نسبت اپنے مال میں وصیت کردی، غرض جہاں تک طرق برائت پر قدرت ملی تقصیر نہ کی تو اس کے لئے امید اور زیادہ قوی کہ اصل حقوق کی یہ تدبیر ہوگئی اور اثم مخالفت حج سے دھل چکاتھا، ہاں اگربعد حج باوصف قدرت ان امورمیں قاصررہا تویہ سب گناہ ازسرنو اس کے سرہوں گے کہ حقوق تو خود باقی ہی تھے ان کی ادامیں پھرتاخیر وتقصیر گناہ تازہ ہوئے اور وہ حج ان کے ازالہ کو کافی نہ ہوگا کہ حج گزرے گناہوں کودھوتاہے آئندہ کے لئے پروانہ بیقیدی نہیں ہوتا بلکہ حج مبرور کی نشانی ہی یہ ہے کہ پہلے سے اچھاہوکر پلٹے
فانّا ﷲ وانا الیہ راجعون ولاحول ولاقوۃ الا باﷲ العلی العظیم
(بے شک ہم اﷲ تعالٰی کے لئے ہیں اور یقینا اسی کی طرف لوٹ کرجانے والے ہیں، گناہوں سے بچنے اور نیکی کرنے کی طاقت اﷲ تعالٰی بزرگ وبرتر کی توفیق کے بغیر کسی میں نہیں۔ت) مسئلہ حج میں بحمداﷲ تعالٰی یہ وہ قول فیصل ہے جسے فقیرغفراﷲ تعالٰی لہ نے بعد تنقیح دلائل ومذاہب واحاطہ اطراف وجوانب اختیارکی نفیس تحقیق بعونہ تعالٰی فقیر غفراﷲ تعالٰی لہ نے بعد ورود اس سوال کے ایک تحریر جداگانہ میں لکھی، یہاں اس قدرکافی ہے وباﷲ التوفیق (اﷲ تعالٰی ہی کے کرم سے توفیق حاصل ہوتی ہے۔ت)
احایث ابن ماجہ اپنی سنن میں کاملاً اور ابوداؤد مختصراً اور امام عبداﷲ بن امام احمد زوائد مسند اور طبرانی معجم کبیر اور ابویعلٰی مسند اور ابن حبان ضعفاء اور ابن عدی کامل اور بیہقی سنن کبرٰی وشعب الایمان وکتاب البعث والنشور اور ضیاء مقدسی بافادہ تصحیح مختارہ میں حضرت عباس بن مرداس اور امام عبداﷲ بن مبارک بسندصحیح اور ابویعلٰی وابن منیع بوجہ آخر حضرت انس بن مالک اور ابونعیم حلیۃ الاولیا اور امام ابن جریر طبری تفسیر اور حسن بن سفیان مسند اور ابن حبان ضعفاء میں حضرت عبداﷲ بن عمرفاروق اعظم اور عبدالرزاق مصنف اور طبرانی معجم کبیر میں حضرت عبادہ بن صامت اور دارقطنی وابن حبان حضرت ابوہریرہ اور ابن مندہ کتاب الصحابہ اور خطیب تلخیص المتشابہ میں حضرت زید جدعبدالرحمن بن عبداﷲ بن زیدرضی اﷲ تعالٰی عنہم اجمعین سے بطرق عدیدہ والفاظ کثیرہ ومعانی متقاربہ راوی: