Brailvi Books

الصلٰوۃ واجبۃ علی کل مسلم براکان او فاجرا و ان ھو عمل الکبائر ۱؎۔

ہر مسلمان خواہ نیک ہو یا بد، اس کی نماز جنازہ پڑھنی واجب ہے اگر چہ وہ کبیرہ گناہوں کا مرتکب ہو (ت)

 (۱؎ سنن الکبرٰی للبیہقی     کتاب الصلٰوۃ خلف من لایحمدہ     دارالفکر بیروت    ۳/ ۱۲۱)

درمختار میں ہے  :

وھی فرض علی کل مسلم مات خلااربعۃ ۲؎ الخ ولیس ھذا منھم واﷲ تعالٰی اعلم۔

جب کوئی مسلمان مر جائے تو اس پر نماز پڑھنی فرض (کفایہ) ہے سوائے چار آدمیوں کے کہ ان کی نماز جنازہ نہ پڑھی  جائے اور یہ ان میں سے نہیں، واللہ تعالٰی اعلم۔ (ت)

 (۲؎ درمختار     کتاب الجنائز     مطبع مجتبائی دہلی    ۱/ ۱۲۲)

 (۲) جو مال اس نے بعینہٖ چوری یاجوئے سے حاصل کیا اس پر ختم وفاتحہ پڑھنا حرام ہے اور اس کا کھانا حرام ہے مگر اسے جس سے وہ مال لیا گیا یا وہ معلوم نہ ہو تو فقیر کو بحیثیت مال لاوارثی نہ بحیثیت ایصال ثواب سمجھ کر کھایا وہ قابل امامت نہیں جب تک تائب نہ ہو بلکہ اسے جدید اسلام کا حکم ہے۔ 

عالمگیریہ میں ہے :

لوتصدق علی فقیر بشیئ من مال الحرام یرجوا الثواب یکفر ولو علم الفقیر بذٰلک فد عالہ وامن المعطی فقد کفر کذا فی المحیط ۳؎۔

اگر کسی محتاج پر حرام مال میں سے کچھ خیرات کرے اور ثواب کی امید رکھے تو کافر ہوجائے گا، اگر محتاج کو اس مال کے حرام ہونے کا علم ہو پھر اسے مال دینے کے لئے کوئی بلائے اور وہ اس کے لئے دعا کرے اور دینے والا آمین کہے تو دونوں کافر ہوئے محیط میں یہی مذکور ہے۔ (ت)

 (۳؎ فتاوٰی ہندیہ   الباب التاسع   نورانی کتب کانہ پشاور    ۲/ ۲۷۲)

اور اگر اس کے پاس مال حلال بھی تھا اور اس کا خاص حرام سے ہونا معلوم نہیں یا زر حرام سے خریدی ہوئی کوئی چیزہے جس کی خریداری میں زرحرام پر عقد ونقد جمع نہ ہوئے یعنی یہ نہ ہوا کہ حرام روپیہ دکھا کر کہا ہو کہ اس کے عوض دے دے پھر وہی روپیہ اس کے ضمن میں دیا ہو تو اس پر فاتحہ پڑھنے اور کھانے میں حرج نہیں اگر چہ صورت مذکورہ میں خلاف احتیاط ضرور ہے۔ 

عالمگیریہ میں ذخیرہ سے ہے امام محمد فرماتے ہیں :

بہ ناخذ مالم نعرف شیأا حرام بیعنہ ۱؎۔

ہم اس کو اختیار کرتے ہیں جب تک کسی معین شے کے حرام ہونے کو نہ پہچانیں (ت) اگر یہ صورت تھی تو امام پر الزام نہیں۔ واللہ تعالٰی اعلم۔

 (۱؎ فتاوٰی ہندیہ     کتاب لکراھیۃ الباب الثانی عشر     نورانی کتب خانہ پشاور    ۵ /۳۴۲)