Brailvi Books

حدیث ۶۷: کہ فرماتے ہیں صلی اللہ تعالٰی علیہ وسلم :

اقبلوا ذوی الھیئات عثراتھم الا الحدود۔ رواہ احمد ۱؎ و البخاری فی الادب المفرد وابوداؤد عن ام المومنین الصدیقۃ رضی اﷲ تعالٰی عنہا۔

عزت داروں کی لغزشیں معاف کرو مگر حدود، اس کو احمد اور بخاری نے ادب المفرد میں اور ابوداؤد نے ام المومنین صدیقہ رضی اللہ تعالٰی عنہا سے روایت کیا ہے۔

 (۱؎ مسند احمد بن حنبل     عن عائشہ رضی اللہ تعالٰی عنہا         المکتب الاسلامی بیروت    ۶/ ۱۸۱)

(الادب المفرد         حدیث ۴۶۵             المکتبۃ الاثریہ سانگلہ ہل    ص۱۳۳)

(سنن ابوداؤد         کتاب الحدود باب فی الحد یشفع فیہ     آفتاب عالم پریس لاہور    ۲/ ۲۴۵)

(کنز العمال     بحوالہ حم خد عن عائشہ حدیث ۱۲۹۷۵     موسسۃ الرسالہ بیروت        ۵/ ۳۰۹)

تذییل: تعظیم

حدیث ۶۸ :کہ فرماتے ہیں صلی اللہ تعالٰی علیہ وسلم:

لایقوم الرجل من مجلسہ الا لبنی ھاشم رواہ الخطیب ۲؎ عن ابی امامۃ رضی اﷲ تعالٰی عنہ۔

آدمی اپنی جگہ چھوڑ کر کسی کے لئے نہ اٹھے سوائے بنی ہاشم کے۔ اسے روایت کیا ہے خطیب نے ابوامامہ رضی اللہ تعالی عنہ سے۔

(۲؎ تاریخ بغداد         ترجمہ محمد بن علی ۱۰۷۶     دارالکتب العربی بیروت        ۳/ ۸۸)

دوسری روایت میں ہے:

یقوم الرجل من مجلسہ لاخیہ الابنی ہاشم لایقومون لاحد رواہ الطبرانی ۱؎ فی الکبیر والخطیب۔

ہر شخص اپنے بھائی کے لئے اپنی مجلس سے اٹھے مگر بنی ہاشم کسی کے لئے نہ اٹھیں، اس کو طبرانی نے کبیر میں اور خطیب نے روایت کیا۔

 (۱؎ المعجم الکبیر     حدیث ۷۹۴۶     المکتبۃ الفیصلیۃ بیروت    ۸ /۲۸۹)

(کنز العمال     بحوالہ طب والخطیب عن ابی امامۃ حدیث ۳۳۹۱۵     مؤسسۃ الرسالہ بیروت    ۱۲ /۴۳)