Brailvi Books

اقول: (میں کہتاہوں) اس نے اس کا اظہار نہیں کیامگریہ کہ اﷲ تعالٰی کی طرف سے محمد بن ابراہیم کی کرامت ہے کہ ابن حبان نے نفس واحد میں اپنے آپ سے مناقضہ اور مقابلہ کیاکہ اسے وضّاع (حدیثیں گھڑنے والا) بھی قراردیا اور اسے ان لوگوں میں بھی شامل کیا کہ جن کی حدیثیں لکھی جاتی ہیں اور ان پر اعتماد کیاجاتاہے۔ پاک ہے اﷲ تعالٰی۔ کون ایسا وضّاع ہوگا جس کی حدیثوں پراعتماد کیاجائے اور اسی طرح ابن حبان نے فحش گوئی سے کام لیا کہ محمد بن علاقہ کے بارے میں کہا کہ وہ مستند راویوں سے موضوعات روایت کرتاہے لہٰذا بغیر جرح وقدح کے اس کاتذکرہ کرناجائزنہیں۔ اس کا اول اگرچہ اس کے آخر سے آسان ہے جوکچھ اس نے ''محمد'' کے بارے میں کہاتاہم آخر جوکہ حکم ہے زیادہ سخت ہے۔ اس نے کہا حاکم نے کہا کہ وہ موضوع حدیثیں روایت کرتاہے (ذاھب الحدیث) ہے امام دارقطنی نے کہامتروک ہے۔ امام بخاری نے کہا اس کی حدیث میں نظرہے اور وہ یہ بات اسی کے متعلق کہتاہے جو غالباً متہم ہو، جیسا کہ ازدی نے عبداﷲ بن داؤدتمار کے بارے میں کہا ہے ازدی نے کہا اس کی حدیث اس کے جھوٹ پردلالت کرتی ہے او ر ان تمام باتوں نے اس پرکوئی اثرنہیں کیا۔ لہٰذا حافظ نے التقریب میں اپنے اس قول ''صدوق یخطی (سچاہے، غلطی کرتاہے) پر اکتفاکیاہے کیونکہ ابن معین نے اس کی توثیق کی ہے  پھر یہ باتیں کیسے اثرانداز ہوسکتی ہیں اس شخص پر جو اولیاء اﷲ میں شمارہوتاہو لہٰذا حدیث انشاء اﷲ حسن ہے اور یہ ایک وجہ ہے اور کتنی اچھی وجہ ہے۔

والثانی ان الحدیث جاء عن ثلٰثۃ من الصحابۃ رضی اﷲ تعالٰی عنھم بطرق متنوعۃ فنیجبر ضعف بعضھا ببعض اذلیس فیھا وضّاع ولاکذاب اعنی من تحقق فی ذٰلک، وقد بیّناہ فی کتابنا ''منیرالعین فی حکم تقبیل الابھامین'' من الفائدۃ۱۲ الٰی فائدۃ ۱۴ وقال الامام الجلیل السیوطی فی التعقبات علی الموضوعات المتروک والمنکر اذا تعددت طرقہ ارتقی الی درجۃ الضعیف الغریب بل ربما یرتقی الی الحسن۱؎ اھ وقال المحقق علی الاطلاق فی فتح القدیر الضعیف یصیر حجۃ بذٰلک لان تعددہ قرینۃ علٰی ثبوتہ فی نفس الامر۲؎ اھ۔

دوسری بات حدیث تین صحابہ سے مختلف طریقوں سے مروی ہے (اﷲ تعالٰی ان سب سے راضی ہو) لہٰذا بعض کا ضعف بعض سے دورہوجاتاہے کیونکہ اس میں وضّاع کوئی نہیں اور نہ ہی کذاب ہے اور ہم نے اس کو اپنی کتاب منیرالعین فی حکم تقبیل الابھامین انگوٹھے چومنے سے آنکھوں کاروشن ہوتا) کے فائدہ ۱۲ سے ۱۴ تک بیان کیاہے چنانچہ جلیل القدر امام علامہ سیوطی نے التعقبات علی الموضوعات میں فرمایا حدیث متروک اور منکر اس صورت میں ضعیف اور غریب کے درجہ تک پہنچ جاتی ہے جبکہ اس کے طرق یعنی سندیں متعدد ہوں، بلکہ بعض اوقات درجہ حسن تک اس کا ارتفاع ہوجاتاہے یاارتقاء ہوجاتاہےاھ محقق علی الاطلاق کمال ابن ہمام نے فتح القدیر میں فرمایا حدیث ضعیف تعدّدِطرق کی وجہ سے حجت ہوجاتی ہے کیونکہ اس کے طرق کا تعدّد اس کے نفس الامری ثبوت پرقرینہ ہےاھ۔

 (۱؎ التعقبات علی الموضوعات     باب المناقب     المکتبۃ الاثریۃ سانگلہ ہل     ص۵۷)

(۲؎ فتح القدیر    کتاب الصلٰوۃ     باب النوافل     مکتبہ نوریہ رضویہ سکھر     ۱/ ۳۸۹)