Brailvi Books

الجواب : اصل کلی یہ ہے کہ تعظیم ہر منتسب بارگاہ کبریا علی الخصوص محبوبان خدا انحائے تعظیم حضرت عزت جل وعلا ہے۔

قال اللہ تعالٰی : ومن یعظم حرمت اﷲ فھو خیر لہ عندربہ ۱؎۔

جو اللہ تعالٰی کی حرمتوں کی تعظیم کرے تووہ بہتر ہے اس کے لئے اس کے پروردگار کے یہاں۔

 (۱؎القرآن الکریم ۲۲/ ۳۰)

وقال تعالٰی : ومن یعظم شعائر اﷲ فانھا من تقوی القلوب ۲؎۔

جو اللہ کے شعاروں کی تعظیم کرے وہ دلوں کی پرہیزگاری سے ہیں۔

 (۲؎القرآن الکریم    ۲۲/ ۳۲)

رسول اللہ صلی اللہ تعالٰی علیہ وسلم فرماتے ہیں :

ان من اجلال اﷲ اکرام ذی الشیبۃ المسلم وحامل القراٰن غیر الغالی فیہ والجافی عنہ واکرام ذی السطان المقسط ۲؎۔ رواہ ابوداؤد عن ابی موسٰی الاشعری رضی اﷲ تعالٰی عنہ بسند حسن۔

یعنی بوڑھے مسلمان اور عالم باعمل اور حاکم عادل کی تعظیمیں اللہ تعالٰی کی تعظیم سے ہیں۔ (اسے ابوداؤد نے ابوموسٰی الاشعری رضی اللہ تعالٰی عنہ سے بسند حسن روایت کیا۔ ت)

 (۳؎ سنن ابی داؤد     کتاب الادب باب فی تنزیل الناس منازلہم     آفتاب عالم پریس لاہور    ۲/ ۳۰۹)

اور علمائے کرام قدیما وحدیثافقہا وحدیثا تصریحات فرماتے ہیں کہ

حرمۃالمسلم حیا ومیتا سواء،

مسلمانو زندہ ومردہ کی حرمت یکساں ہے، ولہذا علماء نے وصیت فرمائی کہ قبر سے اتنا ہی قریب ہوجتنا زندگی دنیامیں صاحب قبر سے قریب ہوسکتا ہے اس سے زیادہ آگے نہ جائے،

عالمگیریہ میں ہے :

فی التہذیب یستحب زیارۃ القبور وکیفیۃ الزیارۃ کزیارۃ ذٰلک المیت فی حیاتہ من القرب والبعد کذا فی خزانہ الفتاوٰی ۳؎۔

تہذیب میں ہے زیارت قبورمستحب ہے۔ زیارت کی کیفیت یہ ہے کہ  جتنا قرب وبعد میت کی زندگی میں اس کی زیارت کے لئے ہوتا تھا بعد مرگ بھی اتناہی ہو، خزانہ الفتاوٰی میں یونہی ہے۔(ت)

 (۴؎ فتاوٰی ہندیہ     کتاب الکراھیۃ الباب السادس عشر     نورانی کتب خانہ پشاور    ۵/ ۳۵۰)

اور شک نہیں کہ تعظیم وتوہین کا مدار عرف وعادت پر ہے

کما حققہ خاتمۃ المحققین سیدنا الوالد قدس سرہ فی اصول الرشاد لقمع مبانی الفساد

( جیسا کہ خاتمۃ المحققین سیدنا الوالد قدس سرہ نے

''اصول الرشاد لقمع مبانی الفساد'' میں اس کی تحقیق کی ہے۔ ت) تو جس کی تعظیم شرعا مطلوب ہے وہاں جو جو افعال وطرق حسب عرف وعادت قوم کئے جاتے ہیں اسی مطلوب شرعی کی تحت میں داخل ہوں گے جب تک کسی خاص فعل سے نہی شرعی نہ ثابت ہو، جیسے سجدہ یا قبر کی طرف نماز کہ یہ شرعا ممنوع ہیں۔

و لہذا امام محقق علی الاطلاق نے فتح القدیر،  پھر علامہ ابن سندھی نے لباب میں اور ان کے سوا اور علمائے کرام نے زیارت اقدس حضور سید عالم صلی اللہ تعالٰی علیہ وسلم میں فرمایا :

کلمہ کان ادخل فی الادب والاجلال کان حسناً۱؎

جو کچھ تعظیم واجلال میں زیادہ داخل ہوں خوب ہے۔

 (۱؎ فتح القدیر     کتاب الحج مسائل منشورۃ     المقصد الثالث     مکتبہ نوریہ رضویہ سکھر    ۳/ ۹۴)

(لباب المناسک مع ارشاد الساری باب زیارۃ سید المرسلین فصل ولوتوجہ الی الزیادۃ     دارالکتب العربی بیروت    ص۳۳۶)

ابن حجر مکی نے جوہر منظم میں فرمایا :

تعظیم النبی صلی تعالٰی علیہ وسلم بجمیع انواع التعظیم التی لیس فیہا مشارکۃ اﷲ تعالٰی فی الالوھیۃ امر مستحسن عند من نور اﷲ ابصارھم ۲؎۔

نبی صلی اللہ تعالٰی علیہ وسلم کی تعظیم ان جمیع اقسام تعظیم کے ساتھ جس میں حضرت عزت سے الوہیت ہیں شریک کرنا لازم نہ آئے امرمستحسن ہے ان سب کے نزدیک جن کی آنکھیں اللہ تعالٰی نے روشن کی ہیں یعنی جنھیں نور ایمان بخشا ہے۔

ومن لم یجعل اﷲ لہ نورا فمالہ من نور ۳؎۔

اور جسے اللہ نور نہ دے اس کے لئے کہیں نور نہیں۔ (ت)

(۲؎ الجواہر النظم     الفصل الاول     المکتبۃ القادریۃ جامعہ نظامیہ لاہور    ص۱۲) 

(۳؎ القرآن الکریم    ۲۴/ ۴۰)

جب یہ اصل کلی معلوم ہو ہوگئی حکم صو ر مسئلہ منکشف ہوگیا آستانہ بوسی پر یہ اعتراض کہ اول چومیں گے پھر پاؤں رکھ کر جائیں گے محض نادانی ہے کعبہ معظمہ ومسجد حرام شریف میں بھی یہی صورت ہے اور ضرورت ایک دوسرے کے منافی نہیں۔