Brailvi Books
 |
فتاویٰ رضویہ جلد نمبر۲۱(کتاب الحظر والاباحۃ ) |
88 - 144
(۲۲) ابوالحکم بن عبدالرحمن الشہیر بابن المرحل کہ فضلائے مغاربہ سے ہیں امام بقیۃ الحفاظ ابن حجر عسقلانی نے تبصیر میں ان کا ذکر لکھا وصف نقش مبارک میں ان کا قصیدہ غرا شیخ ابن الحاج نے اپنی کتاب مذکورمیں ذکر کیا امام قسطلانی نے اسے مااحسنہا کہا یعنی کیا خوب فرمایا، اس کے بعض ابیات کریمہ مواہب میں یہ ہیں: ؎
مثال لنعلی من احب ھویتہ فہا انا فی یومی ولیلی لاثمہ اُجر علی راسی ووجہی ادیمہ والثمہ طوراوطورا الازمہ امثلہ فی رجل اکرم من مشی فتبصرہ عینی وماانا حالمہ احرک خدی ثم احسب وقعہ علی وجنتی خطواھناک یداومہ ومن لی بوقع النعل فی حر وجنتی لما ش علت فوق النجوم براجمہ ساجعلہ فوق الترائب عوذۃ لقلبی لعل القلب یبرد حاجمہ واربطہ فوق الشوؤن تمیمۃ لجفنی لعل الجفن یرقاء ساجمہ الابابی تمثال نعل محمد لطاب لحاذیہ وقدس خادمہ یودھلال الافق لوانہ ھوی ینرا حمنا فی لثمہ ونزاحمہ سلام علیہ کلما ھبت الصبا وغنت باغصان الاراک حمائمہ ۱؎
اپنے محبوب صلی اللہ تعالٰی علیہ وسلم کی تصویر نعل پاک کومیں دوست رکھتا اور رات دن اسے بوسہ دیتاہوں اپنے سر اور منہ پر رکھتااور کبھی چومتا کبھی سینے سے لگاتاہوں، میں اپنے دھیان میں اسے محبوب صلی اللہ تعالٰی علیہ وسلم کے پائے اقدس میں تصور کرتا ہوں تو شدت صدق تصور سے گویا اپنی آنکھوں سے جاگتے میں دیکھ لیتاہوں اس نقش پاک کو اپنے رخسارے پر رکھ کر جنبش دیتااور یہ خیال کرتا ہوں کہ گویا وہ اسے پہنے ہوئے میرے رخسارے پر چل رہے ہیں آہ کون ایسی صورت کردے کہ وہ پائے مبارک جو ستارگان آسمان ہشتم کے سروں پر بلند ہوئے ان کی کفش مبارک چلنے میں میرے رخسارے پر پڑے میں نقشہ نعل پاک کو اپنے سینے پر دل کا تعویز بنا کر رکھوں گا شاید دل کی آنکھ ٹھنڈی ہو، میں اسے سرپر آنکھوں کا تعویذ بنا کر باندھوں گا شاید بہتی پلکیں رکیں، سن لو تصویر کفش مقدس پر میرا باپ نثار، کیااچھا ہے اس کا بنانے والا اور جو اس کی خدمت کرے پاک ہوجائے، ماہ نور کی تمنا ہے کاش آسمان سے اتر کر اس نقشہ مبارک کے بوسے میں ہم اور وہ باہم مزاحمت کرتے، اللہ عزوجل کا سلام اترے محمد صلی اللہ علیہ وسلم پر جب تک بادصبا چلے اور جب تک درخت اراک کی ڈالیوں پر کبوترگونجیں،
اللھم صل وسلم وبارک علیہ وعلی الہ وامتہ ابدا آمین