Brailvi Books

 (۱؎ صحیح مسلم         کتاب المساقات باب تحرم ثمن الکلب     قدیمی کتب خانہ کراچی    ۲ /۱۹)

(سنن ابی داؤد         کتاب البیوع         آفتاب عالم پریس لاہور    ۲ /۱۳۰)

پس کسب خوکیاناں بدرجہ اولٰی اخبث واشنع باشد باز ایں کاربحب عرف دیار باعث تنفیر مسلمین وانگشت نمائی در بردران دین مے شود ہر کار یکہ چناں ست شرعا مکروہ ناشایانست تاآنکہ علماء گفتہ اند درشہرے کہ مرد مان بخضاب اعنی خضاب جائز کہ غیر سوا دست خوکردہ باشند آنجا ترک خضاب وجائیکہ تبرک باشند آنجا فعل خضاب مکروہ وناپسندیدہ است زیرا کہ خروج از عادت باعث شہرت و موجب کراہت ست، امام علامہ عارف باللہ سیدی عبدالغنی نابلسی قدس سرہ، القدسی درحدیقہ ندیہ شرح طریقہ محمدیہ فرمود من کان فی موضع عادۃ اھلہ الصبغ اوترکہ فخر وجہ عن العادۃ شہرۃ ومکروہ ۱؎ اینہا بآنکہ خضاب و ترک ہر دو شرعا رواست وخوکردگان یکے از انہا مراں دیگر را زنہار مخالف دین ودیانت نمے دادند فکیف کہ آں فعل فی نفسہٖ نیز شرعا ناپسندیدگی دارد درعامہ بلاد در اذہان و قلوب عامہ مسلمین نفرت شدیدہ ازوجائیگیر باشند وارتکاب ہمچوں افعال پیش ایشاں امارت بیباکی ودناءت قلب وقلت دین وضعف دیانت بود بچناں رے پرداختن وخود راہدف سہام طعن وملام اہل اسلام ساختن وبا جہانے طرف شدہ رعایت شرع ومراعات خاطر مسلمانان یکسرپس پشت انداختن خود چہ زیبا ست شرع مطہر ہر گز ہمچوں کارے رضا ندہدکسان مذکورراباید کہ چارہ کار خود سازندوبمجمع مسلمین بتوبہ ومعذرت پردہ زند کہ بے سبب افروختہ اند بآب اعتذار بنشانند وغبار ملالےکہ بر خاطر مسلماناں از جانب آناں نشستہ است بیفشانند حکم ایں قدرست اماکار مسطور باخراج ایشاں از زمرہ مسلمان نیرزد تفریط وافراط ہر دو بدست ومیزان اعتدال بدست حق پرست نظر ست۔ سبحنہ وتعالٰی اعلم۔

نیزیہ کام علاقہ کے عرف میں مسلمانوں کی نفرت اور انگشت نمائی کا سبب ہے جبکہ ہر ایسا کام شرعا ممنوع ہے یہاں تک کہ علماء نے فرمایا ہے کہ جس شہر میں جائز خضاب یعنی سیاہ خضاب لگانے کی عادت ہو وہاں خضاب نہ لگانا اورجہاں خضاب نہ لگانے کا رواج ہو وہاں خضاب لگانا مکروہ ہے کیونکہ اس میں شہر کی عادت سے خروج کے باعث بدنامی ہوتی ہے جو کہ مکروہ ہے امام  علامہ عارف باللہ سیدی عبدالغنی نابلسی قدس سرہ القدسی نے حدیقہ ندیہ میں فرمایا جوشخص علاقہ کی عادت خضاب یا عدم خضاب کی عادت سے خروج کرے تو شہرت کی وجہ سے مکروہ ہے حالانکہ خضاب اور ترک خضاب اور عادت کے خلاف کرنا شرعا دین ودیانت کے خلاف نہیں ہے تو ایسے کام کے متعلق کیا حال ہوگا جوشرعا خود ناپسندیدہ ہے اور تمام بلاد میں اسکی وجہ سے مسلمانوں کے دلوں میں شدید نفرت پائی جاتی ہے اس نوع کے کاموں میں مشغول ہوجانا اور اپنے آپ کو اہل اسلام کے طعن وملامت کے تیروں کا نشانہ بنانا اور دنیا والوں سے ایک طرف ہوجانا شریعت کی رعایت اور اہل اسلام کی مراعات کو یکدم پس پشت ڈال دینا کیسے اچھا ہوسکتا ہے ، شریعت مطہرہ اس قسم کے کاموں سے خوش نہیں ہوتی لہذا مذکورہ لوگوں کو چاہئے کہ وہ اپنے کام کی تدبیر (چارہ) کریں اور مسلمانوں کی مجلس میں توبہ اور معذرت میں مشغول ہوں کہ بغیر سبب جلائی ہوئی آگ کو معذرت کے پانی سے بجھائیں۔ اور بے چینی وتنگ دلی کا گردوغبار جو ان کی طرف سے مسلمانوں کے دلوں پر بیٹھ گیا ہے اسے جھاڑدیں۔ صرف اتنا ہی حکم ہے لیکن یہ کام جو سوال میں بیان کیا گیا ہے کہ انھیں مسلمانوں کے گروہ سے نکال دیا جائے یہ جائز اور مناسب نہیں۔ پس افراط وتفریط (زیادتی وکمی) دونوں ہی برے ہیں۔ اور حق پرستوں کے ہاتھوں میں عدل ترازو محفوظ ہے۔ اللہ تعالٰی پاک، برترا ور سب کچھ جاننے والا ہے۔ (ت)

 (۱؎ حدیقۃ الندیہ    شرح طریقہ محمدیہ ومنہا ای من الافات اضاعۃ الرجل الخ         المکتبہ النوریۃ الرضویۃ لائلپور     ۲ /۵۸۲)

مسئلہ ۲۰۳ تا ۲۰۶: از گلگت چھاؤنی جوئنال مرسلہ سید محمد یوسف علی صاحب شعبان ۱۳۱۲ھ

جناب مولوی صاحب مخدوم مکرم سلامت، بعد آداب تسلیمات کے گزارش یہ ہے کہ براہ مہربانی اس کا جواب بہت جلد مرحمت فرمائے گا کیونکہ اس جگہ پر خط عرصہ سے پہنچتا ہے۔ بوجہ برف کے جواب کے واسطے عرصہ دو ماہ کا ہونا چاہئے۔ بندہ کو اس وقت سوا آپ کے اور کوئی نہیں یاد آیا۔ امیدوارہوں کہ اکثر یہاں کے لوگ ناواقف ہیں۔ چند باتیں میں سوال میں لاتاہوں ان کا جواب دیجئے گا۔ فقط۔

 (۱) انگریز کے ولایت کی چند چیزیں ایسی ہیں جو کہ بوجہ یہاں دستیاب نہ ہونے کو ان کو استعمال کرنا اول تو مکھن وہاں سے گائےکے دودھ کا بن کے ٹین کے بکس میں بند ہوکر آتاہے اس پر گائے کا نمونہ بھی بنا ہوتاہے اس کوخرچ میں لانا جائز ہے یانہیں؟

(۲) اس طرف سے گائےکا دودھ ٹین کے بکس میں آتاہے چند شخص کہتے ہیں یہ اچھا ہے چند شخص اعتراض کرتے ہیں دیکھا ہوا کوئی صحیح نہیں بتلاتا صرف سنے ہوئے پر برتتے ہیں۔

 (۳) ایک قسم کا دانت صفا کرنے کا بجائے مسواک کے انگریزی برش ہے اس سے دانت خوب صفا ہوتے ہیں چند شخص کہتے ہیں اس کا دستہ ہاتھی دانت کا ہے اور سینگ کے بال ہیں فرض کا اگر سینگ کے بال ہیں ان کو منہ میں لینا کیساہے؟ چونکہ کوئی اس سے اصلا خبر نہیں رکھتا عقل سے ہاتھی دانت بتاتے ہیں۔

(۴) یہ کہ بکری ہم نے اپنے ہاتھ سے ذبح کردی اس کو اپنے ہاتھ سے پکایا اس کو انگریز نے اپنے سامنے رکھ کر چھری اور کانٹے سے علیحدہ کاٹا یہاں تک کہ اس کا ہاتھ نہ لگاہے اگر اس کوکوئی شخص غفلت سے کھائے تو کیسا ہے؟