Brailvi Books

ایسے نڈر، بے خوف اور تقوٰی سے عاری لوگ جو کافروں غیر مسلموں کے لئے خبیث ترین اور نجس وحرام چیزیں پکانے کھلانے کا پیشہ اختیارکرتے ہیں۔ ایسے لوگوں کے ہاں سے دینداروں اور تقوٰی دار لوگوں کو کھاناہر گز نہیں کھانا چاہئے کیونکہ جہاں حرام چیزوں کا استعمال کثرت سے ہو وہاں برتنوں کے ناپاک اشیاء سے آلودہ ہونے کااحتمال ہوتاہے۔ اور دیندار وتقوٰی دار لوگوں کا ایسے لوگوں کے ہاں جانا اور ان کے ہاں سے ایسے مشکوک برتنوں میں کھانا، کھانا عوام الناس کی نگاہوں میں باعث الزام و باعث تہمت ہوسکتاہے۔ حدیث شریف میں ہے : ''جوکوئی اللہ تعالٰی اور قیامت پر ایمان رکھتاہے تو وہ مقامات تہمت سے بچے'' لہذا ایسی صورت حال میں الزام، طعن اور تہمت سے بچنا ضروری ہے بصورت دیگر یہ اقدام اپنے دینی بھائیوں کو کبیرہ گناہوں غیبت، بہتان، کینہ اور برے القاب کے استعمال میں مبتلا کردے گا۔ حدیث مبارک ہے۔ لوگو! جن کاموں کو کان ناپسند کرتے ہیں ان سے بچو اور ایسے کاموں سے پرہیز کرو جن کے ارتکاب پر معذرت کرنی پڑے۔ اور بغیرشرعی مجبوری کے مسلمانوں کو متنفر کرنا ممنوع ہے۔ چنانچہ حضور صلی اللہ تعالٰی علیہ وسلم نے ارشاد فرمایا: مسلمانوں کو خوشخبری دو یعنی سناؤ اور نفرت نہ دلاؤ۔ شریعت کا مقصد جوڑنا اتحاد پیدا کرنا ہے نہ کہ توڑنا۔ عقل سلیم کا تقاضا۔بھی یہی ہے کہ لوگوں کو بیقراری میں ڈال کرناراض نہ کیا جائے اور کراہت والزام والی جگہ کھڑے ہونے سے پرہیز کیا جائے، حدیث پاک میں ارشاد نبوی ہے اللہ تعالٰی پر ایمان لانے کے بعد عقل کی بنیاد لوگوں سے دوستی اور محبت رکھتاہے ایک اور روایت میں ہے کہ اللہ تعالٰی پر ایمان لانے والے ے بعد عقل مندی ودانشمندی لوگوں سے صلح جوئی میں ہے۔ فقیر (صاحب فتاوٰی) نے اس باب کی حدیثوں کو اپنے رسالہ جمال الاجمال اور اس کی شرح کمال الاکمال میں تفصیلا بیان کردیا ہے۔ خلاصہ یہ کہ عقل ونقل کے اعتبار سے اس طرح کاکام یا اقدام اپنے اندر کئی قسم کی قباحتیں رکھتاہے کہ جن کا انکارنہیں کیا جاسکتا۔ اور ایسے کاموں کا انجام مذموم ہوتاہے جب یہ کام یااقدام فتنہ وفساد اور مسلمانوں کے درمیان تفریق اورپھوٹ پڑنے کی حد تک جاپہنچے تو جرم عظیم بن جاتاہے چنانچہ ارشاد ربانی ہے : فتنہ قتل سے بدتر ہے۔

 (۱؎ مراتی الفلاح مع حاشیۃ الطحطاوی علی مراقی الفلاح     باب ادراک الفریضہ     نورمحمد کارخانہ تجارت کتب کراچی    ص۲۴۹)

(۲؎ مسند امام احمد بن حنبل             بقیہ حدیث ابی الغاویۃ     المکتب الاسلامی بیروت        ۴ /۷۶)

(۳؎ الفردوس بماثور الخطاب         حدیث ۱۷۵۵         درالکتب العلمیہ بیروت        ۱ /۴۳۱)

(۴؎ صحیح البخاری         کتاب العلم باب ماکان النبی یخولیم بالموعظہ الخ     قدیمی کتب خانہ کراچی        ۱ /۱۶)

(مسند امام احمد بن حنبل     حدیث ابی موسٰی رضی اللہ تعالٰی عنہ        المکتب الاسلامی بیروت        ۴/ ۳۹۹)

 (۱؎ کنزا العمال     بحوالہ الشیرازہی فی الالقاب     حدیث ۴۳۵۸۱     مؤسسۃ الرسالۃ بیروت         ۱۵ /۹۱۶)

(۲؎ المصنف لابن ابی شیبہ     کتا ب الادب حدیث ۵۴۸۰     اداراۃ القرآن کراچی        ۸ /۳۶۱)

(۳؎ القرآن الکریم      ۲ /۱۹۱)

و درحد یث است الفتنۃ نائمۃ لعن اﷲ من ایقظھا ۴؎ باز چوں نیک، بنگری آزمودن وانما ست کہ دریں اعصار وامثال ایں کار نخیز مگرازدست کسانیکہ چنداں پرائے دین ندارند وبے باک زیستن وآزاد گزراند راحاصل زندگانی انگارندلیت ولعل چیزے دیگر ست ووقع وفعل دیگر اگر انصاف کنی واقع چنیں ست کہ درلم و تسلیم فرازمباش بہمیں تقریر نفیس بحمداللہ تعالٰی منکشف شد حکم طعام بانصارٰی خوردن وامثال ذٰلک ازکار ہائے اہل زیغ وفتن نسأل اﷲ السلامۃ والعز والکرامۃ باز مقرر فقہ است کہ منسب امامت نشاید داد ہمچوں کسے راکہ مردماں را از ونفرتے باشد وکار بتقلیل جماعت کشد اگرچہ دریں باب گناہے از ذات آن کس نباشد چوں ولد الزنا واجذام وابرص وغیرھم ایں نکتہ ہم بنظر داشتی است و آنکہ گفت در پختن خوک ومردار باکے نیست پر غلط گفت بلے بے ضرورت شرعیہ تلوث بنجاسات ممنوع ست خاصہ بھمچوکارے کہ حاملش قصد اصلاح ماافسدہ اللہ باشد وپختن بہر خوارندن کفار قطعا ناجائز وحرام ماحرم اخذہ حرام اعطاؤہ ۱؎ وقال اﷲ تعالٰی

ولاتعاونوا علی الاثم والعدوان ۲؎،

واﷲ سبحانہ وتعالٰی اعلم۔

اور حدیث شریف میں ہے کہ فتنہ خوابیدہ (یعنی سویا ہوا ہوتاہے) جوکوئی اسے بیدار کرے اس پر اللہ تعلٰی کی لعنت ہو۔ اگر آپ اچھی طرح غور کریں تو یہ واضح ہوگا کہ اس قسم کے افعال انہی لوگوں سے سرزد ہوتے ہیں جو دین اور تقاضائے دین کو چنداں اہمیت نہیں دیتے۔ بے خوف ہوکر بالکل آزادانہ لاپروائی والی زندگی گزارنا زندگی کا حاصل سمجھتے ہیں۔ ٹال مٹول اور لیت ولعل سے کام لینا الگ چیز ہے۔ اور کام کہ گزرنا الگ اور جدا گانہ چیز، اگر تم انصاف سے کام لوتو درحقیقت بات یہی درست اورصحیح ہے۔ گو لِمَ اور لانسلم کہہ کر اس سے صفر نظر کیا جائے (میں نہیں مانتا اور کیوں کیسے کا تو کوئی علاج نہیں مترجم) پس اس نفیس اور عمدۃ تقریر سے بحمداللہ تعالٰی ظاہر ہوگیا ہے کہ عیسائیوں کے ساتھ مل کر کھانا پینا اور اس قسم کے دوسرے کام کرنا کج فطرت اور فتنہ بازلوگوں کا شعار ہوتاہے (مخلص اہل ایمان نہ ایسا کرتے ہیں اورنہ انھیں ایسا کرنا زیب دیتاہے۔) نیز فقہ میں یہ اصول مسلمہ ہے اور طے شدہ ہے کہ عہدہ امامت ان لوگوں کو نہیں دینا چاہئے جن سے لوگ نفرت کرتے ہوں اور بوجہ نفرت جماعت سے نماز پڑھنا چھوڑدیں اگر چہ عہدہ امات پر فائز ہونے والا بے قصور وبے گناہ ہو جیسے حرامزادہ۔ کوڑ والا، مرض برص والا۔ اسی طرح دیگر امراض کا شکار آدمی، لہذا یہ نکتہ پیش نظر رکھنا ضروری ہے اور جس کسی نے یہ کہا کہ سور اور مردار کا گوشت پکانے اور غیر مسلموں کو کھلانے سے کوئی فرق نہیں پڑتا یا کچھ مضائقہ نہیں اور خطرہ نہیں وہ شخص مذکور غلط بات کہنے کامرتکب ہوا بغیر علم وتحقیق کے اس قسم کا فیصلہ صادرکردینا ہر گز مناسب نہیں بغیر شرعی مجبوری کے گندگیوں سے آلودہ ہونا سخت ممنوع اور ناجائز ہے بالخصوس ایسے کاموں سے پرہیز کرنا بہت ضروری ہے جن کا حاصل ان کاموں کی اصلاح کرنے کاارادہ کرناہے جنھیں اللہ تعالٰی نے بگاڑ دیا ہے۔ اور کافروں کو کھانا کھلانے کے لئے مسلمانوں کا اپنے ہاتھوں ناجائز وحرام چیزوں کو پکانا یقینا ناجائزاور حرام ہے۔ اور یہ قاعدہ واصول ہے کہ جس چیز کا لینا حرام اس کا دینا بھی حرام ہے۔ اور اللہ تعالٰی نے ارشاد فرمایا: (لوگو!) گناہ ااور زیادتی والے کاموں میں ایک دوسرے کی مدد نہ کیا کرو۔ اور اللہ تعالٰی پاک، برترا ور سب کچھ جاننے والاہے۔ (ت)

(۴؎ کشف االخفاء     حرف الفاء     حدیث ۱۸۱۵         دارالکتب العلمیہ بیروت        ۲ /۷۷)

 (۱؎ الاشباہ والنظائر        الفن الاول القاعدۃ الرابعۃ عشر     ایچ ایم سعید کمپنی کراچی    ۱ /۱۸۹)

(۲؎ القرآن الکریم    ۵ /۲)