Brailvi Books

فتاویٰ رضویہ جلد نمبر۲۰(کتاب الغصب، کتاب الشفعہ، کتاب القسمہ، کتاب المزارعہ، کتاب الصید و الذبائح، کتاب الاضحیہ)

5 - 126

مسئلہ ۷ : ۳ شوال ۱۳۱۰ھ

علمائے دین ومفتیان شرع متین کیا فرماتے ہیں اس صورت میں کہ ملوخاں نے ایک قلعہ حویلی معہ اراضی جس کے شمال میں ملحق حویلی محمد خاں، جنوب میں ملحق رفیع الدین کی ہے۔ کلن خاں اور علی حسن خان شخص غیر کے ہاتھ بیع کردی، اور اس کی خبر پاکر محمد خان ورفیع الدین ہمسایہ بائع مستدعی شفعہ ہوئے، چنانچہ کلن خاں وعلی حسن خان مشتری حال نے حسب دعوٰی شفعہ محمد خاں کے نام بیعنامہ لکھ دیا، رفیع الدین نے نالش شفعہ کی ہے۔ پس رفیع الدین مدعی بذریعہ شفعہ بمقابلہ محمد خاں مشتری شفعہ کے کامیابی شرعا حاصل ہوسکتاہے ،یادونوں شفیعوں کو قطعہ مشفوعہ تقسیم ہوسکتاہے تو کس مقدار سے یعنی مساوی یا کم وبیش ؟ بینو ا توجروا

الجواب: صورت مستفسرہ میں رفیع الدین کل مکان مشفوع بذریعہ شفعہ محمدخاں سے پائے گا کہ محمد خاں کا اس کو مشتری اول سے خریدنا اس کے ملک کو تسلیم کرنا ہے اور اس کی ملک تسلیم کرنا بیع اول کے تسلیم شفعہ سے اعراض ، اورشفعہ سے اعراض حق شفعہ کا مسقط، تو محمد خاں اس مکان کا شفیع نہ رہا اور رفیع الدین کا استحقاق باقی، لہذا وہ کل مکان محمدخان سے لے سکتاہے۔

فتاوٰی عالمگیری میں ہے :

لوکان الشفیع الحاضر اشتری الدار من المشتری ثم حضر الغائب فان شاء اخذ کل الدار بالبیع الاول، وان شاء اخذ کلہا بالبیع الثانی ۱؎

ایک حاضر شفیع نے مشتری سے مکان خریدلیا، پھر دوسرا شفیع جو غائب تھا حاضر ہوگیا تو اس کو اختیار ہے چاہے تو پورا مکان پہلے سودے پر اورچاہےدوسرے سودے پر پور امکان شفعہ کے ذریعہ حاصل کرلے۔ (ت)

حاضر شفیع نے اپنا حق شفعہ خریداری کی وجہ سے باطل کرلیاکیونکہ خریدنا شفعہ سے اعراض کی دلیل ہے۔ واللہ سبحانہ وتعالٰی اعلم وعلمہ جل مجدہ اتم واحکم۔ (ت)

مسئلہ ۸ تا ۱۲: کیا فرماتے ہیں علمائے دین ان مسائل میں: بینوا توجروا (۱) بعد علم بیع قبل قبضہ کرنے مشتری کے شیئ مبیع پر دعوٰی شفعہ ہوسکتاہے یانہیں؟ (۲) ایک شخص کے احاطہ واحد ہ میں چند منازل ہیں جن کا دروازہ ایک ہی ہے اور حدودا ربعہ اس کی ایک ہی ہیں، اس احاطہ کے ایک طرف زید کا مکان ملحق ہے۔ اب یہ کل مکان بیع کیاجائے، تو آیا اس صورت میں زید اس قطعہ کو بذریعہ شفعہ لے سکتاہے، جو اس کے مکان سے متصل ہے یا کل مکان کو۔ (۳) جس محلہ میں رواج شفعہ نہ ہو وہاں شرعا دعوٰی شفعہ ہوسکتاہے یا نہیں؟ (۴) اگر قبل بیع ہمسایہ خریداری سے انکار کرے۔ پھر بعد بیع دعوٰی شفعہ کرے تو مسموع ہوگا یا نہیں؟ (۵) اگر شفیع مشتری کی طرف سے وکیل خریدنے کا ہو تو اس کا شفعہ قائم رہے گایا نہیں؟

ثم یشہد علی البائع لو العقار فی یدہ اوعلی المشتری وان لم یکن ذاید ۱؎ باختصار، واﷲ سبحٰنہ وتعالٰی اعلم وعلمہ جل مجدہ اتم واحکم۔

اگر زمین بائع کے قبضہ میں ہو تو وہاں گواہی قائم کرے یا مشتری کے پاس گواہ بنائے اگر چہ زمین اس کے قبضہ میں نہ ہو باختصار، واللہ سبحانہ وتعالٰی اعلم وعلمہ جل مجدہ اتم واحکم۔ (ت)

اورواحد کے کسی ٹکڑے سے جسے اتصال ہو وہ کل دار کا شفیع ہے،حتی کہ اگر ایک شخص صرف ایک جانب بقد ایک بالشت کے اتصال رکھتاہو اور دوسرا تینوں جانب بروجہ کمال تو دونوں شفعہ میں برابر ہیں۔

یہاں تک کہ اگر دارواحد اپنے جمیع منازل کے ساتھ شخص واحد کے ہاتھ بیچے، اور شفیع چاہےکہ بذریعہ شفعہ ان میں سے صرف وہ منزل لے جس سے اس کا مکان متصل ہے۔ تو ہر گز اجازت نہ دیں گے، اگرچہ بیچنے والے جدا جدا ہوں بلکہ کل لے یا کل ترک کرے۔

ان اراد الشفیع ان یاخذ بعض المشترٰی دون البعض وان یاخذ الجانب الذی یلی الدرار دون الباقی لیس لہ ذٰلک بلا خلاف بین اصحابنا ، ولکن یاخذ الکل اویدع، لانہ لواخذ البعض دون البعض تفرقت الصفقہ علی المشتری سواء اشتری واحد من واحد او واحد من اثنین اواکثر حتی لوارادالشفیع ان یاخذ نصیب احدالبائعین لیس لہ ذٰلک الخ ۱؎ ۔ واﷲ تعالٰی اعلم۔

ایک غیر ممتاز مبیع میں سے شفیع بعض حصہ کو لینا چاہے اور کچھ چھوڑنا چاہے اور اپنے دار سے متصل حصہ کو شفعہ میں لینا اور باقی کو چھوڑنا چاہے تو اس کو یہ اختیار نہیں، اس میں ہمارے اصحاب کا کوئی اختلاف نہیں، لیکن وہ سب کو لے یا سب کوچھوڑے کیونکہ اگر بعض کو لے اور بعض کو نہ لے تو اس سے مشتری پر سودا متفرق ہوجائے گا خواہ ایک مشتری نے ایک بائع متفرق ہوجائے گا خواہ ایک مشتری نے ایک بائع سے ایک نے متعدد حصہ داروں سے خریدا ہو حتی کہ اگر دو فروخت کرنے والوں میں سے ایک کے حصہ کولینا چاہے تو شفیع کویہ اختیار نہیں ہے الخ، واللہ تعالٰی اعلم۔ (ت)

(۳) بیشک ہوسکتاہے اگر چہ شہر بھر میں رواج نہ ہو کہ شفعہ حکم شرعی ہے۔ رواج وغیرہ پر مبنی نہیں وہذا ظاہر جدا (یہ بالکل ظاہر ہے۔ ت) واللہ اعلم۔ (۴) ضرور مسموع ہوگا، حق شفعہ بعد بیع ثابت ہوتاہے۔ تو قبل از انکار کوئی چیز نہیں۔