Brailvi Books

(۱؎ العقود الدریہ     بحوالہ فتاوٰی غزی     کتاب الدعوٰی     ارگ بازار قندھار افغانستان    ۲ /۴)

وجیز کردری میں ہے :

علیہ الفتوی قطعا للاطماع الفاسدۃ ۲؎

 (اس پر فتوٰی فاسد طمع کو ختم کرنے کےلئے ہے۔ت)

(۲؎ فتاوٰی بزازیہ علی ہامش الفتاوٰی الہندیہ     کتاب النکاح     الفصل التاسع        نورانی کتب خانہ پشاور    ۴ /۱۲۶)

ردالمحتار میں ہے :

مجرد السکوت عند الاطلاع علی التصرف مانع من الدعوی، قولہ زرعا وبناء المراد بہ کل تصرف لایطلق الاللمالک فھما من قبیل التمثل، قولہ لاتسمع دعواہ ای دعوی الاجنبی ولو جارا ۳؎۔

تصرفات مذکورہ پر اطلاع کے باوجود خاموشی دعوی کےلئے مانع ہے، ماتن کا قول''زراعت وتعمیر'' سے مراد تمام ایسے تصرفات جوصرف مالک کےلئے جائز ہیں یہ دونوں بطور تمثیل ذکر کئے، اس کا قول اس کا دعوٰی نہ سنا جائے گا یعنی ہر اجنبی کا خواہ پڑوسی ہو۔(ت)

(۳؎ ردالمحتار    مسائل شتی    داراحیاء التراث العربی بیروت    ۵/۴۷۴)

عقود الدریہ میں ہے:

مجرد الاطلاع علی التصرف مانع من الدعوی، ولم یقیدوہ بمدۃ ولابموت، ولیس مبنیا علی المنع السلطانی بل ھو حکم اجتہادی نص علیہ الفقہاء ۴؎،ملتقطا، واﷲ تعالٰی اعلم۔

تصرفات پر اطلاع ہی دعوٰی سے مانع ہے کسی مدت یا موت کی قید کے بغیر یہ بات فقہاء نے ذکر ہے، یہ حکم سرکاری پابندی کی بناء پر نہیں ہے بلکہ یہ اجتہادی حکم ہے جس کو فقہاء نے بالاتفاق بیان کیا ہے ملتقطا، واﷲ تعالٰی اعلم۔(ت)

 (۴؎ العقود الدریہ فی تنقیح الفتاوی الحامدیہ     کتاب الدعوی    ارگ بازار قندھار افغانستان    ۲ /۴)

مسئلہ۱۱۲: ازانجمن نعمانیہ لاہور۱۳/ذی الحجہ ۱۳۳۲ھ

امیر یا امام یا صدر قوم کو شرعاً مسلمانوں کا مشورہ لین کے بعد کثرت رائے کا اتباع لازمی ہے یا اس کو اختیار ہوگا کہ وہ اپنی رائے پر عمل کرے خواہ وہ رائے کثرت رائے کے خلاف ہی ہو مثلاً انجمن یا مجلس کی صورت میں اس کے متعلقہ کاموں کے لئے ماتحت مجلسین ہر فن کے ماہرین کی بنادی گئی ہوں اور کل اس عام مجلس کا ایک صدر یا امام یا امیر بھی منظور کرلیا گیا ہو تو خاص فن کی مجلس کے فیصلہ کے خلاف صدر مجلس مذکور کو ان کی رائے حاصل کرلینے کے بعد یہ اختیار ہوگا کہ ان کے فیصلہ کے خلاف حکم دے دے اور وہ قابل اتباع ہویا نہیں، یعنی زید جو اس دعوی کا حامی ہے کہ صدر کو کثرت رائے کا اتباع لازمی نہیں وہ اپنے دعوٰی کے ثبوت میں فخر کائنات حضور علیہ الصلوٰۃ والسلام کی مثاہل پیش کرتا ہے کہ بعض اوقات صحابہ علیہم الرضوان سے مشورہ لینے کے بعد بھی اپنی ذاتی رائے پر عمل کیا اور کلام قدیم میں بھی انہیں الفاظ میں حکم آیا کہ :

وشاورھم فی الامر فاذاعزمت فتوکل علی اﷲ۱؎۔

اور کاموں میں ان سے مشورہ ار جو کسی بات کا ارادہ پکاکرلو تو اﷲ پر بھروسہ کرو۔(ت)

 (۱؎ القرآن الکریم     ۳ /۱۵۹)

یعنی اپنی عزیمت پر عمل کرنے کا اختیار دے دیا زید یہ بھی کہتا ہےکہ آج کل مجلسوں میں کثرت رائے کا اتباع ایک زمانہ حال کے غیر مذاہب کے رویہ کا اتباع ہے جو درحقیقت مضر ہوتاہے مثلاً کثرت رائے آج کل کے ایسے مسلمان کی جو مذہبی اتباع میں نہایت کمزور ہوتے ہیں کسی شرع معاملہ میں بوجہ آرام طلبی و مصلحت زمانہ کے خلاف ہوجائے تو کیا ا س شرعی مسئلہ کے خلاف کرنا جائز ہوجائے گا، عمرو بکر وغیرہ زید کے مقابل میں یہ استدلال کرتے ہیں کہ یہ خاصہ حضور صلی اﷲ تعالٰی علیہ وسلم کےلئے تھا بعد میں امت مرحومہ کو اتباع سواد اعظم کا حکم دیاگیا اور

من شذ شذفی النار۲؎

 (جو جماعت سے علیحدہ رہا وہ جہنم میں علیحدہ کیا گیا۔ت) کا وعید سنایا گیا اور

لاتجتمع امتی علی الضلالۃ۳؎

 (میری امت گمراہی پر جمع نہیں ہوگی۔ت)کہ کسوٹی دی گئی اجماع ادلہ شرعی میں قرار پایا جس پر اہل سنت وجماع کے مذاہب اربعہ کی بنیاد ہے،

 (۲؎ المستدرک للحاکم    کتاب العلم     دارالفکربیروت    ۱ /۱۱۵)

(۳؎المستدرک للحاکم    کتاب العلم     دارالفکربیروت    ۱ /۱۵۔۱۱۴)

(الدرالمنتشرۃ فی الاحادیث المشتہرۃ     حدیث۴۵۹     المکتبۃ الاسلامی بیروت    ص۱۹۰)

نیز زید کے جواب میں یہ کہتے ہیں کہ ہر ایک امر کے متعلق اس کے اہل فن کی مجلسیں مقرر کردی گئی ہوں تو ان کا فیصلہ کیوں اجماع کا حکم نہ رکھے گا اور اس کے خلاف صدر کوعمل کرنے کا کیوں اختیار ہونا چاہئے کیونکہ صدر آخر ایک شخص ہے اس کو ایک مجلس کے متفقہ فیصلہ توڑدینے کا اختیار دینا خالی اذخطر نہیں ہوسکے گا اس کے مفسدہ اور مصلحت پر بھی نظر رہناچاہئے، براہ کرم ان کے جواب سے بادلہ شرعی بہت جلد مطلع فرمادیں۔

                المستفتی              							   المستفتی

سلیم اﷲ خاں جنزل سیکرٹری انجمن نعمانیہ لاہور		    تاج الدین احمد سیکرٹری انجمن نعمانیہ لاہور 

                 المستفتی 

نور بخش فنا نشل سیکرٹری انجمن نعمانیہ لاہور