Brailvi Books

لایجوز للشاھدان یشھد بشیئ لم یعاینہ الاالنسب والموت والنکاح والدخول و ولایۃ القاضی، وھذااستحسان والقیاس ان لاتجوز لان الشہادۃ مشتقۃ من المشاہدۃ وذٰلک بالمعاینۃ ولم یحصل فصار کالبیع، وجہ الاستحسان ان ھذہ الامور تختص بمعاینۃ اسبابھا خواص من الناس ویتعلق بھا احکام تبقی علی انقضاء القرون فلو لم یقبل فیہا الشہادۃ بالتسامع ادی الی الحرج وتعطیل الاحکام بخلاف البیع لانہ یسمعہ کل واحد۱؎۔

گواہوں کو جائز نہیں کہ بغیر دیکھے کوئی گواہی دیں ماسوائے نسب، موت، نکاح، دخول یعنی جماع اور قاضی کی ولایت کے، یہ استحسان ہے جبکہ قیاس یہ ہے کہ ان امور میں بھی جائز نہ ہو کیونکہ لفظ شہادت مشاہدہ سے مشتق ہے اور یہ معاینہ سے ہی ہوسکتا ہے جبکہ یہاں معاینہ نہیں ہے لہذا یہ امور بھی دیگر معاملات بیع وغیرہ کی طرح ہوتے ہیں، لیکن استحسان اس لئے کہ یہ امور اپنے اسباب کے معاینہ سے مختص ہوتے ہیں جن کا معاینہ خاص لوگ کرتے ہیں انہی اسباب کی بناء پر ان امور کے احکام زمانہ بھر باقی رہتے ہیں تو اگران میں سننے سنانے پر شہادت قبول نہ کی جائے تو حرج اور احکام کی تعطیل تک معاملہ پہنچ جائے بخلاف بیع وغیرہ امو رکہ ان کو ہر ایک سنتا ہے۔(ت)

(۱؎ الہدایۃ     کتاب الشہادات    مطبع یوسفی لکھنؤ    ۳ /۱۵۸)

بزازیہ میں کہ دربارہ مہر شہادت سماعی کی اجازت دی اس کے معنی یہ ہیں کہ مقدار مہر پر حاضران جلسہ نکاح سے جماعت عظیم یا ثقہ عادل دو مردوں یا ایک مرد دو عورتوں کے بیان سن کر گواہی دینی جائز ہے کہ جب نکاح پر شہادت بالتسامع  رواہوئی تو مہر بھی اس کا تابع ہے نہ یہ کہ سنی سنائی معافی مہر پر شہادت جائز ہو، علما نے مہر کو گنا ہے نہ کہ معافی مہر کو، اور ان دونوں میں فرق بدیہی ہے،

 درمختار میں ہے :

لایشھد احدبما لم یعاینہ بالاجماع الافی عشرۃ منھا العتق والولاء عند الثانی والمھر علی الاصح بزازیۃ ۲؎الخ۔

کوئی بھی بغیر معاینہ شہادت نہ دے گا بالاجماع، مگر صرف دس چیزوں میں جن میں عتق، ولاء اور امام ابویوسف رحمہ اﷲتعالٰی کے ہاں مہر بھی اصح قول کے مطابق شامل ہے، بزازیہ الخ۔(ت)

 (۲؎ درمختار   کتاب الشہادات   مطبع مجتبائی دہلی     ۲/ ۹۲)

طحطاوی میں ہے:

لان المھر تبع للنکاح ذکرہ عبدالبر۳؎۔

کیونکہ مہر نکاح کے تابع ہے، اس کوا مام عبدالبر نے ذکر کیا ہے۔(ت)

(۳؎ حاشیۃ الطحطاوی علی الدرالمختار    کتاب الشہادات    دارالمعرفہ بیروت    ۳/ ۲۳۶)

قرۃ العیون میں ہے:

لانہ من توابع النکاح فکان کاصلہ۴؎۔

کیونکہ یہ نکاح کے توابع میں سے ہے لہذا اس کا وہی حکم ہے جو اصل کا ہے۔(ت)

(۴؎ قرۃ عیون الاخیار    کتاب الشہادات  مصطفی البابی مصر    ۱/ ۶۹)

جامع الفصولین میں ہے:

الشہادۃ بالسماع من الخارجین من بین جماعۃ حاضرین فی البیت عند النکاح بان المہر کذا تقبل لاممن سمع من غیرھم۱؎(بالمعنی)۔

نکاح والے کمرے سے نکلنے والے لوگوں سے سن کر ہی یہ شہادت جائز ومقبول ہے کہ مہر اتنا ہے دوسرے لوگوں سے سن کر یہ شہادت جائز نہیں، (بالمعنی)(ت)

 (۱؎ جامع الفصولین     الفصل الثانی عشر    اسلامی کتب خانہ کراچی     ۱ /۱۷۲)

بفرض باطل اگر یہاں شہادت بالسماع جائز بھی ہوتی تو جبکہ شاہدوں نے اپنی شہادت میں سماع ہونے کی تصریح کردی قابل قبول نہ رہی،

ہدایہ میں ہے :

وینبغی ان یطلق اداء الشہادۃ ولایفسر، امااذا فسر للقاضی انہ یشھد بالتسامع لم تقبل شہادتہ کماان معاینۃ الید فی الاملاک مطلق للشہادۃ،ثم اذا فسر لاتقبل کذاھذا۔۲؎

مناسب ہے کہ گواہ شہادت کو مطلق رکھیں اور تفسیر نہ کریں اور اگر قاضی کے ہاں تفسیر کردی کہ میں سن کر شہادت دے رہاہوں تو یہ شہادت مقبول نہ ہوگی جیسا کہ قبضہ کا بیان املاک میں مطلق ہے پھر اگر کوئی اس کو بیان کردے کہ صرف قبضہ معلوم ہے ملکیت معلوم نہیں تو ملکیت میں یہ شہادت قبول نہ ہوگی، اسی طرح یہاں ہے۔(ت)

(۲؎ الہدایۃ        کتاب الشہادات    مطبع یوسفی لکھنؤ      ۳ /۱۵۸)

درمختار میں ہے :

وان فسرالشاھد للقاضی ان شہادتہ بالتسامع او بمعاینۃ الید ردت علی الصحیح الا فی الوقف والموت۳؎۔

     اگر قاضی کے ہاں گواہ نے تفسیر کردی میری شہادت سماع یا قبضہ پر مبنی ہے تو رد کردی جائے گی صحیح قول پر، ماسوائے موت اور وقف کے۔(ت)

(۳؎ درمختار       کتاب الشہادات     مطبع مجتبائی دہلی     ۲/ ۹۲و۹۳)

ان دونوں شہادتوں کی حقیقت تو اس قدر ہے مگر شاہدین نے یہ چاہا کہ اپنی سماعی گواہی کو شہادۃ علی الشہادۃ کے دائرہ میں لے آئیں اور غالباً اسی لئے بیان اصول میں یہ لفظ ذکر کئے کہ تم لوگ گواہ رہنا تاکہ شرط تحمیل کریں لیکن ان سے بہت باتیں رہ گئیں جن کے سبب یہ مقصد بھی پورا نہ ہوا اور شہادت بدستور نا کارہ رہی،

اولاًاصول یعنی برادران زن شو کا بیان شہادت نہیں، حکایت ہے کہ ان کے بیانوں میں ''گواہی دیتا ہوں'' کالفظ نہیں تو یہ شہادت علی الحکایۃ ہوئی جس کا حاصل وہی شہادت بالتسامع ہے نہ کہ شہادۃ علی الشہادۃ۔ 

درمختار میں ہے :

کیفیتہا ان یقول الاصل مخاطبا للفرع اشھد علی شہادتی انی اشھد بکذا۱؎۔

اس کی کیفیت یہ ہے کہ اصل گواہ فرع کو خطاب کرتے ہوئے کہے کہ میں یہ گواہی دیتا ہوں تومیری اس گواہی پر گواہ بن جا۔(ت)

(۱؎ درمختار    کتاب الشہادات    باب الشہادۃ علی الشہادۃ    مطبع مجتبائی دہلی     ۲ /۱۰۰)

ردالمحتار میں ہے:

قولہ انی اشھد بکذا قید بقولہ اشھد لانہ بدونہ لایسعہ ان یشھد علی شہادتہ۲؎۔

     اس کا قول''انی اشھد بکذا''یہ س کے قول ''اشھد''کے لئے قید ہے کیونکہ اس قید کے بغیروہ اپنی گواہی پر گواہ نہیں بناسکتا۔(ت)

 (۲؎ ردالمحتار     کتاب الشہادات    باب الشہادۃ علی الشہادۃ    داراحیاء التراث العربی بیروت    ۴ /۳۹۳)

ہدایہ وطحطاوی میں ہے :

لابد ان یشھد عندہ کما یشھد عند القاضی لینقلہ الی مجلس القاضی وھو بالشین الثالثۃ۳؎۔

اصل کےلئے ضروری ہے کہ فرع کے سامنے اس طرح شہادت دے جس طرح قاضی کےہاں شہادت دیتا تاکہ فرع اسی کو مجلس قضاء میں نقل کرسکے اس طرح کے تیسرے شین یعنی اصل کی شہادت کو دہرائے(ت)

 (۳؎ حاشیۃ الطحطاوی علی الدرالمختار   کتاب الشہادات    باب الشہادۃ علی الشہادۃ   دارالمعرفۃ بیروت    ۳ /۲۵۹)