Brailvi Books

 (۱؎ الہدایہ    کتاب القسمۃ     باب دعوی الغلط    مطبع یوسفی لکھنؤ    ۴ /۴۱۹)

ثانیاً ظاہر ہےکہ نظام النساء کا حق وجیہ الدین وکریم الدین دونوں کے ترکہ میں بروجہ شیوع تھا تو الٰہی بیگم کہ بوجہ شراء اس کے ورثہ کے قائم مقام ہوئی دونوں حصص میں استحقاق شائع رکھتی ہے اور ایسا استحقاق بالاجماع باعث انتقاض تقسیم ہوتا ہے،

 عالمگیری میں ہے :

ان استحق جزء شائع من النصیبین انتقضت القسمۃ۲؎۔

اگر دو حصوں کا استحقاق شائع جز یعنی ناقابل انقسام ہوتو وہ تقسیم ختم ہوجائے گی(ت)

(۲؎ فتاوٰی ہندیۃ     الباب العاشرفی القسمۃ یستحق الخ     نورانی کتب خانہ پشاور    ۵ /۲۲۵)

پس ظاہر ہوا کہ یہ پٹیاں محض نامعتبر ہیں اور ترکہ میں وراثۃً خواہ شراء جتنے حقدار ہیں سب کا حق بدستور مجموع ۱۰بسوہ میں شائع یہاں تک کہ جو ذرہ زمین لیجئے اس میں سب کا استحقاق حصہ رسد میں ہے

فان ھذا ھو معنی الشیوع کما نصواعلیہ قاطبۃ

(کیونکہ شیوع کا معنی یہی ہے جیساکہ فقہاء نے اس پر نص کی ہے۔ت) 

تفصیل حصص: وجیہ الدین جس کا ترکہ صورت مذکورہ میں ۹۶سے منقسم ہوکریوں بٹا:

نجم النساء: ۲۴،نظام النساء: ۶۷، کنیزشیریں: ۵

کما یظہر بالتخریج

 (جیسا کہ مسئلہ کی تخریج سے ظاہر ہے) اس کے پانچ بسوہ کی تقسیم یہ ہوئی :

نجم النساء: ا بسوہ ۵بسوانسی،نظام النساء : ۳بسوہ ۹بسوانسی ۱۵-۵/۶کچوانسی، 

کنیز شیریں: ۵بسوانسی ۴-۱/۶کچوانسی۔

اور کریم الدین جس کا ترکہ آٹھ سے تقسیم پاکر یوں پہنچا: بیگم: ۱،کنیز شیریں:۴، نظام النساء: ۳

اس کے پانچ بسوہ یوں منقسم ہوئے :

بیگم:۱۲بسوانسی ۱۰کچوانسی، کنیز شیریں:۲بسوہ ۱۰بسوانسی، نظام النساء:ابسوہ ۷ا بسوانسی ۱۰کچوانسی۔ یہاں سے ظاہر ہے کہ ترکہ وجیہ الدین میں حصہ نظام انساءء ۳بسوہ ۱۰بسوانسی گمان کرنا غلط تھا جس میں اس کے حق شرعی سے ۴-۱/۶ کچوانسی کی زیادتی اور کنیز شیریں کے حق میں اسی قدر کی کمی کی گئی۔ بیع ہر شخص کی اپنی ہی ملک میں نافذ ہوتی ہے اور بیع ملک غیر بے اذن غیر، اجازت پر موقوف رہتی ہے اگر نہ جائز رکھے باطل ہوجائے فتاوٰی امام قاضی خاں میں ہے:

اذاباع الرجل مال الغیر عندنایتوقف البیع علی اجازۃ المالک۱؎۔

جب بغیر اجازت کسی کے مال کو فروخت کیا ہو تو ہمارے نزدیک وہ بیع مالک کی اجازت پر موقوف ہوگی(ت)

 (۱؎ فتاوٰی قاضی خان     کتاب البیع     فصل فی البیع الموقوف     نولکشور لکھنؤ    ۲ /۳۵۱)

اور مجرد سکوت یعنی بیع کی خبر پانا اور خاموش رہنا اجازت نہیں،

عالمگیری میں ہے:

بلغ المالک ان فضولیا باع ملکہ فسکت لایکون اجازۃ۲؎۔

مالک کو اطلاع ملی کہ ایک اجنبی نے اس کی ملکیت فروخت کردی ہے مالک خاموش رہا تو یہ اجازت نہ ہوگی۔(ت)

(۲؎ فتاوٰی ہندیہ     کتاب البیوع     الباب الثانی عشر نورانی کتب خانہ پشاور    ۳ /۱۵۳)

اور بعد موت مالک اس کے ورثہ جائز نہیں کرسکتے، فتاوٰی خانیہ میں ہے:

اذامات المالک لاینفذ باجازۃ الوارث۳؎۔

جب مالک فوت ہوجائے تو اس کے ورثاء کی اجازت سے بیع نافذنہ ہوگی۔

 (۳؎ فتاوٰی قاضیخان     کتب البیع     فصل فی البیع الموقوف     نولکشور لکھنؤ    ۲/ ۳۵۱)

بس نجم النساء وبیگم وکنیز شیریں کی بیعیں اگر نافذ ہوئیں تو صرف انہیں کے حصوں یعنی۱ بسوہ ۵بسو انسی ۱۲نسوانسی ۱۰کچوانسی ۲بسوا۱۰بسوانسی میں ہوئیں۔  

عالمگیری میں ہے :

  عبدبین رجلین غصبہ احدھما من صاحبہ فباعہ بالف درہم ودفعہ الی المشتری جازالبیع فی حصتہ۱؎۔

ایک عبد دو مالکوں کی مشترکہ ملک تھا ان میں سے ایک نے غصب کرکے فروخت کردیا او مشتری سے ہزار درہم لے کر اس کو قبضہ دے دیا تو فروخت کرنیوالے کے اپنے حصہ میں بیع جائز ہوگی(ت)

 (۱؎ فتاوٰی ہندیہ   کتاب الشرکۃ     الباب السادس فی المتفرقات    نورانی کتب خانہ پشاور    ۲ /۳۴۶)

اور بیع نیلام کا غیر نافذ ہونا تو اظہر من الشمس کہ جب نجم النساء اپنا حصہ بدست بیگم زوجہ قربان علی بیچ چکی تھی تواب جائداد میں اس کا کیا باقی تھا جو اس کے قرضہ میں نیلام کیا جاتا بہرحال نفاذ بیع انہیں تین حصوں یعنی مجموع ۱۰بسوہ سے ۴بسوہ ۷ بسوانسی ۱۰کچو انسی تک محدود ہے باقی ۵بسوہ ۱۲بسوانسی ۱۰کچوانسی نفاذبیع سے محفوظ ہیں، دونوں ترکوں میں حصہ نظام النساء کی محفوظی تو ظاہر خواہ بیعیں اس کی حیات میں ہوئیں یا بعد کہ برتقدیر اول اس کے بے اجازت دئے انتقال کرنے اور برتقدیر ثانی اس بیع نے جو مالکوں یعنی محمد عوض وکریم بخش نے بدست الٰہی بیگم کی اگلی سب بیعوں کو جہاں تک ان کے حصوں سے متعلق نہیں باطل کردیا۔