Brailvi Books

علامہ سید احمد حموی غمز عیون البصائر میں علامہ نورالدین علی مقدسی سے بعض فروع مبسوط سرخسی پر اس مسئلہ کا اعتبار اور صحت کا استظہار نقل کرکے فرماتے ہیں :

فلیحفظ فانہ نفیس جدا ۳؎

 (اس کو یادرکھنا چاہئے کیونکہ یہ بہت عمدہ  ہے۔ت)

(۳؎ غمزعیون البصائر    القاعدۃ الاولٰی   ادارۃ القرآن والعلوم الاسلامیہ کراچی    ۱/ ۱۳۹)

خاتم المحققین علامہ ابن عابدین شامی ردالمحتار میں کلام علامہ بیری شارح اشباہ سے اس کی تائید نقل اور حقوق موصی لہ بالخدمہ وقصاص ونکاح ورق کا حقوق شفعہ وقسم زوجہ وخیار مخیرہ فی النکاح سے بدیں وجہ کہ صور اولٰی میں حق اصالۃ ثابت  ہے تو ان سے اعتیاض جائز  بخلاف اخیرہ کے کہ وہاں ثبوت حق صرف بربنائے ضرر  ہے جب صاحب حق اعتیاض پر راضی ہو ا معلوم ہوا مستضررنہ تھا راسا حق باطل ہوا یہ عوض کیسا فرق بیان کرکے فرماتے ہیں:

ولایخفی ان صاحب الوظیفۃ ثبت لہ الحق فیہ بتقریر القاضی علی وجہ الاصالۃ لاعلی رفع الضرر (ینقل الی ماقال) و ان کان الاظہر فیہا ماقلنا ۱؎۔

اورمخفی نہ ر ہے کہ بیشک صاحب وظیفہ کے لئے حق قاضی کی تقریر سے بطور اصل ثابت ہوانہ کہ رفع ضرر کے طورپر (نقل کرتے ہوئے یہاں تک کہا) اگرچہ اس میں زیادہ ظاہر وہی  ہے جوہم نے کہا۔ (ت)

 (۱؎ ردالمختار   کتاب البیوع مطلب فی النزول عن الوظائف   داراحیاء التراث العربی بیروت ۴ /۱۵)

اس تقدیر پر یہ تو وہ شبہہ کو صفقہ واحدہ میں صالح وغیر صالح کو جمع کیا راسا مقلوع اور اگر مذہب آخر اختیار کیجئے تاہم فقیہ پر روشن کہ کم من شیئ یصح ضمنا ولایصح قصدا (بہت سی اشیاء ضمنا صحیح ہوتی  ہے اور قصدا صحیح نہیں ہوتیں۔ ت) آخر مرو ر وشرب و تعلی بھی تو حقوق مجردہ ہیں اگر بہ تبعیات رقبات طریق ونہر وعلو ان کی بیع بالا تفاق جائز، یہاں بھی اسامی بیچنا صرف اس حق مجرد کے بیع نہیں بلکہ اس کے ساتھ اسپ ولباس بھی  ہے کمالایخفی (جیسا کہ پوشیدہ نہیں۔ ت) پھر استقلال و تمحض کہا جو بطلان مقطعوع ہو معہذا اگر ایک مذہب پر بیع اسامی مطلقا باطل ہی مانی جائے، تاہم اس قدر تو یقینی کہ یہ بطلان مختلف فیہ  ہے، پس صرف اتنا ثابت ہوگا کہ زید نے صفقہ واحدہ میں ایک شے صالح البیع بالاتفاق اور شے دوسری مختلف الصلاحیۃ کو ضم کیا اور ایسی صورت میں قائلین بالبطلان کے نزدیک اگر چہ اس مضمون کی بیع باطل، مگر اس کافساد مضمون الیہ تک ساری نہیں ہوتا اس کی بیع بالاتفاق صحیح رہتی  ہے، خلاصہ یہ کہ مانعین کے نزدیک بھی حل وظیفہ مثل اوقاف  ہے نہ کہ مانند حرومیۃ کہ اس کے بطلان سے بیع مکان بھی فاسد ٹھہرے،

  فی الدرالمختار وقید وا سرایۃ الفساد فی باب البیع الفاسد بالفاسد القوی المجمع علیہ فیسری کجمع بین حرو عبد بخلاف الضعیف المختلف فیقتصر علی محلہ ولا یتعداہ کجمع بین عبدو مدبر ۲؎ الخ وفی الشامیۃالفساد غیر قوی لعدم الاتفاق علیہ فلا یسری ۱؎۔

درمختار میں  ہےکہ فقہاء نے بیع فاسد کے باب میں سرایت فساد کو فساد قوی متفق علیہ کے ساتھ مقید کیا تو وہ فاسد تمام عقدمیں سرایت کرےگا جیسے آزاد اور غلام کو عقد واحد میں جمع کرنا بخلاف فساد ضعیف اختلاف کے کہ وہ اپنے محل پر بندرہتا ہے اور اس سےتجاوز نہیں کرتا جیسے غلام اور مدبر کو عقد واحدمیں جمع کرنا الخ اور شامی میں  ہے کہ یہ فساد غیر قوی  ہے کیونکہ اس پراتفاق نہیں لہٰذا یہ سرایت نہیں کریگا (ت)

 (۲؎ الدرالمختار  کتاب الاجارۃ    مطبع مجتبائی دہلی        ۲/ ۱۶۷)

(۱؎ ردالمحتار    کتاب الاجارہ    داراحیاء التراث العربی بیروت    ۵/۵)

اور بالفرض اگر اس سے بھی تنزل کیجئے اگرچہ یہ تنزل کے قابل نہیں لیکن تاہم غایت یہ  ہے کہ اس سے بیع مکان میں فساد لازم آئے گا، نہ بطلان کہ وجہ فساد مسئلہ حرومیۃ میں قبول غیر صالح سے مشروط ہوتا  ہے اور بیع شروط فاسدہ سے سے فاسد ہوجاتی  ہے نہ کہ باطل ،