Brailvi Books

الٰہی ! تیرے ہی لئے حمد ہے ، اے بہت عطافرمانیوالے ! درود و سلام بھیج ان سردار پر جو تیری طرف بہت رجوع فرمانے والے ہیں اور ان کے آل وازواج واصحاب پر میں تجھ سے حق وراستی کی رہنمائی چاہتاہوں جان اﷲ تعالٰی مجھے اور تجھے توفیق دے اور میری او رتیری ہدایت کا والی ہو کہ نوٹ ایک سب سے زیادہ جدید اور نو پیدا چیز ہے تو تالیفات علماء میں اس کااصلاً نام و نشان نہ پائیگا یہانتک کہ علامہ شامی اور ان کےمثل جن کا زمانہ ابھی قریب گزرا لیکن ہمارے اماموں نے ( اﷲ ان کی نیک کوششیں ٹھکانے لگائے اور ان کی عظیم برکتوں کا ہمیں فیض پہنچائے ) اس دین حنیف کا شافی بیان فرمادیا جس میں اصلا پوشیدگی نہیں تو بحمد اﷲ یہ شریعت ایسی روشن چمکتی ہوگئی کہ اس کی رات بھی دن کی طرح ہے تو انہوں نے قواعد مقرر فرمائے اور ہر بات جدا جدا دکھادی اور ایسے کلیے ذکر فرمائے کہ بیشمار جزیوں پر منطبق آئیں تو نئی پیدا ہونے والی باتیں اگر ختم ہونا نہیں مانتیں مگر وہ علم جو ائمہ ہم کو دے گئے ہیں اس سے کوئی باہر رہتی نہیں معلوم ہوتی اور اﷲ نے چاہا تو زمانہ ایسوں سے خالی نہ ہوگا جسے اﷲتعالٰی ان پوشیدہ باتوں کے نکالنے اور ان بخششوں اور فضیلتوں سے نفع اٹھانے پر قدرت دے ہاں فہم بعضے بعید ہوتے ہیں اور بعضے قریب، اور آدمی خطا بھی کرتا ہے اور صواب بھی، اور علم تو اسی نور کا نام ہے جو اﷲ تعالٰی اپنے جس بندے کے چاہے قلب میں القافرماتا ہے تو سوا اس کے کوئی چارہ نہیں کہ اﷲ عزوجل کی توفیق و ہدایت کی طرف التجا کی جائے اور اﷲ ہم کو کافی ہے اور بہت اچھاکام بنانے والا اور اسی پر اور پھر اس کے رسول پر بھروسا ، وہ بزرگی وبلندی و کرم والا، اور ان پر اس کے درود و سلام،

فاقول:  وباﷲ التوفیق وبہ الوصول الی ذری التحقیق اول اسئلتک اصل اسئلتک واذا علمت حقیقۃ ھذا القرطاس اتضحت الاحکام کلہا من دون التباس ، اما اصلہ فمعلوم انہ قطعۃ کاغذ و الکاغذ مال متقوم و مازادتہ ھذہ السکۃ الارغبۃ للناس الیہ وزیادۃ فی صلوح ادخارہ للحاجات وھذا معنی المال ای مایمیل الیہ الطبع ویمکن ادخارہ للحاجۃ کما فی البحر والشامی ۱؎ وغیرہما، و معلوم ان الشرع لم یرد بحجر المسلم عن التصرف فی قطعۃ قرطاس کیفما کانت کما ورد بہ فی الخمر والخنزیر وھذا ھو مناط التقوم کما فی ابن عابدین وفیہ عن التلویح المال مامن شانہ ان یدخر للانتفاع وقت الحاجۃ والتقویم یستلزم المالیۃ۲؎،وفیہ عن البحر عن الحاوی القدسی المال اسم لغیر الاٰدمی خلق لمصالح الاٰدمی وامکن احرازہ والتصرف فیہ علی وجہ الاختیار اھ۱؎

فاقول:  ( تو میں کہتاہوں) اور اﷲ ہی کی طرف سے توفیق ہے اور اسی سے تحقیق کی بلندیوں تک پہنچنا، آپ کا پہلا اسوال آپ کے سب سوالوں کی اصل ہے اور جب اس کاغذ کی حقیقت معلوم ہوجائیگی تو سب احکام واضح ہوجائینگے جن میں کوئی شبہہ نہ رہے گا، اس کی اصل تو معلوم ہے کہ وہ کاغذ کا ایک ٹکڑا ہے اور کاغذ مال متقوم ہے اور اس سکہ نے اسے کچھ زیادہ نہ کیا مگر یہی کہ لوگوں کی رغبتیں اس طرف بڑھ گئیں اور وقت حاجت کےلئے اٹھارکھنے کا زیادہ لائق ہوگیا اور مال کے یہی معنی ہیں یعنی وہ جس کی طرف طبیعت میل کرے اور حاجت کےلئے اٹھارکھنے کے قابل ہو، جیساکہ بحر و شامی وغیرہما میں ہے اور معلوم ہے کہ شرع مطہر نے کبھی مسلمان کو اس سے نہ روکا کہ وہ اپنے پارہ کاغذ میں جس طرح چاہے تصرف کرے جیساکہ شراب و خوک کے بارے میں نہی وارد ہوئی اور مال کے قیمت والے ہونے کا اسی پر مدار ہے جیسا کہ ردالمحتار میں ہے ، اور اسی میں تلویح سے نقل فرمایا مال وہ چیز ہے جس کی شان یہ ہو کہ وقت حاجت اس سے نفع لینے کےلئے اٹھارکھا جائے اور قیمت والا ہونا مال ہونے کو مستلزم ہے ، اسی میں بحوالہ بحرالرائق حاوی قدسی سے ہے، مال آدمی کے سواہر شے کا نام ہے جو آدمی کی مصلحتوں کےلئے پیدا کی گئی اور اس قابل ہو کہ اسے محفوظ رکھیں اور باختیار خو داس میں تصرف کریں،

 (۱؎ و ۲؎ ردالمحتار کتاب البیوع     داراحیاء التراث العربی بیروت    ۴ /۳)

(۱؎ ردالمحتار     کتاب البیوع    داراحیاء التراث العربی بیروت    ۴/ ۳)