Brailvi Books

 (۱؎ صحیح البخاری    کتاب الاستقراض     باب حسن القضاء     قدیمی کتب خانہ کراچی    ۱ /۳۲۲)

(۱؎ صحیح البخاری     کتاب الاستقراض     باب حسن القضاء    قدیمی کتب خانہ کراچی    ۱/ ۳۲۲)

(۲؎ مسند امام احمد بن حنبل     حدیث سوید بن قیس رضی اﷲ عنہ     دارالفکر بیروت    ۴ /۳۵۲)

(جامع الترمذی ابواب البیوع    ۱/ ۱۵۶    والمستدرک کتاب البیوع    ۲ /۳۰)

(۳؎ المعجم الاوسط    حدیث۶۵۹۰    المکتبۃ المعارف الریاض    ۷ /۳۰۷)

مگر محل اس کا وہاں  ہے کہ یا تو وہ زیادت قابل تقسیم نہ ہو مثلاً ساڑھے نوروپے آتے تھے دس پورے دئیے کہ اب بقدر نصف روپے کی زیادتی ہے اور ایک روپیہ دو پارہ کرنے کے لائق نہیں یا قابل تقسیم ہو تو جدا کرکے دے، مثلاً دس آتے تھے وہ دے کر ایک روپیہ احساناً الگ دیا ان صورتوں  میں  وہ زیادتی بکر کے لئے حلال ہوجائے گی، اور اگر قابل تقسیم تھی اور یوں ہی مخلوط و مشاع دی مثلاً دس آتے تھے گیارہ یکمشت دئیے دس آتے میں  اور ایک احساناً تو نہ ہبہ صحیح ہوگا نہ بکر اس زیادت کامالک۔

عالمگیری میں  ہے :

رجل دفع الی رجل تسعۃ دراہم وقال ثلثۃ قضاء من حقک وثلثۃ ہبۃ لک وثلثۃ صدقۃ فضاع الکل یضمن ثلثۃ الہبۃ لانھا ہبۃ فاسدۃ ولایضمن ثلثۃ الصدقۃ لان صدقۃ المشاع جائزۃ الا فی روایۃ کذا فی محیط السرخسی۱؎۔ واﷲتعالٰی اعلم۔

ایک مرد نے دوسرے کو نودرہم دئیے اور کہا تین تیرے حق کی ادائیگی ہیں  تین تیرے لئے ہبہ اور تین صدقہ ہیں ، پھر سب ضائع ہوگئے تو ہبہ کے تین درہموں  کا وہ ضامن ہوگا کیونکہ یہ فاسد ہبہ ہے اور صدقہ کے تین درہموں  کا ضامن نہیں ہوگا کیونکہ صدقہ مشاع جائز ہے سوائے ایک روایت کے، محیط سرخسی میں  یونہی ہے واﷲتعالٰی  اعلم(ت)

 (۱؎ فتاوٰی  ہندیۃ    کتاب الہبۃ     الباب الثانی     نورانی کتب خانہ پشاور     ۴ /۳۷۹)

مسئلہ۱۴۲ تا۱۴۴: ازموضع دیورنیاں : کیافرماتے ہیں  علمائے دین ان مسائل میں :

(۱) سود دینا مسلمان کو درست ہے یانہیں ؟

(۲) ہنود سے سود لینا درست ہے یانہیں ؟

(۳) دستاویز میں  سود تحریر کرانا اگرچہ اس کے لئے نیت نہ ہو جائز ہے یانہیں ؟بینواتوجروا۔

الجواب

(۱) ہر گزدرست نہیں  مگر جب کوئی خاص ضرورت شدیدہ ہو جسے شرع بھی ضرورت مانے اور بغیر سود دئیے چارہ نہ ہو۔ واﷲ تعالٰی  اعلم۔

(۲) ہندو مسلمان کسی سے درست نہیں ۔ واﷲ تعالٰی  اعلم

(۳) نادرست کہ جھوٹی تہمت گناہ اپنے اوپر لگانی ہے۔ واﷲ تعالٰی  اعلم۔

مسئلہ۱۴۵: از شہر کہنہ ۲۹جمادی اولٰی  ۱۳۱۴ھ

ایک موضع کے اسامیان کو کچھ غلہ بغرض تخم ریزی کے دیا گیا اور اس غلہ کا بہ نرخ بازار روپیہ اسامی کے ذمہ قائم کردیا گیا مگر اس وقت میں اسامی سے یہ امر طے نہ کیا گیا کہ کس نرخ سے بحساب فی روپیہ غلہ جو آئندہ پیدا ہوگا وہ اس اسامی سے لیا جائیگا، فصل پر وہ غلہ یعنی ساٹھی سترہ سیر کی فروخت ہوئی اور اب تیرہ سیر کی فروخت ہوتی ہے اور اسامی سے فصل پر بحساب ۲۵سیر فی روپیہ ساٹھی لی گئی، آیا یہ کارروائی جائز ہوئی یا ناجائز؟ اگر ناجائز ہے تو کیا طریقہ برتا جائے اور کس نرخ سے غلہ لیا جائے کہ وہ جائز ہو؟ بینواتوجروا۔

الجواب: اگر اس وقت کوئی ناجائز عقد نہ ہوا تھا، نہ بعد کوکسی جبر وتعدی سے آسامی نے دیا بلکہ بخوشی سترہ سیر کے حساب سے غلہ ان روپوں کا دے دیا تو لینا جائز ہے ورنہ حرام۔ واﷲتعالٰی  اعلم وعلمہ جل مجدہ اتم واحکم۔