Brailvi Books

حدیث(۱۶) سیدنا عبداﷲ بن سلام فرماتے ہیں  :

الربا ثلث وسبعون حوبا ادناھا حوبا کمن اتی امہ فی الاسلام ودرہم من الربا کبضع وثلثین زنیۃ۵؎۔ رواہ عبدالرزاق۔

سود میں  تہتّر گناہ ہیں  سب سے کم ایسا جیسے اسلام میں  اپنی ماں  سے جماع کرنا اور سود کا ایک درہم چند اور تیس زنا کی مانند ہے (اس کو امام  عبدالرزاق نے روایت کیا۔ت)

 (۵؎ المصنف لعبد الرزاق     باب ماجاء فی الربا    حدیث    ۱۵۳۴۴     المکتب الاسلامی بیروت  ۸/ ۳۱۴)

حدیث (۱۷) کعب احبار فرماتے ہیں  :

لان ازنی ثلثا وثلثین زنیۃ احب الی من ان اٰکل درھما ربا یعلم اﷲ انی اکلتہ حین اکلتہ ربا۱؎۔ رواہ الامام احمد عنہ بسند جید۔

بیشک مجھے اپنا تینتیس بار زنا کرنا اس سے زیادہ پسند ہے کہ سود کا ایک درہم کھاؤں  جسے اﷲ عزوجل جانے کہ میں  نے سود کھایا ہے۔ (اس کو امام احمد نے سند جید کے ساتھ روایت کیا ہے۔ت)

 (۱؎ مسند امام احمد بن حنبل   حدیث عبداﷲبن حنظلہ     دارالفکربیروت    ۵/ ۲۲۵)

والعیاذ باﷲ تعالٰی ، اﷲ تعالٰی  مسلمانوں  کو ہدایت بخشے آمین۔ واﷲ تعالٰی  اعلم۔