Brailvi Books

تیسراحیلہ یہ فرمایا کہ وہ متاع بھی قرض دینے والے کی ہو قرض لینے والے کے پاس کوئی متاع بھی نہیں اور دینے والا چاہتا ہے کہ دس روپے قرض دے اور کسی میعاد پر تیرہ روپے اس سے وصول کرے تو قرض دینے والا لینے والے کے ہاتھ کوئی متاع تیرہ روپے کو بیچے اور متاع اس کے قبضہ میں دے دے پھر قرض لینے والا اس متاع کو کسی اجنبی کے ہاتھ دس روپے کو بیچے اور وہ متاع اس اجنبی کو دے دے وہ اجنبی قرض دینے والے کے ہاتھ دس کو بیچ ڈالے اور وہ اجنبی اس سے دس روپے لے کر قرض لینے والے کو دے دے تو اجنبی پر جو قرض لینے والے کا دین تھا وہ اترجائے گا اور وہ متاع قرض دینے والے کے پاس دس میں پہنچ جائیگی اور قرض لینے والے پر اس کے تیرہ روپے ایک وعدہ پر لازم ہوجائیں گے انتہی۔

 (۱؎ فتاوٰی قاضی خان    کتاب البیوع    باب فی بیع مال الربوٰ    نولکشور لکھنو    ۲ /۴۰۶)

ثم قال وحیلۃ اخری ان یبیع المقرض سلعۃ بثلثۃ عشر الی اجل معلوم و یدفع السلعۃ الی المستقرض ثم یبیعہ المستقرض من الاجنبی ثم ان المستقرض یقیل البیع مع الاجنبی قبل القبض اوبعدہ ثم یبیعھا المستقرض من المقرض بعشرۃ و یاخذ العشرۃ فیحصل للمستقرض عشرۃ وعلیہ للمقرض ثلثۃ عشر وتصل السلعۃ الی المقرض والمقرض وان صار مشتریا ماباع باقل مماباع قبل الثمن الا ان ذٰلک جائز لتخلل البیع الثانی وھو البیع الذی جری بین المستقرض والاجنبی ۲؎ اھ،

چوتھا حیلہ یہ فرمایا کہ قرض دینے والا لینے والے کے ہاتھ کوئی متاع ایک معین وعدہ پر تیرہ روپے کوبیچے او راس کے قبضہ میں دے دے اور قرض لینے والا اسے کسی اجنبی کے ہاتھ بیچے پھر قرض لینے والا اس اجنبی کے ساتھ بیع فسخ کرے خواہ متاع اس کے قبضہ میں دی ہو یا نہ دی ہو پھر قرض لینے والا دینے والے کے ہاتھ اسے دس کو بیچے تو قرض لینے والے کو دس روپے ملیں گے اور دینے والے کے اس پر تیرہ لازم ہوں گے اور متاع دینے والے کے پاس پہنچ جائے گی قرض دینے والے نے اس صورت میں اگرچہ اپنی بیچی ہوئی چیز ادائے ثمن سے پہلے جس قدر کو بیچی تھی اس سے کم کو خرید لی مگر یہاں یہ جائز ہے اس واسطے کہ بیچ میں دوسری بیع آگئی وہ جو قرض لینے والے اور اجنبی میں ہوئی انتہی۔

 (۲؎فتاوٰی قاضی خان    کتاب البیوع    باب فی بیع مال الربوٰ    نولکشور لکھنو    ۲/ ۴۰۷)

ثم قال وحیلۃ اخری ان یبیع المقرض من المستقرض سلعۃ بثمن مؤجل ویدفع السلعۃ الی المستقرض ثم ان المستقرض یبیعھا من غیرہ باقل مما اشتری ثم ذٰلک الغیر یبیعھا من المقرض بما اشتری لتصل السلعۃ الیہ بعینہا ویأخذ الثمن و یدفعہ الی المستقرض فیصل المستقرض الی القرض ویحصل الربح للمقرض اھ، اقول: ھذہ ھی الحیلۃ الثالثۃ المارۃ قال ''وھذہ الحیلۃ ھی العینۃ التی ذکرھا محمد رحمہ اﷲ تعالٰی و مشایخ بلخ بیع العینۃ فی زماننا خیر من البیوع التی تجری فی اسواقنا وعن ابی یوسف رحمہ اﷲ تعالٰی انہ قال العینۃ جائزۃ ماجورۃ وقال اجرہ لمکان الفرار من الحرام ۱؎اھ ،

پھر ایک حیلہ یہ فرمایا کہ قرض دینے والا لینے والے کے ہاتھ کوئی متاع ادھار بیچے اور متاع اس کے قبضہ میں دے دے پھر قرض لینے والا اس متاع کو کسی اور کے ہاتھ اتنے سے کم کو بیچے جتنے کو خرید ی پھر وہ دوسر اشخص اس قرض دینے والے کے ہاتھ اتنے کو بیچے جتنے کو خود خریدی تاکہ وہ متاع بعینہا اسے پہنچ جائے اور اس سے قیمت لے کر قرض لینے والے کو دیدے تو قرض لینے والے کو قرض مل جائے گا اور دینے والے کو نفع حاصل ہوجائیگا انتہی، اقول:(میں کہتا ہوں) یہ وہی تیسرا حیلہ ہے جو گزرچکا، امام قاضیخان نے فرمایا کہ اس حیلہ کا نام بیع عینہ ہے جس کو امام محمد رحمہ اﷲ تعالٰی نے ذکر فرمایا اور مشائخ بلخ نے فرمایا کہ بیع عینہ ان بیعوں سے کہ ہمارے بازاروں میں آج کل رائج ہیں بہتر ہے اور امام ابویوسف رحمہ اﷲتعالٰی سے روایت ہے کہ انہوں نے فرمایا عینہ جائز ہے اور اس پر ثواب ملے گا اور فرمایا ثواب کی وجہ یہ ہے کہ اس میں حرام یعنی سود سے بھاگنا ہے انتہی۔

 (۱؎ فتاوٰی قاضی خان     کتاب البیوع    باب فی بیع مال الربا    نولکشورلکھنؤ    ۲ /۴۰۷)

ثم قال رجل لہ عشرۃ دراہم صحاح فاراد ان یبیعھا باثنی عشر درھما مکسرۃ یجوز لانہ ربا، فان ارادالحیلۃ یستقرض من المشتری اثنی عشرۃ درھما مکسرۃ ثم یقضیہ عشرۃ جیادا ثم ان المقرض یبرئہ من درھمین فیجوز ذلک اھ ۱؎ ،

پانچواں حیلہ یہ فرمایا کہ ایک شخص کے پاس دس روپے صحیح ہیں وہ چاہتا ہے کہ ان کو بارہ روپے پھوٹے ہوؤں سے بیچے تو جائز نہیں کہ سود ہے پھر اگر وہ حیلہ چاہے تو یہ چاہئے کہ مشتری سے بارہ روپے پھوٹے ہوئے قرض لے پھر دس کھرے اس کو ادا کرے پھر وہ اسے باقی دو روپے معاف کردے تو یہ جائز ہے،

 (۱؎ فتاوٰی قاضی خان     کتاب البیوع    باب فی بیع مال الربوٰ    نولکشور لکھنؤ    ۲ /۴۰۷)

ثم قال ولوکان لہ علی رجل عشرۃ دراہم مکسرۃ الی اجل فلما حل الاجل جاء المدیون بتسعۃ صحاح فقال ھذہ التسعۃ بتلک العشرۃ لایجوز لانہ ربا فان ارادالحیلۃ یأخذ التسعۃ بالتسعۃ ویبرئہ عن الدرھم الباقی فان خاف المدیون ان لا یبرئہ عن الدرہم الباقی یدفع الی صاحب الدین تسعۃ دراہم صحاحا وفلسا او شیئا یسیراعوضا من الدرہم الباقی جاز ذلک و یقع الامن ۲؎ اھ وفیہا فوائد لاتخفی علیک و سنمر علیہا فیما یأتی ان شاء اﷲ تعالٰی وکفانا تشبیہہ فی الوجہ الاول ببیع العینۃ وقولھم فانہ مکروہ لہذاو ذٰلک لانہ لایکرہ الاتنزیھا فکذا ھذا، ولا یھولنک قول محمد انہ یجدہ مثل الجبل ۳؎ فانہ قال مثلہ بل اشد منہ فی العینۃ وماثبت لھا الاکراھۃالتنزیہ قال فی ردالمحتار عن الطحطاوی عن ابی یوسف العینۃ جائزۃ ماجور من عمل بھا کذا فی مختار الفتاوی ہندیۃ وقال محمد ھذاالبیع فی قلبی کا مثال الجبال ذمیم اخترعہ أکلۃ الربا وقال علیہ الصلٰوۃ والسلام اذ اتبایعتم بالعین واتبعتم اذناب البقر ذللتم وظہر علیکم عدوکم، قال فی الفتح ولا کراھۃ فیہ الاخلاف الاولٰی لما فیہ من الاعراض من مبرۃ القرض اھ ۱؎ واقرہ علیہ فی البحر والنھر والدر والشرنبلالیہ و غیرہا وقال ایضا فی فتح القدیر قال ابویوسف لایکرہ ھذا البیع لانہ فعلہ کثیر من الصحابۃ رضی اﷲ تعالٰی عنہم وحمدواعلی ذٰلک ولم یعدوہ من الربا اھ ۲؎،

چھٹا حیلہ یہ فرمایا اگر کسی شخص پر دس روپے پھوٹے ہوئے ایک وعدہ پر آتے تھے جب وعدہ کا وقت آیا مدیون نو روپے کھرے لایا اور کہا کہ ان دس کے بدلے یہ نو ہیں تو یوں جائز نہیں اس لئے کہ سود ہے، تو اگر حیلہ چاہے تو نو کے بدلے نو لے لے اور ایک معاف کردے پھر اگر مدیون کو اندیشہ ہوکہ وہ ایک جو باقی رہا یہ معاف نہ کرے گا تو قرض خواہ کو نوروپے کھرے اور ایک پیسہ یا کوئی اور تھوڑی سی چیز اس باقی روپے کے عوض دے دے تو اب جائز ہوگا اور وہ اندیشہ جاتا رہے گا انتہی اور اس عبارت میں وہ فائدے ہیں جو تجھ پر پوشیدہ نہ رہیں گے اور آئندہ تقریر میں ان شاء اﷲ ہم اوپر گزرکریں گے اور ہم کو یہی کافی ہے کہ وجہ اول میں اسے بیع عینہ سے تشبیہ دی اور علماء نے فرمایا وہ بھی اسی وجہ سے مکروہ ہے اور یہ اس لئے کہ بیع عینہ نہیں مگر مکروہ تنزیہی، تو ایسے ہی یہ بھی اورامام محمد کا یہ ارشاد کہ وہ ان کے نزدیک پہاڑ کی طرح گراں ہے تجھے ہول میں نہ ڈالے کہ انہوں نے ایسا ہی کہا بلکہ اس سے بھی سخت تربیع عینہ میں فرمایا ہے اوراس کے لئے ثابت نہ ہوئی مگر کراہت تنزیہ،ردالمحتار میں طحطاوی اس میں عالمگیری اس میں مختار الفتوی ا س میں امام ابویوسف رحمہ اﷲ تعالٰی سے ہے کہ عینہ جائز ہے اس کے کرنیوالے کو ثواب ملے گا، اور امام محمد رحمہ اﷲ تعالٰی نے فرمایا اس بیع کی برائی میرے قلب میں پہاڑوں کے برابر ہے اسے سود خوروں نے ایجاد کیا، اورنبی صلی اﷲ تعالٰی علیہ وسلم نے فرمایا جب تم بطور عینہ خریدو فروخت کرو اور بیلوں کی دم کے پیچھے چلو تو ذلیل ہوجاؤگے اور تمہارا دشمن تم پر غالب آجائے گا۔ فتح القدیر میں فرمایا عینہ میں کوئی کراہت نہیں سوا خلاف اولٰی کے، اس لئے کہ اس میں قرض دینے کے اچھے سلوک سے رو گردانی ہے انتہی۔ اور اسے بحرالرائق اور نہر الفائق اور درمختار اور شرنبلالیہ وغیرہا نے برقرار رکھا نیز فتح القدیر میں ہے امام ابویوسف نے فرمایا یہ بیع مکروہ نہیں اسلئے کہ بہت سے صحابہ رضی اﷲ تعالٰی عنہم نے اسے کیا اور اس کی تعریف کی اور اسے سود نہ ٹھہرایا انتہی،

 (۲؎فتاوٰی قاضی خان     کتاب البیوع    باب فی بیع مال الربوٰ    نولکشور لکھنؤ    ۲ /۴۰۷)

(۳؎ فتح القدیر    کتاب الصرف    مکتبہ نوریہ رضویہ سکھر    ۶/ ۲۷۱)

(۱؎ ردالمحتار     کتاب الصرف     داراحیاء التراث العربی بیروت    ۴ /۲۴۴)

(۲؎ فتح القدیر     کتاب الکفالہ     مکتبہ نوریہ رضویہ سکھر    ۶ /۳۲۴)