Brailvi Books

فی الدرالمختار بخلاف بیع الفاسد فانہ لایطیب لہ لفساد عقدہ ویطیب للمشتری منہ لصحۃ عقدہ ۱؎۔

درمختارمیں ہے بخلاف بیع فاسد کے کہ اس میں مشتری کو حلال نہیں اس عقد کے فساد کے سبب سے  اور جس نے اس سے خریدا اسے حلال  ہے بسبب اس کی صحت عقدکے، (ت)

 (۱؎ درمختار  کتاب البیوع البیع الفاسد مجتبائی دہلی ۲9 / ۲)

پس بہرحال اب یہ مکان بالیقین مملوک عمرو  ہے زید یا زوجہ زید یا قرضخواہان زید کا اس میں کچھ حق نہیں، نہ قرضہ زید اس سے کوئی وصول کرسکتا ہے ھذا ینبغی التحیق واﷲ ولی التوفیق، واﷲسبحٰنہ وتعالٰی اعلم وعلمہ جل مجدہ اتم واحکم (یونہی تحقیق چاہئے اور اللہ ہی توفیق کامالک  ہے، اور اللہ سبحٰنہ وتعالٰی خوب جاننے والا  ہے اور اس کا علم اتم واحکم  ہے۔ ت)

مسئلہ ۳۰: از کمپ لال کرتی مرسلہ شیخ کریم بخش صاحب    ۸ رمضان ۱۳۱۳ھ

کیا فرماتے ہیں علمائے دین اس مسئلہ میں کہ زیدکے مکان میں ایک درخت فالسہ کا تھا اور بکر کے ہاتھ فروخت کئے ہوئے ایک مہینہ گزرگیا، بعدہ، زید کے مکان میں آگ لگ گئی، درخت مذکور جل گیا، قیمت اس کی بکر کو واپس دینا چاہئے یانہیں؟ فقط

الجواب

بعد استفسار واضح ہوا کہ گھنڈ ساریوں کے ہاتھ فاسلہ کی ٹہنیاں بیچی جاتی  ہے وہ انھیں کاٹ لیتے ہیں اور پیڑ بدستور قائم رہتا ہے، یہ بیع بھی انھیں ٹہنیوں کی تھی اور مشتری ہنوز کا کاٹنے نہ پایا تھا کہ مکان میں آگ لگ گئی پیڑ جل گیا، اس صورت میں قطع نظر اس سے کہ صرف ٹہنیوں کی بیع جائز وصحیح ہونے میں بہت نزاع طویل  ہے۔

وانما حکم من حکم بالجواز مستنداالی التعامل اوان کان موضع القطع معلوما بالعرف کما فصلہ فی الدر وحواشیہ ۱؎۔

اور جس نے جواز کا حکم کیا اس نے تعامل کی بنیاد پر جواز کاحکم کیا یا اس بنیاد پر کہ ازروئے عرف کاٹنے کی جگہ معلوم ہو جیسا ک درر اور اس کے حواشی میں اس کی تفصیل  ہے (ت)

 (۱؎ درمختار    کتاب البیوع باب البیع الفاسد مجتبائی دہلی     ۲ /۲۴)

جب شیئ مبیع قبل قبضہ مشتری دست بائع میں ہلاک ہوگئی بیع جاتی رہی اور جو قیمت لی تھ وہ واپس دینی واجب،

فی درالمختار عن الفتح والدرالمنتقی لوھلک المبیع بفعل البائع اوبفعل المبیع اوبامرسماوی بطل البیع ویرجع بالثمن لومقبوضا ۲؎۔ واﷲ تعالٰی اعلم۔

ردالمحتارمیں بحوالہ فتح اور در منتقٰی  ہے کہ اگر فعل مبیع یا فعل بائع یا کسی امر سماوی سے مبیع (بائع کے ہاتھ میں) ہلاک ہوجائے تو بیع باطل ہوجائے گی اور ثمنوں پر اگر بائع قبضہ کرچکا ہے تو لوٹائے جائیں گے، واللہ تعالٰی اعلم۔ (ت)

 (۲؎ ردالمحتار    کتاب البیوع        داراحیاء التراث العربی بیروت    ۴ /۴۲)

مسئلہ ۳۱:     از شہر کہنہ ۲محرم الحرام ۱۳۱۶ھ

کیا فرماتے ہیں علمائے دین اس مسئلہ میں کہ زیدنے اپنا مکان مسکونہ بعوض دین مہر زوجہ کے ساتھ بیع کردیا اور رجسٹری وغیرہ کی تکمیل کرادی، بعدہ، باجازت عورت تاحیات یعنی سوابرس اس مکان میں رہتا رہا پس بسبب رہنے زید کے اس مکان میں تکمیل بیعنامہ جائز ہے یانہیں ؟ بینوا توجروا

الجواب

بیع مذکور تام وکامل ہے اور زید کا رہنا بے اجازت عورت ہوتا تاہم اصلا تمامی بیع میں خلل نہ لاتا

فان غایتہ الغصب والبیع اذا تم افاد الملک والملک بالغصب لایزول علی ان الغصب لایتحقق فی العقاد والبیع لیس کالہبۃ حتی یشترط فیہ القبض والتخلیۃ وھذا ظاھر جدا، واﷲ تعالٰی اعلم۔

کیونکہ غایت اس کی غصب اور بیع جب تام ہوجائے تو مفید ملک ہوتی ہے اور غصب سے ملک زائل نہیں ہوتی، علاوہ ازیں غصب غیر منقولہ اشیاء میں متحقق نہیں ہوتا اور بیع ہبہ کی مثل نہیں حتی کہ اس میں قبضہ اور فارغ کرنا شرط قرار دیا جاتا اور یہ خوب ظاہر ہے، واللہ اعلم۔ (ت)