زید نے اپنی زمینداری کے ایک قطعہ کو جوعہ/بیگھ خام ہے اور اس کا سالانہ منافع ؎/ہے اس تصریح کے ساتھ کہ ۴ ؎/سالانہ اس محلہ کی مسجد میں جس میں واقف رہتا ہے صرف ہواکریں اور ۴ ؎/سالانہ غرباء ومساکین کے لڑکوں کی تعلیم جو قرآن شریف اور دینیات پڑھتے ہیں قرآن شریف یا متفرق پارہ اور کتب دینیہ خرید کر امداد کی جائے اور اس مصرف میں ہمیشہ صرف ہوتے رہیں اور۴ ؎ /سالانہ یتیماں وبیوگاں کی تیاری پارچہ سرما وغیرہ صرف کئے جائی، اپنے دل میں مذکورہ مصارف کی نیت کرکے وقف کردیااور ایک سال سے اس کا منافع بھی کاشتکار سے وصول نہیں کیا اور وقف کی کوئی تحریر بھی نہیں لکھی ، اب زید یہ چاہتا ہے کہ قطعہ اراضی مذکورہ بالا سے جس کے وقف کی نیت کی ہے بہتر اور عمدہ اور زیادہ منافع کی دیگراراضی کو جو اس کی ملکیت ہے بجائے اس کے وقف کردے اوربموجب شرع شریف کے تحریر وتکمیل کردے اور متولی اس کا مقرر کرکے اس کے قبضہ میں اس زمین کو دے دے کہ منافع اس کا مصارف مذکور میں صرف کیا کرے اور آئندہ متولی اس کا زید کے رشتہ داران اور نمازیان مسجد محلہ کے مشورہ سے مقررہوا کرے گا، اس صورت میں امید ہے کہ ؎/سالانہ سے زیادہ منافع سالانہ وقف کاہوگا صرف نیت وقف کرلینے سے جو خاص قطعہ اراضی کی نسبت کی ہے اوراس کی تحریر بھی نہیں لکھی اور اراضی جو اس سے بہتر اور عمدہ زیادہ منافع کی ہے وقف کرکے تحریر کردے شرع ممانعت تو نہیں کرتی؟
