Brailvi Books

 (۱؎ فتاوٰی ہندیۃ     کتاب الوقف    الباب الرابع    نورانی کتب خانہ پشاور    ۲/ ۴۰۰۔۳۹۹)

(۲؎ فتاوٰی ہندیۃ     کتاب الوقف    الباب الرابع    نورانی کتب خانہ پشاور      ۲/ ۴۰۲)

دوم   :  جو کچھ بعد میرے باقی رہے گا اس سے شرائط وقفنامہ متعلق ہوں گے اس کا حاصل یہ ہے کہ فی الحال اس جائداد کا کوئی حصہ وقف نہیں میں جب چاہوں بیچوں اور جہاں چاہوں خرچ کروں میرے بعد اس بیع وخرچ سے کچھ باقی بچے تو وہ وقف ہو، ظاہر ہے کہ یہاں کچھ معلوم نہیں کہ بعد زندگی اس کے بیع وخرچ سے کوئی حصہ جائداد باقی رہے یا کچھ نہ رہے اور رہے تو کیا اور کس قدر، تو یہ ایک مجہول چیز کا وقف کرنا ہو اور مجہول کا وقف باطل ہے پھر وہ بھی ایک احتمال بات پر معلق رہا اور ایسی تعلیق کا وقف باطل ہے۔

درمختار میں ہے:

شرطہ ان یکون قربۃ فی ذاتہ معلوما لامعلقا الابکائن۳؎۔

شرط وقف یہ ہے کہ وہ اپنی ذات کے اعتبار سے قربت ہواور معلوم ہو معلق نہ ہو ہاں شرط موجود کے ساتھ معلق ہوسکتا ہے(ت)

 (۳؎ درمختار        کتاب الوقف    مطبع مجتبائی دہلی         ۱/ ۳۷۷)

ردالمحتار میں ہے:

حتی لووقف شیئا من ارضہ ولم یسمہ لایصح ولوبین بعدذٰلک۴؎۔

یہاں تک کہ اگر کسی نے اپنی زمین کا کچھ حصہ وقف کیا اور اس کو متعین نہ کیا تو وقف صحیح نہ ہوگا اگرچہ بعدمیں بیان کردے(ت)

 (۴؎ ردالمحتار       کتاب الوقف    داراحیاء التراث العربی بیروت    ۳/ ۳۶۰)

اسی میں اسعاف سے ہے: ا

لوقف لایحتمل التعلیق بالخطر۱؎۔

وقف ایسی شیئ کے ساتھ معلق ہونے کااحتمال نہیں رکھتا جو محتمل الہلاک ہو(ت)

 (۱؎ ردالمحتار     کتاب الوقف     داراحیاء التراث العربی بیروت    ۳/ ۳۶۰)

فتح القدیر میں ہے:

لو قال اذا مت من مرضی ھذا فقد وقفت ارضی الٰی اٰخرہ فمات لم تصروقفا۲؎۔

جب کہا کہ اگر میں اپنی اس مرض میں مرگیا تو میں نے اپنی یہ زمین وقف کردی، پھر مرگیا تو زمین وقف نہ ہوئی(ت)

 (۲؎ فتح القدیر     کتاب الوقف  مکتبہ نوریہ رضویہ سکھر     ۵/ ۴۲۳)

اس کے بعد جو لکھا کہ حکام سے امید ہے کہ اس جائداد موقوفہ کی نگرانی کریں اور اخیرمیں کہا کہ یہ وقف نامہ لکھ دیا اور متولیوں کو مصارف بتائے ان میں کسی سے انشائے وقف نہ مقصود ہے نہ مفہوم بلکہ یہ سب اپنے اسی خیال کی بناپر ہے کہ اسے وقف سمجھا حالانکہ وہ شرعاً ہنوز وقف نہ ہوئی اور غلط خیالی کی بنا پر جو الفاظ کہے جائیں کچھ اثرنہیں رکھتے،

اشباہ قاعدہ لاعبرۃ بالظن البین خطوہ میں ہے:

لواقربطلاق زوجتہ ظانا الوقوع بافتاء المفتی فتبین عدمہ لم یقع کمافی القنیۃ۳؎۔

اگر کسی نے مفتی کے فتوٰی دینے کی وجہ سے وقوع طلاق کا گمان کرتے ہوئے اپنی بیوی کی طلاق کا اقرار کیا پھر اس کا عدم ظاہر ہوگیا تو طلاق واقع نہیں ہوئی جیسا کہ قنیہ میں ہے(ت)

 (۳؎ الاشباہ والنظائر    الفن الاول    القاعدۃ السابعہ عشر    ادارۃ القرآن کراچی    ۱/ ۱۹۴)

پس اس طالبہ ثواب کو چاہئے کہ اسے از سر نو وقف فرمائے اور بعد موت پر معلق نہ کرے کہ وہ اس میں اگرثلث متروکہ سے زائد ہوتو پھر وارثوں کی اجازت کا جھگڑا ہے اور واقفہ استبدال کی شرط لگانا چاہے تو اختیار ہے مگر صرف اس طرح کہ اسے دوسری جائداد سے بدل لیں خواہ بیچ کر اس کے عوض دوسری جائداد خرید لیں، اور اب وہ دوسری فوراً انہیں شرائط پر وقف ہوجائے گی، اور ماورائے جائداد کسی اور چیز سے تبدیل کا ذکر ہر گز نہ ہو ورنہ وقف جاتا رہے گا، اور یہ خیال نہ کریں کہ اپنی حیات میں بیچ کر خرچ کردوں تو ثواب زیادہ ہے، نہیں بلکہ اپنی حیات میں وقف کامل کریں اور شرط کرلیں کہ زندگی بھراس کے تمام مصارف میرے ہاتھ سے ہوں گے اور میری رائے واختیار پر رہیں گے میرے بعد فلاں فلان متولی ہوں اور اتنا اتنا فلاں مصرف میں صرف کیا کریں یوں اپنی رائے سے زندگی بھر جیساچاہے صرف کا اختیار رہا اور بعد کو بھی تابقائے جائداد ثواب پہنچا کیا۔

عالمگیری میں ہے:

رجل ارادان یجعل مالہ بوجہ القربۃ فبناء الرباط للمسلمین افضل من عتق الرقاب لانہ ادوم، وقیل التصدق علی المساکین وقلت قد کنا قلنا لمن اراد ذٰلک ان یشتری الکتب ویضع فی دارالکتب لیکتب العلم لانہ ادوم، فکان افضل من غیرہ ولوارادان یتخذدارالہ وقفا علی الفقراء، فالتصدق بثمنہا افضل، ولوکان مکان الدار ضیعۃ فالوقف افضل کذافی المضمرات۱؎۔ (ملخصاً)

ایک شخص نے ارادہ کیا کہ اپنا مال قرب الٰہی میں کردے تو اس کا مسلمانوں کے لئے رباط بناناغلام آزاد کرنے سے بہتر ہے کیونکہ رباط کو دوام زیادہ ہے،اور بعض نے کہا کہ اس کو مساکین پر صدقہ کرنا افضل ہے اور تحقیق ہم نے ایسا ارادہ کرنے والے کو کہا تھا کہ وہ کتابیں خرید کر لائبریری میں رکھے کیونکہ اس میں زیادہ دوام ہے لہذا یہ اپنے غیر سے افضل ہے اور اگر کسی نے ارادہ کیا کہ اپنا گھر فقیروں پر وقف کردے تو اس کے ثمن کو صدقہ کرنا افضل ہے اور اگر بجائے گھر کے زمین موقوف ہوتو وقف افضل ہے، ایسے ہی مضمرات میں ہے(ملخصاً)۔(ت)

(۱؎ فتاوٰی ہندیۃ     کتاب الوقف     الباب الرابع عشر    نورانی کتب خانہ پشاور    ۲/ ۸۲۔۴۸۱)

فتاوٰی امام قاضی خان میں ہے:

رجل جاء الی المفتی وارادان یتقرب الی اﷲ تعالٰی بدارہ فسأل ابیعھا واتصدق بثمنھا اواشتری بثمنھا عبیدافاعتقھم او اجعلھا دارالمسلمین ای ذٰلک یکون افضل، قالوایقال لہ ان بنیت رباطا وتجعل لہا وقفا ومستغلا لعمارتھا فالرباط افضل فانہ ادوم واعم نفعا، وان لم تجعل للرباط مستغلا للعمارۃ فالافضل ان تبیع وتتصدق بثمنہ علی المساکین۱؎۔

ایک مفتی کے پاس ایسا شخص آیا جو اپنے گھر کے ذریعے اﷲ تعالٰی کا تقرب حاصل کرنے کا ارادہ رکھتاہے اس نے کہا کہ میں اس کو فروخت کرکے اس کے ثمن صدقہ کروں یا اس کے ثمنوں سے غلام خرید کر آزاد کروں یا اس کو مسلمانوں کے لئے گھر کردوں ان میں سے کیا افضل ہے تو مشائخ نے کہا کہ اس کو یہ جواب دیا جائے گاکہ اگر تو رباط بنا کر اس کی آمدنی کےلئے کوئی شے وقف کردے تو رباط افضل ہے کیونکہ اس میں دوام زیادہ اور اس کا نفع عام ہے اور اگر تو رباط کی آمدنی کے لئے کوئی چیز وقف نہ کرسکے تو پھر اس کو فروخت کرکے ثمن مسکینوں پر صدقہ کرنا افضل ہے(ت)

(۱؎ فتاوٰی قاضی خان  کتاب الوقف   باب الرجل یجعل دارہ مسجداًالخ    نولکشور لکھنو    ۴/ ۷۱۴)

عالمگیریہ میں اسے نقل کرکے فرمایا:

ودون ذٰلک فی الفضل ان یشتری بثمنھا عبیداً فیعتقہم کذافی الظہیریۃ۲؎۔

اور اس سے کمتر فضیلت اس میں ہے کہ اس کے ثمنوں سے غلام خرید کر آزاد کردے۔ ظہیریہ میں ایسے ہی ہے۔(ت)

 (۲؎ فتاوٰی ہندیۃ     الباب الثانی عشر فی الرباطات والمقابر    نورانی کتب خانہ، پشاور    ۲/ ۴۷۰)

وجیز کردری پھر بحرالرائق پھر ہندیہ میں ہے:

وقف الضیعۃ اولی من بیعہا والتصدق بثمنھا۳؎۔واﷲ تعالٰی اعلم۔

قطعہ اراضی کو وقف کرنا اس کو بیچ کر ثمنوں کو صدقہ کرنے سے اولٰی ہے۔واﷲ اتعالٰی اعلم(ت)

 (۳؎فتاوٰی ہندیۃ     الباب الثانی عشر فی الرباطات والمقابر    نورانی کتب خانہ، پشاور    ۲/ ۴۷۰)