Brailvi Books

خبر سچی ہے تو علم جھوٹا، علم سچا ہے تو خبر جُھوٹی۔ ایسے کو جو سزا(عہ۱۰) دینے پر مجبور ہے نہ دے تو بے غیرت ہے، معاف کرنا چاہے تو حیلے ڈھونڈھتا ہے ، خلق کی آڑ لیتا ہے ، ایسے کو جس کی خدائی کی اتنی حقیقت کہ جو شخص ایک پیڑ کے پتےّ گِن دے اُس کا شریک ہو جائے ، جس نے ا پنا سب سے بڑھ کر مقرب ایسوں کو بنایا جو اس کی شان کے آگے چمار سے بھی زیادہ ذلیل ہیں جو چُوڑھوں چماروں سے لائق تمثیل ہیں،

عہ۱۰: یہاں سے شروع بیان دیو بندیاں تک سب اقوال تقویۃ الایمان اسمٰعیل دہلوی کے ہیں جو بار ہا دکھا کر رَد کر دئے 

گئے ۱۲

ایسے کو جس نے اپنے کلام میں خود شرک بولے اور جا بجا بندوں کو شرک کا حکم دیا۔قرآن عظیم تو فرمائے

اغنٰھم اﷲ ورسولہ من فضلہ ۱؎

انھیں اللہ و رسول نے اپنے فضل سے دولتمند کر دیا

 (۱؎ القرآن الکریم ۹/ ۷۴)

 اور مسلمانوں کو اس کہنے کی ترغیب دے کہ

حسبنا اﷲ سیؤتینا اﷲ من فضلہ ورسولہ۲؂

ہمیں اللہ کافی ہے اب دیتے ہیں اللہ ورسول ہمیں اپنے فضل سے۔

(۲؎  القرآن الکریم ۹/ ۵۹)

اور وہابیہ کا خدا اسمٰعیل دہلوی کے کان میں پھو نک جائے کہ ایسا کہنے والا مشرک ہے ،قرآن عظیم تو جبریل امین کو بیٹا دینے والا فرمائے کہ اُنھوں نے حضرت مریم سے کہا:

انما انا رسول ربک لا ھب لک غلٰمًا ز کیا ۳؎

میں تو تیرے رب کا رسول ہُوں اس لئے کہ میں تجھے سُتھرا بیٹا دُوں ۔

(۳؎  القرآن الکریم ۱۹/۱۹)

 یعنی مسیح علیہ الصلٰوۃ والتسلیم رسول بخش ہیں، اور وہابیہ کا خدا اُن کے کان میں ڈال جائے کہ رسول بخش کہنا شرک ہے۔

قرآن عظیم تو اس گستاخ پر جس نے کہا تھا رسول غیب کیاجانے حکم کفر فرمائے کہ :

لا تعتذ روا قدکفر تم بعد ایمانکم  ۴؎

بہانے نہ بناؤ تم کافر ہو چکے اپنے ایمان کے بعد۔

 (۴؎  القرآن الکریم ۹/ ۶۶)

اور وہابیہ کا خدا اسمٰعیل دہلوی کو یہی ایمان سُجھائے کہ رسول غیب کیا جانے اور وہ بھی اس تصریح کے ساتھ کہ اللہ کے دئے سے مانے جب بھی شرک ہے۔ اب کہئے اگر رسول کو غیب کی خبر مانے تو وہابی خدا کے حکم سے مشرک، نہ مانے تو قرآن عظیم کے حکم سے کافر، پھر مفر کدھر ، یہی مانتے بنے گی کہ یہ مسلمانوں کے خدا کے احکام ہیں جس نے قرآن کریم محمد رسول اللہ تعالٰی علیہ وسلم پر اتارا ا ور وہ وہابیہ کے خدا کے جس نے تقویۃ الایمان اسمٰعیل دہلوی اتاری ، ہاں وہابیہ کا خدا وُہ ہے جس کے سب سے اعلٰی رسو ل کی شان اتنی ہے جیسے قوم کا چودھری یا گاؤں کا پدھان جس نے حکم دیا ہے کہ رسولوں کو ہر گز نہ ماننا رسولوں کا ماننا نراخبط ہے وغیرہ وغیرہ خرافات ملعونہ۔یہ ہے وہابیوں کا خدا ، کیاخدا ایسا ہوتا ہے لا الٰہ الّا اﷲ کیا وُہ خداکو جانتے ہیں، حا ش للہ سبحٰن رب العرش عمّا یصفون o