Brailvi Books

فتاویٰ رضویہ جلد نمبر۱۴(کتاب السیر)

12 - 150

دربارہ خلافت جس عقیدہ اہل سنت کا عالم نے اشعار کیا خود خلافت کمیٹی کے مفتی اعظم مولوی ریاست علی خاں صاحب شاہجہان پوری اور اس کے لیڈر معظم وناظم انجمن علماء، صدر شعبہ تبلیغ عبدالماجد بدایونی نے ایک مطبوعہ فتوٰی میں(کہ شخصین مذکورین جس کے مفتی ومستفتی ہیں) اس کا صاف اقرار واظہار کیا جو عبارات ائمہ وعلماء اس فتوٰی نے سندًا پیش کیں، وضوحِ حق کو ان میں سے یہ دوہی بہت ہیں مقاصد وشرح مقاصد سے(کہ عقائد اہلسنت کی معتمد کتابیں ہیں) سند دکھائی کہ

"لناقولہ علیہ السلام الائمۃ من قریش۲؎، واجمعو علیہ فصار دلیلا قاطعا یفید الیقین باشتراط القرشیۃ"

یعنی ہم اہلسنت کی دلیل حضور اقدس سیدعالم صلی اﷲ تعالٰی علیہ وسلم کا یہ ارشاد جلیل ہے کہ تمام خلفاء قریش سے ہیں اور صحابہ کرام رضی اﷲ تعالٰی عنہم نے اس پر اجماع کیا تودلیل قطعی ہوگئی جس سے یقین حاصل ہوا کہ خلافت کے لئے قرشی ہونا بیشک شرط ہے۔

 (۶؎ شرح المقاصد المبحث الثانی التکلیف والحریۃ والذکورۃ     دارالمعارف النعمانیۃ لاہور     ۲/ ۲۷۷)

یعنی تغلب کی امامت کبھی بیعت کے ساتھ بھی ہوتی ہے کہ ہے تو متغلب مگر لوگ اس کے ہاتھ پر بیعت کرتے ہیں، ہمارے زمانے کے سلاطین کا یہی واقعہ ہے، رحمٰن عزوجل ان کی مددفرمائے(ہم کہتے ہیں آمین)

علامہ سید موصوف جن کی کتاب ممدوح آج تمام عالم میں مذہب حنفی کے اعلٰی درجہ معتمد سے ہے۔ سلطان عبدالمجید مرحوم کے والد سلطان محمود خاں مرحوم کے زمانے میں انہیں کے قلمرو ملک شام میں انہیں کی طرف سے شہر دمشق وتمام دیارشامیہ کے مفتی اجل تھے (رحمۃ تعالٰی علیہ) مفتی و مستفتی مذکورین کی ان شہادتوں کے بعد زیادہ تفصیل کی حاجت نہیں،

قال تعالٰی ترٰی کثیرامنھم یتولون الذین کفروالبئس ماقدمت لھم انفسھم ان سخط اﷲ علیھم وفی العذاب ھم خٰلدونoولوکانوایؤمنون باﷲ والنبی وماانزل الیہ مااتخذوھم اولیاولٰکن کثیرامنھم فٰسقونo۵؎

تم ان میں بہت کو دیکھو گے کہ کافروں سے دوستی کرتے ہیں، بیشک کیا ہی بری ہے وہ چیز جو خود انہوں نے اپنے لئے آگے بھیجی کہ ان پر اﷲ کاغضب ہوااور انہیں ہمیشہ ہمیشہ عذاب ہوگا اوراگر انہیں اﷲاور نبی اور قرآن پر ایمان ہوتا توکافروں سے اتحاد، وداد، محبت، موالات نہ مناتے مگر ہے یہ کہ ان میں بہت سے فرمان الٰہی سے نکلے ہوئے ہیں(ت)

یہ اور بیس سے زائد اور آیات کریمہ ہیں جن میں مطلقًا کفار سے اتحاد و ودادکوحرام وکفر فرمایا ہے، مسلمان کی شان نہیں کہ واحدقہار کے ارشادات سنے اور ان میں مشرکین یا خاص ہندؤوں کے استثناء کی پچر گھڑلے،

اﷲ تعالٰی نے فرمایا: کیااﷲنے اسکی تمہیں اجازت دی(کہ مثلًا میرے کلام میں مگر ہندو کا پیوند لگالو) یا تم اﷲ پر جھوٹ باندھتے ہو۔

اﷲ تعالٰی نے فرمایا: اﷲ تعالٰی کے ارشادات کو ان کے ٹھکانے سے ہٹاتے ہیں__(کہ مثلًا اگرچہ اﷲ نے یہاں ہر جگہ عام لفظ فرمائے جو سب کفار کو شامل ہیں مگر ان سے ہندو مراد نہ رکھے ان سے اتحاد ووداد کو حرام وکفر نہ فرمایا) ایسوں کے لئے دنیا میں رسوائی ہے اور آخرت میں بڑاعذاب مشرکوں کا غلام و منقاد بننا ان کا پس روبننا، جو کہیں وہی کرنا خصوصاً جسے امر دینی سمجھا ہواس میں ان کی اطاعت کرنا یہ سب حرام حرام ہے سخت مخالفتِ ذوالجلال والاکرام ہے، گمراہی و کفر اس کا انجام ہے،

اور اﷲ تعالٰی نے فرمایا: یہ جو زمین میں ہیں ان میں اکثر وہ ہیں کہ اگر تونے ان کی اطاعت کی تو وہ تجھے اﷲ کے راہ سے گمراہ کردیں گے۔

اور اﷲ تعالٰی نے فرمایا: اے ایمان والو!اگر تم کافروں کے کہے پر چلے تو وہ تمہیں تمہاری ایڑیوں کے بل (اسلام سے) پھیردینگے تو پورے ٹوٹے میں پلٹوگے۔

حلال کو حرام،حرام کو حلال ٹھہرانا ائمہ حنفیہ کے مذہب راجح میں مطلقًا کفر ہے، جبکہ ان کی حلت وحرمت قطعی ہو جیسے جائز کسب وتجارت واجارت کی حلت مشرکین و ودادوانتقیاد واتحاد کی حرمت، ان حلالوں کو وہ لوگ حرام بلکہ کفر اور ان حراموں کو حلال بلکہ فرض کررہے ہیں اور اگر وہ حرام قطعی حرام لعینہ ہے، جیسے مذکورات جب تو اسے حلال ٹھہرانا باجماعِ ائمہ حنفیہ کفر ہے، اﷲ عزوجل کفار کا بیان فرماتا ہے: