Brailvi Books

صورت مستفسرہ میں دونوں کا حقِ حضانت ان کی نانی کو ہے کہ سات۷ برس کی عمر تک اس کے پاس رہیں گے جوانی تک عمرو کے پاس کہ دادا کا چچا زاد بھائی ہے رکھے جائیں گے۔

درمختار میں ہے:

الحاضنۃ امااو غیرھا احق بالغلام حتی یستغنی عن النساء وقدربسبع وبہ یفتی۱؎۔

پرورش کرنے والی ماں ہو یا کوئی اور، وہ لڑکے کی حقدار ہوگی جب تک لڑکا عورت کی پرورش سے مستغنی نہیں ہوجاتا اور یہ مدت اندازاً سات سال ہے اور اسی پر فتوٰی دیا جائے گا۔

 (۱؎ درمختار     باب الحضانۃ    مطبع مجتبائی دہلی     ۱ /۲۶۵)

ردالمحتار میں ہے:

اذااستغنی الغلام فالعصبۃ اولی یقدم الاقرب فالاقرب۲؎۔

جب بچہ مستغنی ہوجائے تو پھر درجہ بدرجہ عصبات اس کے حقدار ہیں، قریب ترین کو تقدم حاصل ہوگا۔(ت)

 (۲؎ ردالمحتار     باب الحضانۃ   داراحیاء التراث العربی بیروت ۲ /۶۴۱)

اور لڑکیوں کی شادی ہوجائے وہ شوہروں کے قابل ہوں تو شوہروں کے پاس رہیں گی ورنہ نوبرس کی عمر تک ماں کے پاس، پھر اگر ان کے محارم میں کوئی مرد عاقل بالغ مثل حقیقی ماموں وغیرہ کے ہوگا تو اس کے سپرد کی جائیں گی ورنہ جوانی تک ماں ہی رکھے گی،

درمختارمیں ہے:

الام والجدۃ احق بالصغیرۃ حتی فی ظاھر الروایۃ وغیرھما احق بھا حتی تشتھی وقدر بتسع وبہ یفتی وعن محمد ان الحکم فی الام والجدۃ کذٰلک وبہ یفتی لکثرۃ الفساد زیلعی وافاد انہ لاتسقط الحضانۃ بتزوجھا مادامت لاتصلح للرجال،۳؎ملخصاً۔

لڑکی کی حقدار اس کی ماں یا دادی ہے جب تک وہ بالغ نہ ہوجائے،یہ ظاہر روایت ہے، اور ماں اور دادی کے غیر ہوں تو پھر وہ لڑکی کے مشتہاۃ ہونے تک حقدار ہوں گے، یہ مدت اندازاً نوسال ہے،اور اسی پر فتوٰی دیا جائے گا، اور امام محمد رحمہ اﷲ تعالٰی سے مروی ہے کہ ماں اور دادی کےلئے بھی یہی حکم ہے اور اسی پر فتوٰی دیا جائے گا فتنہ کی کثرت کی وجہ سے،زیلعی___اور اس عبارت سے معلوم ہوا کہ عورت کا حقِ حضانۃ (پرورش) نکاح کی وجہ سے ساقط نہ ہوگا جب تک لڑکی مرد کے قابل نہیں ہوجاتی،ملخصاً(ت)

 (۳؎ درمختار    باب الحضانۃ    مطبع مجتبائی دہلی     ۱ /۲۶۵)

ردالمحتار میں ہے:

فان صلحت تسقط الخ۴؎۔

جب بچی مرد کے قابل ہوجائے تو پرورش کرنے والی کا حق ساقط ہوجائے گا الخ(ت)

 (۴؎ ردالمحتار     باب الحضانۃ    داراحیاء التراث العربی بیروت ۲ /۶۴۱)

اقول واخترنا ظاہرالروایۃ حین لامحرم لھا لانھا ھی المتعینۃ حِ للفتیافان نشوھا فی حضن امھا خیر لھا والنظر من ترکھا ضائقۃ لاحاضن لھا وقد علمت ان لاحق لغیر محرم فی حضانتھا۔

اقول(میں کہتا ہوں) ہم ظاہرروایت کو ہی ترجیح دیں گے، جب بچی کا کوئی محرم ولی نہ ہواور یہ ظاہر روایت ہی فتوٰی کے لئے متعین ہے کیونکہ اس صورت میں بچی کا اپنی ماں کے پاس نشوو نما پانا بہتر ہے اورماں کو چھوڑنے میں بچی پر کمزور شفقت ہوگی جبکہ اس کا کوئی پرورش کرنے والا محض نہ ہو حالانکہ آپ جانتے ہیں کہ غیر محرم کو بچی کاحقِ حضانت نہیں ہے۔(ت)

اور ان پانچوں نابالغوں کے نکاح کی ولایت عمروہی کوہے

لان العصبۃ لاغیر

(کیونکہ ان کے علاوہ کوئی عصبہ نہیں۔ت) اور ماں کی ولایت ان مذکورین میں سے کسی کو نہیں

لاختصاصھا بالاب ووصیہ والجد ووصیہ والحاکم الشرعی

(یہ ولایت باپ اور اس کے وصی یا دادا  اور اس کے وصی اور شرعی حاکم کے ساتھ خاص ہے۔ت) ہاں اگر زید ان لوگوں خواہ ان کے غیر میں سے کسی کو اپنی جائداد کے حفظ و نگہداشت یا اولاد کے غور و پر داخت کے لئے کہہ گیا ہوتو ولایتِ مال اسے ہوگی

لکونہ وصیاعلیھم

(کیونکہ وہ ان پر وصی مقر رہوا۔ت)

واﷲ سبحٰنہ وتعالٰی اعلم۔