Brailvi Books

کیافرماتے ہیں علمائے دین اس مسئلہ میں کہ مدت  حمل کی زائد سے زائد کَے برس ہے؟اور کم سے کم کتنے سال ہیں؟بینواتوجروا

الجواب

کم سے کم چھ مہینے اور زیادہ سے زیادہ دوسال کامل بے کم و بیش، مگر عورت جس کا شوہر زندہ ہواگرچہ کتنے ہی برسوں سے اس سے کتنا ہی دور ہو، اس کی اولاد شوہر  ہی کی اولاد قرار پائے گی، اس کے لئے دس بیس پچاس سال کوئی مدت مقرر نہیں،ر سول اﷲصلی اﷲ تعالٰی علیہ وسلم فرماتے ہیں:

الولد للفراش وللعاھرالحجر۱؎۔واﷲ تعالٰی اعلم۔

بچہ نکاح والے کا ہے اور زانی محروم ہے(ت)واﷲ تعالٰی اعلم۔

 (۱؎ صحیح بخاری    باب الولدللفراش الخ        قدیمی کتب خانہ کراچی     ۲ /۹۹۹)