Brailvi Books

 (۱؎ درمختار        باب العدۃ         مطبع مجتبائی دہلی         ۱ /۲۵۶)

سائل مظہر کی چاند بی بی کا یہ دوسرا نکاح شوہر متوفی کے باپ نے اپنے بیٹے کی موت سے  اکتالیسویں بیالیسویں دن اپنے دوسرے بیٹے صغیر السن کے ساتھ کردیا تو یہ نکاح از آنجا کہ دیدہ و دانستہ عدت کے اندر کیا گیا محض باطل ہوا جسے نکاح ہی نہیں کہہ سکتے کما ذکرہ فی البحر وعنہ فی ردالمحتار(جیسا کہ بحر میں اور اس سے ردالمحتار میں ذکر کیاگیا ہے۔ت) چار مہینے دس دن موت شوہر سے گزرنے کے بعد چاند بی بی اگر بالغہ ہوتو اسے خود ورنہ اس کے ولی کو اختیار ہے جس سے چاہے نکاح کردے، چاند بی بی کے اگر باپ داد ا نہیں تو اس کا جوان بھائی حقیقی ولی نکاح ہے اس کے ہوتے ہوئے ماں کواختیار نہیں والمسائل ظاھرۃ و فی الکتب دائرۃ(یہ مسائل ظاہر ہیں اور کتب میں مذکور چلے آرہے ہیں۔) واﷲ تعالٰی اعلم