Brailvi Books

البدأۃ اذاکانت من الزوج کان التفویض بعد النکاح لان الزوج لما قال بعد کلام المرأۃ قبلت والجواب یتضمن اعادۃ مافی السؤال صار کانہ قال قبلت علی ان یکون الامر بیدک، فیصیر مفوضا بعد النکاح۱؎اھ مختصراً۔

بیوی نے خاوند سے طلاق کا اختیار طلب کیا تو اب خاوند نے تفویض کی ابتداء کی تو یہ تفویض نکاح کے بعد متصور ہوگی کیونکہ اگر بیوی کے جواب میں صرف "قبلت"(میں نے قبول کیا) کہا، تو یہ تفویض نکاح کے بعد اس لئے ہوگی کہ سوال کا جواب میں اعادہ معتبر ہوتا ہے گویا کہ یُوں کہا میں نے قبول کیا کہ معاملہ تیرے ہاتھ میں ہواھ مختصراً(ت)

 (۱؎ فتاوٰی قاضی خاں     فصل فی النکاح علی الشرط    نولکشور لکھنؤ    ۱ /۱۵۲)

اور پچھلی دو۲ صورتوں میں تفویض صحیح ہوگئی، اب اگر زید نے بعد نکاح چھ۶مہینے تک بے نفقہ وخبرگیری نہ چھوڑا تو بھی زینب پر طلاق ہونے کے کوئی معنی نہیں لعدم تحقق الشرط(شرط نہ پائے جانے کی وجہ سے۔ت) اور اگر شرط مذکور پائی گئی تو جس وقت چھ۶مہینے گزرے زینب کو اپنی طلاق دے لینے کا اختیار تو ضرور حاصل ہوا مگر یہ اختیار اسی جلسہ تک رہے گا اگر مجلس بدلی یا کوئی فعل یا قول زینب سے ایسا صادر ہو جو اپنے آپ کو طلاق دینے سے اجنبی ہوتو وُہ اختیار فوراً جاتا رہا اب چاہے سوبار اپنے نفس کو طلاق دے نہ ہوگی، مثلاً جس وقت چھ۶ مہینے گزرے زینب ایک جگہ بیٹھی تھی وہاں سے کھڑی ہوگئی یا کھڑی تھی چلنے لگی یا کھانا مانگا یا کنگھی کی یا کسی سے کوئی اجنبی بات اس معاملے کے علاوہ کہی اس کے بعد اپنے آپ کو طلاق دی ہرگز نہ پڑے گی اور اگر اسی جلسہ میں بغیر کسی ایسے قول وفعل اپنے آپ کو طلاق دے سب سے پہلے یہی بات کی تو بیشک طلاق ہوگئی۔

فتاوٰی ہندیہ میں ہے:

التفویض المعلق بشرط اما ان یکون مطلقا عن الوقت واماان یکون مؤقتا فان کان مطلقا بان قال اذا قدم فلان فامرک بیدک فقدم فلان فامرھا بیدھا اذاعلمت فی مجلسھاالذی قدم فیہ۱؎الخ

وہ تفویض جو کسی شرط سے معلق ہوتو اس کی دو۲ صورتیں ہیں، وقت مقرر ہوگا یا مقرر نہ ہوگا۔ اگر شرط کے ساتھ وقت مقرر نہ ہوجیسے یُوں کہے''تیرا معاملہ تیرے ہاتھ ہے جب فلاں شخص آجائے تو اس صورت میں بیوی کو فلاں کے آنے کی اطلاع والی مجلس میں اپنا اختیار حاصل ہوجائے گا الخ(ت)

 (۱؎ فتاوٰی ہندیہ     الفصل الثانی فی الامر بالید         نورانی کتب خانہ پشاور     ۱ /۳۹۲)

اُسی میں ہے:

اذاقامت عن مجلسھا قبل ان تختار نفسھا وکذا اذا اشتغلت بعمل اٰخر یعلم انہ کان قاطعا لما قبلہ کما اذاادعت بطعام لتأکلہ او نامت او نشطت او اغتسلت او اختضبت او جامعھا زوجہا او خاطبت رجلا بالبیع والشراء فھذا کلہ یبطل خیارھا کذافی السراج الوھاج۔۲؎

اگر بیوی مجلس میں اپنے کو طلاق دینے سے قبل اُٹھ کھڑی ہوئی یا کسی دوسرے کام میں مصروف ہوگئی جس سے معلوم ہوجائے کہ یہ اختیار کے لئے قاطع ہے مثلاً بیوی اس مجلس میں اختیار استعمال کرنے سے قبل کھانے کےلئے کھانا طلب کرلے یا کنگھی کرنا شروع کردے یا غسل شروع کردے یا خضاب مہندی لگانا شروع کردے یا خاوند سے ہمبستری شروع کردے یاکسی دوسر ے شخص سے خرید وفروخت کی بات شروع کردے، تو یہ تمام افعال اس کے اختیار کو باطل کردیں گے۔ سراج الوہاج میں ایسے ہی مذکور ہے(ت)

 (۲؎ فتاوٰی ہندیہ     الباب الثالث فی تفویض الطلاق    نورانی کتب خانہ پشاور        ۱ /۳۸۷)

درمختار میں ہے:

والفلک لھا کالبیت وسیرد ابتھا کسیرھا حتی لایتبدل المجلس بجری الفلک ویتبدل بسیر الدابۃ ۳؎الخ۔

کشتی، گھر کی طرح ہے، اور سواری کا چلنا عورت کے اپنے چلنے کی طرح ہے حتی کہ مجلسِ اختیار تبدیل نہ ہوگی جب کشتی چلتی رہی ہو مگر سواری کے چلنے پر مجلس تبدیل ہوجائے گی الخ(ت)

 (۳؎ درمختار         باب تفویض الطلاق         مطبع مجتبائی دہلی    ۱ /۲۲۷)

بالجملہ صورت مستفسرہ میں زینب پر طلاق ہونے کےلئے تین امور ضرور:

ایک یہ کہ وہ تفویض جانب زوج سے صحیح واقع ہوئی یعنی بعد نکاح یہ اختیار دیا ہو یا وقت نکاح اس طور پر کہ ابتدائے ایجاب عورت کی طرف سے ہو۔

دوسرے یہ کہ بعد نکاح چھ۶مہینے بے نفقہ وخبر گیری گزرے ہوں۔

تیسرے یہ کہ اُن کے گزرتے ہی اسی مجلس میں بے کسی اجنبی بات کے زینب نے اپنے آپ کو طلاق دے لی ہو۔

ان تین امور سے اگر ایک بھی کم ہے دعوٰی طلاق محض غلط وباطل ہے اب اگر زید ان تینوں باتوں کے وجود کا مقر ہوتو آپ ہی طلاق ثابت ہوجائے گی، اور اگر ان میں بعض کا منکر ہوتو امر اوّل ودوم میں زینب پر گواہ دینے ضرور ہیں، شہادتِ شرعیہ سے ثابت کرے کہ شوہر نے اسے تفویض طلاق بروجہ مقبول شرعی کی اور چھ مہینے بے نفقہ وخبر گیری گزرگئے اگر گواہانِ عادل سے اسے ثابت نہ کرسکے گی تو زید کا قول قسم کے ساتھ مان لیا جائے گا اور طلاق ثابت نہ ہوگی، اور امر سوم میں اگر زید کو سرے سے بعد حصول شرط زوجہ کی جانب سے ایقاعِ طلاق صادر ہونے ہی کا انکار ہے جب بھی گواہ ذمّہ زینب ہیں اور اگر ایقاع بھی زیدکو تسلیم ہے تو گواہ دینا زید پر لازم ہے یعنی صحتِ تفویض وانقضائے ششماہی وایقاع طلاق زید کو تسلیم یا گواہوں سے ثابت ہے اور تنقیح صرف اس بات کی باقی ہے کہ اس مدت گزرنے پر زینب نے اسی مجلس میں اپنے آپ کو طلاق دے لی یا بعد زینب کہتی ہے اسی وقت میں نے دے لی تھی اور زید منکر ہے، تو اس کا بار ثبوت زید پر ہے، یہ گواہوں سے ثابت کرے کہ جس وقت چھ مہینے گزرے ہیں زینب بے طلاق دئے ہوئے کسی اور کام میں مشغول ہوگئی اگر ثابت کردے گا طلاق نہ ہوگی ورنہ زینب کا قول قسم کے ساتھ مان لیا جائے گا اور طلاق ثابت کردیں گے۔ درمختار میں ہے: قالت طلقت نفسی فی المجلس بلاتبدل وانکر فالقول لہا، جعل امرھا بیدھا ان ضربھا بغیرجنایۃ فضربھا ثم اختلفافالقول لہ لانہ منکر وتقبل بینتھا علی الشرط المنفی۱؎، کما سیجی۔ واﷲ سبحٰنہ وتعالٰی اعلم۔

بیوی نے کہا میں نے مجلس تبدیل کئے بغیر اپنے آپ کو طلاق دے دی ہے، اور خاوند اس کاا نکار کرتا ہے تو بیوی کی بات معتبر ہوگی، مرد نے عورت کو طلاق کا اختیار دیا اگر وہ اس کے بغیر قصور مارے، پھر خاوند نے بیوی کو پیٹ دیا تو اب بغیر قصور پیٹنے کی شرط پائے جانے،میں خاوند بیوی کااختلاف ہوا تو خاوند کا قول معتر ہوگا کہ وہ منکر ہے، اگر عورت شرط کے نہ  پائے جانے کے موقف پر خاوند کے خلاف شہادت پیش کرے تو قبول کی جائے گی جیسا کہ عنقریب ذکر آئیگا۔ واﷲ سبحانہ وتعالٰی اعلم۔(ت)

 (۱؎ درمختار     باب الامر بالید     مطبع مجتبادئی دہلی     ۱ /۲۲۹)