Brailvi Books

یحرم علی الرضیع ابواہ من الرضاع واصولھما وفرو عھما حتی المرضعۃ لو ولدت قبل ھذا الارضاع اوبعدہ وارضعت رضیعھا فالکل اخوۃ الرضیع واخواتہ  واولادھم اولاداخوتہ واخواتہ ۱؎ اھ ملخصا۔

دودھ پینے والے بچے رضاعی ماں باپ اور ان کے اصول وفروع حرام ہوجاتے ہیں حتی کہ اگر وہ دودھ پلانے سے قبل یا بعد اس نے کوئی بچہ جنا ہو یا کسی کو دودھ پلایاہو تو وہ سب اس کے بھائی بہن ہوں گے اور ان کی اولاد اس کے بھتیجے اور بھتیجیاں اور بھانجے اور بھانجیاں ہوں گی۔ اھ ملخصا (ت)

 (۱؎ فتاوٰی ہندیہ    کتاب الرضاع    نورانی کتب خانہ پشاور    ۱/۳۴۳)

اور یہیں سے ظاہر ہوگیاکہ بعض مدعیان علم کا یہ خیال کہ سلمٰی اور لیلٰی زید سے پہلے پیدا ہوئی تھی تو دودھ میں شرکت نہ ہوئی، نہ سلمٰی اس کی بہن نہ لیلٰی اس کی بھانجی ٹھہری، محض جہالت  فاحشہ ہے۔ واللہ تعالٰی اعلم

مسئلہ ۱۵۶: از خیرآباد مرسلہ حسین بخش صاحب رضوی یکم ربیع الاول ۱۳۰۶ھ

کیا فرماتے ہیں علمائے دین اس مسئلہ میں کہ زید کو بکر کی بیٹی بیاہی ہے اور بکر نے دوسری عورت سے نکاح کیا، بعدہ بکر مرگیا، اب زید چاہتا ہے کہ اپنی سوتیلی خوشدامن سے نکاح کرے، یہ نکاح موافق حاشیہ عینی کے جائز ہے یانہیں؟ اور زن مذکورہ قولہ تعالٰی" وامھات نسائکم" میں داخل ہے یا نہیں؟ بینوا توجروا

الجواب: نکاح مذکور بیشک جائز ہے۔

قال اللہ عزوجل: واحل لکم ماوراء ذلکم ۱؎

 (محرمات مذکورہ کے ماسوا تمھارے لیے حلال کی گئی ہیں۔ ت)

 ( ۱؎ القرآن    ۴/۲۴)

علماء قاطبۃ متون وشروح وفتاوٰی میں محرمات صہریہ زوجات اصول وفروع اصول و فروع زوجات بتاتے ہیں نہ

زوجہ اصول زوجہ و عدم الذکر فی امثال المقام ذکر العدم کما لایخفی

 (ایسے مقام میں ذکر نہ ہونا گویا نہ ہونے کاذکر ہے جیسا کہ مخفی نہیں۔ ت) اورسوتیلی ماں لفظ امہات میں ہرگز داخل نہیں، ورنہ آیۃ

تحریم میں حرمت علیکم امھاتکم ۲؎

 (تم پر تمھاری مائیں حرام کی گئی ہیں۔ ت) کے بعد

ولاتنکحوا مانکح اٰباؤکم ۳؎

(جن سے تمھارے آباء نے نکاح کیا تم ان سے نکاح نہ کرو۔ ت)کیونکر فرمایا جاتا۔ علماء تصریح فرماتے ہیں کہ سوتیلی ماں کی ماں اورا س کی بیٹی اورا س کی بہن سب حلال ہیں، اگر سوتیلی ماں بھی ماں ہوتی تویہ عورتیں اس کی نانی، بہن،خالہ قرارپاتیں۔

 (۲؎ القرآن    ۴/۲۳) ( ۳؎ القرآن    ۴/۲۲)

علامہ خیرالدین رملی فرماتے ہیں:

لاتحرم بنت زوج الام ولاامہ ولاام زوجۃ الاب ولابنتھا ۴؎۔

ماں کے خاوند کی بیٹی اور اس کی ماں اور باپ کی دوسری بیوی کی ماں اور بیٹی حرام نہیں۔ (ت)

 (۴؂فتاوٰی خیریہ    فصل فی المحرمات    دارالمعرفۃ بیروت    ۱/۲۳)

اصل یہ ہے کہ ساس کی حرمت اس وجہ سے نہیں کہ وہ خسر کی زوجہ ہے بلکہ اس لیے کہ وہ زوجہ کی ماں ہے، سوتیلی ساس میں یہ وجہ نہیں لہذا اس کی حلت میں کوئی شبہ نہیں، مسئلہ واضح ہے اور حکم ظاہر، واللہ تعالٰی اعلم